헬라어 문장 검색 - Αρριαν́Αναβασί3́06́

(아리아노스, Anabasis, book 3, chapter 6)

Ἀλέξανδροσ δὲ ἅμα τῷ ἦρι ὑποφαίνοντι ἐκ Μέμφιοσ ᾔει ἐπὶ Φοινίκησ· καὶ ἐγεφυρώθη αὐτῷ ὅ τε κατὰ Μέμφιν πόροσ τοῦ Νείλου καὶ αἱ διώρυχεσ αὐτοῦ πᾶσαι. ὡσ δὲ ἀφίκετο ἐσ Τύρον, καταλαμβάνει ἐνταῦθα ἧκον αὐτῷ ἤδη καὶ τὸ ναυτικόν. ἐν Τύρῳ δὲ αὖθισ θύει τῷ Ἡρακλεῖ καὶ ἀγῶνα ποιεῖ γυμνικόν τε καὶ μουσικόν. ἐνταῦθα ἀφικνεῖται παῤ αὐτὸν ἐξ Ἀθηνῶν ἡ Πάραλοσ πρέσβεισ ἄγουσα Διόφαντον καὶ Ἀχιλλέα·

ξυνεπρέσβευον δὲ αὐτοῖσ καὶ οἱ Πάραλοι ξύμπαντεσ. καὶ οὗτοι τῶν τε ἄλλων ἔτυχον ὧν ἕνεκα ἐστάλησαν καὶ τοὺσ αἰχμαλώτουσ ἀφῆκεν Ἀθηναίοισ ὅσοι ἐπὶ Γρανίκῳ Ἀθηναίων ἑάλωσαν. τὰ δὲ ἐν Πελοποννήσῳ ὅτι αὐτῷ νενεωτερίσθαι ἀπήγγελτο, Ἀμφοτερὸν πέμπει βοηθεῖν Πελοποννησίων ὅσοι ἔσ τε τὸν Περσικὸν πόλεμον βέβαιοι ἦσαν καὶ Λακεδαιμονίων οὐ κατήκουον.

Φοίνιξι δὲ καὶ Κυπρίοισ προσετάχθη ἑκατὸν ναῦσ ἄλλασ πρὸσ αἷσ ἔχοντα Ἀμφοτερὸν ἔπεμπε στέλλειν ἐπὶ Πελοποννήσου. Αὐτὸσ δὲ ἤδη ἄνω ὡρμᾶτο ὡσ ἐπὶ Θάψακόν τε καὶ τὸν Εὐφράτην ποταμόν, ἐν Φοινίκῃ μὲν ἐπὶ τῶν φόρων τῇ ξυλλογῇ καταστήσασ Κοίρανον Βεροιαῖον, Φιλόξενον δὲ τῆσ Ἀσίασ τὰ ἐπὶ τάδε τοῦ Ταύρου ἐκλέγειν.

τῶν ξὺν αὑτᾷ δὲ χρημάτων τὴν φυλακὴν ἀντὶ τούτων ἐπέτρεψεν Ἁρπάλῳ τῷ Μαχάτα ἄρτι ἐκ τῆσ φυγῆσ ἥκοντι. Ἅρπαλοσ γὰρ τὰ μὲν πρῶτα ἔφυγε, Φιλίππου ἔτι βασιλεύοντοσ, ὅτι πιστὸσ ἦν, καὶ Πτολεμαῖοσ ὁ Λάγου ἐπὶ τῷ αὐτῷ ἔφυγε καὶ Νέαρχοσ ὁ Ἀνδροτίμου καὶ Ἐριγύϊοσ ὁ Λαρίχου καὶ Λαομέδων ὁ τούτου ἀδελφόσ, ὅτι ὕποπτα ἦν Ἀλεξάνδρῳ ἐσ Φίλιππον, ἐπειδὴ Εὐρυδίκην γυναῖκα ἠγάγετο Φίλιπποσ, Ὀλυμπιάδα δὲ τὴν Ἀλεξάνδρου μητέρα ἠτίμασε.

τελευτήσαντοσ δὲ Φιλίππου κατελθόντασ ἀπὸ τῆσ φυγῆσ ὅσοι δἰ αὐτὸν ἔφευγον Πτολεμαῖον μὲν σωματοφύλακα κατέστησεν, Ἅρπαλον δὲ ἐπὶ τῶν χρημάτων, ὅτι αὐτῷ τὸ σῶμα ἐσ τὰ πολέμια ἀχρεῖον ἦν, Ἐριγύϊον δὲ ἱππάρχην τῶν ξυμμάχων, Λαομέδοντα δὲ τὸν τούτου ἀδελφόν, ὅτι δίγλωσσοσ ἦν ἐσ τὰ βαρβαρικὰ γράμματα, ἐπὶ τοῖσ αἰχμαλώτοισ βαρβάροισ, Νέαρχον δὲ σατραπεύειν Λυκίασ καὶ τῆσ ἐχομένησ Λυκίασ χώρασ ἔστε ἐπὶ τὸν Ταῦρον τὸ ὄροσ.

ὀλίγον δὲ πρόσθεν τῆσ μάχησ τῆσ ἐν Ἰσσῷ γενομένησ ἀναπεισθεὶσ πρὸσ Ταυρίσκου ἀνδρὸσ κακοῦ Αρπαλοσ φεύγει ξὺν Ταυρίσκῳ.

καὶ ὁ μὲν Ταυρίσκοσ παῤ Ἀλέξανδρον τὸν Ἠπειρώτην ἐσ Ιταλίαν σταλεὶσ ἐκεῖ ἐτελεύτησεν, Ἁρπάλῳ δὲ ἐν τῇ Μεγαρίδι ἡ φυγὴ ἦν. ἀλλὰ Ἀλέξανδροσ πείθει αὐτὸν κατελθεῖν πίστεισ δοὺσ οὐδέν οἱ μεῖον ἔσεσθαι ἐπὶ τῇ φυγῇ· οὐδὲ ἐγένετο ἐπανελθόντι, ἀλλὰ ἐπὶ τῶν χρημάτων αὖθισ ἐτάχθη Ἅρπαλοσ. ἐσ Λυδίαν δὲ σατράπην Μένανδρον ἐκπέμπει τῶν ἑταίρων· ἐπὶ δὲ τοῖσ ξένοισ, ὧν ἡγεῖτο Μένανδροσ, Κλέαρχοσ αὐτῷ ἐτάχθη.

ἀντὶ δὲ Ἀρίμμα σατράπην Συρίασ Ἀσκληπιόδωρον τὸν Εὐνίκου ἀπέδειξεν, ὅτι Ἀρίμμασ βλακεῦσαι ἐδόκει αὐτῷ ἐν τῇ παρασκευῇ, ἥντινα ἐτάχθη παρασκευάσαι τῇ στρατιᾷ κατὰ τὴν ὁδὸν τὴν ἄνω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 6

(아리아노스, Anabasis, book 3, chapter 6)

상위

목록

SEARCH

MENU NAVIGATION