헬라어 문장 검색 - Πλυταρ́Περιξλέ31́

(플루타르코스, Περικλῆς, chapter 31)

τὴν μὲν οὖν ἀρχὴν ὅπωσ ἔσχεν οὐ ῥᾴδιον γνῶναι, τοῦ δὲ μὴ λυθῆναι τὸ ψήφισμα πάντεσ ὡσαύτωσ τὴν αἰτίαν ἐπιφέρουσι τῷ Περικλεῖ. πλὴν οἱ μὲν ἐκ φρονήματοσ μεγάλου μετὰ γνώμησ κατὰ τὸ βέλτιστον ἀπισχυρίσασθαί φασιν αὐτόν, πεῖραν ἐνδόσεωσ τὸ πρόσταγμα καὶ τὴν συγχώρησιν ἐξομολόγησιν ἀσθενείασ ἡγούμενον· οἱ δὲ μᾶλλον αὐθαδείᾳ τινὶ καὶ φιλονεικίᾳ πρὸσ ἔνδειξιν ἰσχύοσ περιφρονῆσαι Λακεδαιμονίων. ἡ δὲ χειρίστη μὲν αἰτία πασῶν, ἔχουσα δὲ πλείστουσ μάρτυρασ, οὕτω πωσ λέγεται. Φειδίασ ὁ πλάστησ ἐργολάβοσ μὲν ἦν τοῦ ἀγάλματοσ, ὥσπερ εἴρηται, φίλοσ δὲ τῷ Περικλεῖ γενόμενοσ καὶ μέγιστον παρ’ αὐτῷ δυνηθεὶσ τοὺσ μὲν δι’ αὑτὸν ἔσχεν ἐχθροὺσ φθονούμενοσ, οἱ δὲ τοῦ δήμου ποιούμενοι πεῖραν ἐν ἐκείνῳ, ποῖόσ τισ ἔσοιτο τῷ Περικλεῖ κριτήσ, Μένωνά τινα τῶν Φειδίου συνεργῶν πείσαντεσ ἱκέτην ἐν ἀγορᾷ καθίζουσιν, αἰτούμενον ἄδειαν ἐπὶ μηνύσει καὶ κατηγορίᾳ τοῦ Φειδίου.

προσδεξαμένου δὲ τοῦ δήμου τὸν ἄνθρωπον καὶ γενομένησ ἐν ἐκκλησίᾳ διώξεωσ, κλοπαὶ μὲν οὐκ ἠλέγχοντο·

τὸ γὰρ χρυσίον οὕτωσ εὐθὺσ ἐξ ἀρχῆσ τῷ ἀγάλματι προσειργάσατο καὶ περιέθηκεν ὁ Φειδίασ γνώμῃ τοῦ Περικλέουσ ὥστε πᾶν δυνατὸν εἶναι περιελοῦσιν ἀποδεῖξαι τὸν σταθμόν, ὃ καὶ τότε τοὺσ κατηγόρουσ ἐκέλευσε ποιεῖν ὁ Περικλῆσ. ἡ δὲ δόξα τῶν ἔργων ἐπίεζε φθόνῳ τὸν Φειδίαν, καὶ μάλισθ’ ὅτι τὴν πρὸσ Ἀμαζόνασ μάχην ἐν τῇ ἀσπίδι ποιῶν αὑτοῦ τινα μορφὴν ἐνετύπωσε πρεσβύτου φαλακροῦ πέτρον ἐπῃρμένου δι’ ἀμφοτέρων τῶν χειρῶν, καὶ τοῦ Περικλέουσ εἰκόνα παγκάλην ἐνέθηκε μαχομένου πρὸσ Ἀμαζόνα.

τὸ δὲ σχῆμα τῆσ χειρόσ, ἀνατεινούσησ δόρυ πρὸ τῆσ ὄψεωσ τοῦ Περικλέουσ, πεποιημένον εὐμηχάνωσ οἱο͂ν ἐπικρύπτειν βούλεται τὴν ὁμοιότητα παραφαινομένην ἑκατέρωθεν. ὁ μὲν οὖν Φειδίασ εἰσ τὸ δεσμωτήριον ἀπαχθεὶσ ἐτελεύτησε νοσήσασ, ὡσ δέ φασιν ἔνιοι, φαρμάκοισ, ἐπὶ διαβολῇ τοῦ Περικλέουσ τῶν ἐχθρῶν παρασκευασάντων.

τῷ δὲ μηνυτῇ Μένωνι γράψαντοσ Γλύκωνοσ ἀτέλειαν ὁ δῆμοσ ἔδωκε, καὶ προσέταξε τοῖσ στρατηγοῖσ ἐπιμελεῖσθαι τῆσ ἀσφαλείασ τοῦ ἀνθρώπου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 31

(플루타르코스, Περικλῆς, chapter 31)

상위

목록

SEARCH

MENU NAVIGATION