헬라어 문장 검색 - Πλυταρ́Πελοπιδ́26́

(플루타르코스, Pelopidas, chapter 26)

ἐπεὶ δὲ Ἀλεξάνδρου τοῦ Φερῶν τυράννου πολεμοῦντοσ μὲν ἐκ προδήλου πολλοῖσ Θετταλῶν, ἐπιβουλεύοντοσ δὲ πᾶσιν, ἐπρέσβευσαν εἰσ Θήβασ αἱ πόλεισ στρατηγὸν αἰτούμεναι καὶ δύναμιν, ὁρῶν ὁ Πελοπίδασ τὸν Ἐπαμεινώνδαν τὰσ ἐν Πελοποννήσῳ πράξεισ διοικεῖν, αὐτὸσ ἑαυτὸν ἐπέδωκε καὶ προσένειμε τοῖσ Θεσσαλοῖσ, μήτε τήν ἰδίαν ἐπιστήμην καὶ δύναμιν ἀργοῦσαν περιορᾶν ὑπομένων, μήτε ὅπου πάρεστιν Ἐπαμεινώνδασ ἑτέρου δεῖσθαι στρατηγοῦ νομίζων. ὡσ οὖν ἐστράτευσεν ἐπὶ Θεσσαλίαν μετὰ δυνάμεωσ, τήν τε Λάρισσαν εὐθὺσ παρέλαβε, καὶ τὸν Ἀλέξανδρον ἐλθόντα καὶ δεόμενον διαλλάττειν ἐπειρᾶτο καὶ ποιεῖν ἐκ τυράννου πρᾷον ἄρχοντα τοῖσ Θεσσαλοῖσ καὶ νόμιμον.

ὡσ δὲ ἦν ἀνήκεστοσ καὶ θηριώδησ καὶ πολλὴ μὲν ὠμότησ αὐτοῦ, πολλὴ δὲ ἀσέλγεια καὶ πλεονεξία κατηγορεῖτο, τραχυνομένου τοῦ Πελοπίδου πρὸσ αὐτὸν καὶ χαλεπαίνοντοσ ἀποδρὰσ ᾤχετο μετὰ τῶν δορυφόρων. ὁ δὲ Πελοπίδασ ἄδειάν τε πολλὴν ἀπὸ τοῦ τυράννου τοῖσ Θεσσαλοῖσ ἀπολιπὼν καὶ πρὸσ ἀλλήλουσ ὁμόνοιαν, αὐτὸσ εἰσ Μακεδονίαν ἀπῆρε, Πτολεμαίου μὲν Ἀλεξάνδρῳ τῷ βασιλεύοντι τῶν Μακεδόνων πολεμοῦντοσ, ἀμφοτέρων δὲ μεταπεμπομένων ἐκεῖνον ὡσ διαλλακτὴν καὶ δικαστὴν καὶ σύμμαχον καὶ βοηθὸν τοῦ δοκοῦντοσ ἀδικεῖσθαι γενησόμενον.

ἐλθὼν δὲ καὶ διαλύσασ τὰσ διαφορὰσ καὶ καταγαγὼν τοὺσ φεύγοντασ, ὅμηρον ἔλαβε τὸν ἀδελφὸν τοῦ βασιλέωσ Φίλιππον καὶ τριάκοντα παῖδασ ἄλλουσ τῶν ἐπιφανεστάτων, καὶ κατέστησεν εἰσ Θήβασ, ἐπιδειξάμενοσ τοῖσ Ἕλλησιν ὡσ πόρρω διήκει τὰ Θηβαίων πράγματα τῇ δόξῃ τῆσ δυνάμεωσ καὶ τῇ πίστει τῆσ δικαιοσύνησ.

οὗτοσ ἦν Φίλιπποσ ὁ τοῖσ Ἕλλησιν ὕστερον πολεμήσασ ὑπὲρ τῆσ ἐλευθερίασ, τότε δὲ παῖσ ὢν ἐν Θήβαισ παρὰ Παμμένει δίαιταν εἶχεν.

ἐκ δὲ τούτου καὶ ζηλωτὴσ γεγονέναι ἔδοξεν Ἐπαμεινώνδου, τὸ περὶ τοὺσ πολέμουσ καὶ τὰσ στρατηγίασ δραστήριον ἴσωσ κατανοήσασ, ὃ μικρὸν ἦν τῆσ τοῦ ἀνδρὸσ ἀρετῆσ μόριον, ἐγκρατείασ δὲ καὶ δικαιοσύνησ καὶ μεγαλοψυχίασ καὶ πρᾳότητοσ, οἷσ ἦν ἀληθῶσ μέγασ ἐκεῖνοσ, οὐδὲν οὔτε φύσει Φίλιπποσ οὔτε μιμήσει μετέσχε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 26

(플루타르코스, Pelopidas, chapter 26)

상위

목록

SEARCH

MENU NAVIGATION