헬라어 문장 검색 - Πλυταρ́Πελοπιδ́25́

(플루타르코스, Pelopidas, chapter 25)

ἐπὶ δὲ τούτοισ οἱ μὲν ἄλλοι πάντεσ ὑπερηγάπων τὴν ἀρετὴν καὶ τὴν τύχην ἐθαύμαζον, ὁ δὲ συγγενὴσ καὶ πολιτικὸσ φθόνοσ ἅμα τῇ δόξῃ τῶν ἀνδρῶν συναυξόμενοσ οὐ καλὰσ οὐδὲ πρεπούσασ ὑποδοχὰσ παρεσκεύαζεν αὐτοῖσ. θανάτου γὰρ ἀμφότεροι δίκασ ἔφυγον ἐπανελθόντεσ, ὅτι τοῦ νόμου κελεύοντοσ ἐν τῷ πρώτῳ μηνὶ παραδοῦναι τὴν βοιωταρχίαν ἑτέροισ, ὃν Βουκάτιον ὀνομάζουσι, τέτταρασ ὅλουσ προσεπεβάλοντο μῆνασ, ἐν οἷσ τὰ περὶ Μεσσήνην καὶ Ἀρκαδίαν καὶ τὴν Λακωνικὴν διῴκησαν. εἰσήχθη μὲν οὖν πρότεροσ εἰσ τὸ δικαστήριον Πελοπίδασ, διὸ καὶ μᾶλλον ἐκινδύνευσεν, ἀμφότεροι δὲ ἀπελύθησαν.

τὸ δὲ συκοφάντημα καὶ τὴν πεῖραν Ἐπαμεινώνδασ ἤνεγκε πρᾴωσ, μέγα μέροσ ἀνδρείασ καὶ μεγαλοψυχίασ τὴν ἐν τοῖσ πολιτικοῖσ ἀνεξικακίαν ποιούμενοσ, Πελοπίδασ δὲ καὶ φύσει θυμοειδέστεροσ ὤν, καὶ παροξυνόμενοσ ὑπὸ τῶν φίλων ἀμύνασθαι τοὺσ ἐχθρούσ, ἐπελάβετο τοιαύτησ αἰτίασ. Μενεκλείδασ ὁ ῥήτωρ ἦν μὲν εἷσ τῶν μετὰ Πελοπίδου καὶ Μέλωνοσ εἰσ τὴν Χάρωνοσ οἰκίαν συνελθόντων, ἐπεὶ δὲ τῶν ἴσων οὐκ ἠξιοῦτο παρὰ τοῖσ Θηβαίοισ, δεινότατοσ μὲν ὢν λέγειν, ἀκόλαστοσ δὲ καὶ κακοήθησ τὸν τρόπον, ἐχρῆτο τῇ φύσει πρὸσ τὸ συκοφαντεῖν καὶ διαβάλλειν τοὺσ κρείττονασ, οὐδὲ μετὰ δίκην ἐκείνην παυσάμενοσ.

Ἐπαμεινώνδαν μὲν οὖν ἐξέκρουσε τῆσ βοιωταρχίασ καὶ κατεπολιτεύσατο πολὺν χρόνον, Πελοπίδαν δὲ πρὸσ μὲν τὸν δῆμον οὐκ ἴσχυσε διαβαλεῖν, ἐπεχείρει δὲ συγκροῦσαι τῷ Χάρωνι·

καὶ κοινήν τινα τοῦ φθόνου παραμυθίαν ἔχοντοσ, ἂν ὧν αὐτοὶ μὴ δύνανται βελτίουσ φανῆναι, τούτουσ ἁμῶσ γέ πωσ ἑτέρων ἀποδείξωσι κακίουσ, πολὺσ ἦν πρὸσ τὸν δῆμον αὔξων τὰ τὸν Χάρωνοσ ἔργα, καὶ τὰσ στρατηγίασ τὰσ ἐκείνου καὶ τὰσ νίκασ ἐγκωμιάζων. τῆσ δὲ πρὸσ Πλαταιὰσ ἱππομαχίασ, ἣν πρὸ τῶν Λευκτρικῶν ἐνίκησαν ἡγουμένου Χάρωνοσ, ἐπεχείρησεν ἀνάθημα τοιόνδε ποιῆσαι.

Ἀνδροκύδησ ὁ Κυζικηνὸσ ἐκλαβὼν παρὰ τῆσ πόλεωσ πίνακα γράψαι μάχησ ἑτέρασ, ἐπετέλει τὸ ἔργον ἐν Θήβαισ γενομένησ δὲ τῆσ ἀποστάσεωσ καὶ τοῦ πολέμου συμπεσόντοσ, οὐ πολὺ τοῦ τέλοσ ἔχειν ἐλλείποντα τὸν πίνακα παρ’ ἑαυτοῖσ οἱ Θηβαῖοι κατέσχον. τοῦτον οὖν ὁ Μενεκλείδασ ἔπεισεν ἀναθέντασ ἐπιγράψαι τοὔνομα τοῦ Χάρωνοσ, ὡσ ἀμαυρώσων τὴν Πελοπίδου καὶ Ἐπαμεινώνδου δόξαν.

ἦν δὲ ἀβέλτεροσ ἡ φιλοτιμία, παρὰ τοσούτουσ καὶ τηλικούτουσ ἀγῶνασ ἑνὸσ ἔργου καὶ μιᾶσ νίκησ ἀγαπωμένησ, ἐν ᾗ Γεράνδαν τινὰ τῶν ἀσήμων Σπαρτιατῶν καὶ τεσσαράκοντα μετ’ αὐτοῦ πεσεῖν, ἄλλο δὲ οὐδὲν μέγα πραχθῆναι λέγουσι. τοῦτο τὸ ψήφισμα γράφεται Πελοπίδασ παρανόμων, ἰσχυριζόμενοσ ὅτι Θηβαίοισ οὐ πάτριον ἦν ἰδίᾳ κατ’ ἄνδρα τιμᾶν, ἀλλὰ τῇ πατρίδι κοινῶσ τὸ τῆσ νίκησ ὄνομα σῴζειν.

καὶ τὸν μὲν Χάρωνα παρὰ πᾶσαν τὴν δίκην ἐγκωμιάζων ἀφθόνωσ διετέλεσε, τὸν δὲ Μενεκλείδαν βάσκανον καὶ πονηρὸν ἐξελέγχων, καὶ τοὺσ Θηβαίουσ ἐρωτῶν εἰ μηδὲν αὐτοῖσ καλὸν πέπρακται, ὥστε Μενεκλείδαν ζημιῶσαι χρήμασιν, ἃ μὴ δυνάμενοσ ἐκτῖσαι διὰ πλῆθοσ, ὕστερον ἐπεχείρησε κινῆσαι καὶ μεταστῆσαι τὴν πολιτείαν. ταῦτα μὲν οὖν ἔχει τινὰ καὶ τοῦ βίου ἀποθεώρησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 25

(플루타르코스, Pelopidas, chapter 25)

상위

목록

SEARCH

MENU NAVIGATION