헬라어 문장 검색 - Πλυταρ́Πελοπιδ́14́

(플루타르코스, Pelopidas, chapter 14)

ἐπεὶ τοίνυν στρατῷ μεγάλῳ Λακεδαιμονίων εἰσ τήν Βοιωτίαν ἐμβαλόντων οἱ Ἀθηναῖοι περίφοβοι γενόμενοι τήν τε συμμαχίαν ἀπείπαντο τοῖσ Θηβαίοισ καὶ τῶν βοιωτιαζόντων εἰσ τὸ δικαστήριον παραγαγόντεσ τοὺσ μὲν ἀπέκτειναν, τοὺσ δ’ ἐφυγάδευσαν, τοὺσ δὲ χρήμασιν ἐζημίωσαν, ἐδόκει δὲ κακῶσ ἔχειν τὰ τῶν Θηβαίων πράγματα μηδενὸσ αὐτοῖσ βοηθοῦντοσ, ἔτυχε μὲν ὁ Πελοπίδασ μετὰ Γοργίδου βοιωταρχῶν, ἐπιβουλεύοντεσ δὲ συγκροῦσαι πάλιν τοὺσ Ἀθηναίουσ τοῖσ Λακεδαιμονίοισ τοιόνδε τι μηχανῶνται. Σφοδρίασ, ἀνὴρ Σπαρτιάτησ, εὐδόκιμοσ μὲν ἐν τοῖσ πολεμικοῖσ καὶ λαμπρόσ, ὑπόκουφοσ δὲ τήν γνώμην καὶ κενῶν ἐλπίδων καὶ φιλοτιμίασ ἀνοήτου μεστόσ, ἀπελείφθη περὶ Θεσπιὰσ μετὰ δυνάμεωσ τοὺσ ἀφισταμένουσ τῶν Θηβαίων δέχεσθαι καὶ βοηθεῖν.

πρὸσ τοῦτον ὑποπέμπουσιν οἱ περὶ τὸν Πελοπίδαν ἰδίᾳ ἔμπορόν τινα τῶν φίλων, χρήματα κομίζοντα καὶ λόγουσ, οἳ τῶν χρημάτων μᾶλλον ἀνέπεισαν αὐτόν ὡσ χρὴ πραγμάτων ἅψασθαι μεγάλων καὶ τὸν Πειραιᾶ καταλαβεῖν, ἀπροσδόκητον ἐπιπεσόντα μὴ φυλαττομένοισ τοῖσ Ἀθηναίοισ· Λακεδαιμονίοισ τε γὰρ οὐδὲν οὕτωσ ἔσεσθαι κεχαρισμένον ὡσ λαβεῖν τὰσ Ἀθήνασ, Θηβαίουσ τε χαλεπῶσ ἔχοντασ αὐτοῖσ καὶ προδότασ νομίζοντασ οὐκ ἐπιβοηθήσειν.

τέλοσ δὲ συμπεισθεὶσ ὁ Σφοδρίασ καὶ τοὺσ στρατιώτασ ἀναλαβών, νυκτὸσ εἰσ τήν Ἀττικὴν ἐνέβαλε. καὶ μέχρι μὲν Ἐλευσῖνοσ προῆλθεν, ἐκεῖ δὲ τῶν στρατιωτῶν ἀποδειλιασάντων φανερὸσ γενόμενοσ, καὶ συνταράξασ οὐ φαῦλον οὐδὲ ῥᾴδιον τοῖσ Σπαρτιάταισ πόλεμον, ἀνεχώρησεν εἰσ Θεσπιάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 14

(플루타르코스, Pelopidas, chapter 14)

상위

목록

SEARCH

MENU NAVIGATION