Plutarch, Pelopidas, chapter 6

(플루타르코스, Pelopidas, chapter 6)

ἐπεὶ δὲ Λακεδαιμόνιοι Φοιβίδαν μὲν ἀφείλοντο τῆσ ἀρχῆσ καὶ δέκα δραχμῶν μυριάσιν ἐζημίωσαν, τὴν δὲ Καδμείαν οὐδὲν ἧττον φρουρᾷ κατέσχον, οἱ μὲν ἄλλοι πάντεσ Ἕλληνεσ ἐθαύμαζον τὴν ἀτοπίαν, εἰ τὸν μὲν πράξαντα κολάζουσι, τὴν δὲ πρᾶξιν δοκιμάζουσι, τοῖσ δὲ Θηβαίοισ τὴν πάτριον ἀποβεβληκόσι πολιτείαν καὶ καταδεδουλωμένοισ ὑπὸ τῶν περὶ Ἀρχίαν καὶ Λεοντίδαν οὐδὲ ἐλπίσαι περιῆν ἀπαλλαγήν τινα τῆσ τυραννίδοσ, ἣν ἑώρων τῇ Σπαρτιατῶν δορυφορουμένην ἡγεμονίᾳ καὶ καταλυθῆναι μὴ δυναμένην, εἰ μή τισ ἄρα παύσειε κἀκείνουσ γῆσ καὶ θαλάττησ ἄρχοντασ, οὐ μὴν ἀλλ’ οἱ περὶ Λεοντίδαν πυνθανόμενοι τοὺσ φυγάδασ Ἀθήνησι διατρίβειν τῷ τε πλήθει προσφιλεῖσ ὄντασ καὶ τιμὴν ἔχοντασ ὑπὸ τῶν καλῶν καὶ ἀγαθῶν, ἐπεβούλευον αὐτοῖσ κρύφα· καὶ πέμψαντεσ ἀνθρώπουσ ἀγνῶτασ Ἀνδροκλείδαν μὲν ἀποκτιννύουσι δόλῳ, τῶν δὲ ἄλλων διαμαρτάνουσιν.

πρὸσ τῷ πάτριον αὐτοῖσ καὶ σύμφυτον εἶναι τὸ φιλάνθρωπον, ἀμειβόμενοι τοὺσ Θηβαίουσ μάλιστα συναιτίουσ γενομένουσ τῷ δήμῳ τοῦ κατελθεῖν, καὶ ψηφισαμένουσ, ἐάν τισ Ἀθηναίων ἐπὶ τοὺσ τυράννουσ ὅπλα διὰ τῆσ Βοιωτίασ κομίζῃ, μηδένα Βοιωτὸν ἀκούειν μηδὲ ὁρᾶν, οὐδὲν ἠδίκησαν τοὺσ Θηβαίουσ.

일치하는 문장이 없습니다.

SEARCH

MENU NAVIGATION