헬라어 문장 검색 - Πλυταρ́Πελοπιδ́11́

(플루타르코스, Pelopidas, chapter 11)

τῆσ δὲ πράξεωσ δοκούσησ ἔχειν ἤδη τὸν οἰκεῖον καιρόν, ἐξώρμων δίχα διελόντεσ αὑτούσ, οἱ μὲν περὶ Πελοπίδαν καὶ Δαμοκλείδαν ἐπὶ τὸν Λεοντίδαν καὶ τὸν Ὑπάτην ἐγγὺσ ἀλλήλων οἰκοῦντασ, Χάρων δὲ καὶ Μέλων ἐπὶ τὸν Ἀρχίαν καὶ Φίλιππον, ἐσθῆτασ ἐπενδεδυμένοι γυναικείασ τοῖσ θώραξι, καὶ δασεῖσ στεφάνουσ ἐλάτησ τε καὶ πεύκησ περικείμενοι κατασκιάζοντασ τὰ πρόσωπα. διὸ καὶ ταῖσ θύραισ τοῦ συμποσίου τὸ πρῶτον ἐπιστάντεσ, κρότον ἐποίησαν καὶ θόρυβον οἰομένων ἃσ πάλαι προσεδόκων γυναῖκασ ἥκειν.

ἐπεὶ δὲ περιβλέψαντεσ ἐν κύκλῳ τὸ συμπόσιον καὶ τῶν κατακεκλιμένων ἕκαστον ἀκριβῶσ καταμαθόντεσ ἐσπάσαντο τὰσ μαχαίρασ, καὶ φερόμενοι διὰ τῶν τραπεζῶν ἐπὶ τὸν Ἀρχίαν καὶ Φίλιππον ἐφάνησαν οἵπερ ἦσαν, ὀλίγουσ μὲν ὁ Φιλλίδασ τῶν κατακειμένων ἔπεισεν ἡσυχίαν ἄγειν, τοὺσ δὲ ἄλλουσ ἀμύνεσθαι μετὰ τῶν πολεμάρχων ἐπιχειροῦντασ καὶ συνεξανισταμένουσ διὰ τὴν μέθην οὐ πάνυ χαλεπῶσ ἀπέκτειναν. τοῖσ δὲ περὶ τὸν Πελοπίδαν ἐργωδέστερον ἀπήντα τὸ πρᾶγμα·

καὶ γὰρ ἐπὶ νήφοντα καὶ δεινὸν ἄνδρα τὸν Λεοντίδαν ἐχώρουν, καὶ κεκλεισμένην τὴν οἰκίαν εὑρ͂ον ἤδη καθεύδοντοσ, καὶ πολὺν χρόνον κόπτουσιν αὐτοῖσ ὑπήκουεν οὐδείσ. μόλισ δέ ποτε τοῦ θεράποντοσ αἰσθομένου προϊόντοσ ἔνδοθεν καὶ τὸν μοχλὸν ἀφαιροῦντοσ, ἅμα τῷ πρῶτον ἐνδοῦναι καὶ χαλάσαι τὰσ θύρασ ἐμπεσόντεσ ἀθρόοι καὶ τὸν οἰκέτην ἀνατρέψαντεσ ἐπὶ τὸν θάλαμον ὡρ́μησαν.

ὁ δὲ Λεοντίδασ αὐτῷ τεκμαιρόμενοσ τῷ κτύπῳ καὶ δρόμῳ τὸ γιγνόμενον, ἐσπάσατο μὲν τὸ ἐγχειρίδιον ἐξαναστάσ, ἔλαθε δὲ αὐτὸν καταβαλεῖν τὰ λύχνα καὶ διὰ σκότουσ αὐτοὺσ ἑαυτοῖσ περιπετεῖσ ποιῆσαι τοὺσ ἄνδρασ, ἐν δὲ φωτὶ πολλῷ καθορώμενοσ, ὑπήντα πρὸσ τὰσ θύρασ αὐτοῖσ τοῦ θαλάμου, καὶ τὸν πρῶτον εἰσιόντα Κηφισόδωρον πατάξασ κατέβαλε, πεσόντοσ δὲ τούτου δευτέρῳ συνεπλέκετο τῷ Πελοπίδᾳ· καὶ τὴν μάχην χαλεπὴν ἐποίει καὶ δύσεργον ἡ στενότησ τῶν θυρῶν καὶ κείμενοσ ἐμποδὼν ἤδη νεκρὸσ ὁ Κηφισόδωροσ.

ἐκράτησε δ’ οὖν ὁ Πελοπίδασ, καὶ κατεργασάμενοσ τὸν Λεοντίδαν ἐπὶ τὸν Ὑπάτην εὐθὺσ ἐχώρει μετὰ τῶν σὺν αὐτῷ.

καὶ παρεισέπεσον μὲν εἰσ τὴν οἰκίαν ὁμοίωσ, αἰσθόμενον δὲ ταχέωσ καὶ καταφυγόντα πρὸσ τοὺσ γείτονασ, ἐκ ποδῶν διώξαντεσ εἷλον καὶ διέφθειραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 11

(플루타르코스, Pelopidas, chapter 11)

상위

목록

SEARCH

MENU NAVIGATION