Plutarch, Pelopidas, chapter 18

(플루타르코스, Pelopidas, chapter 18)

τὸν δ’ ἱερὸν λόχον, ὥσ φασι, συνετάξατο Γοργίδασ πρῶτοσ ἐξ ἀνδρῶν ἐπιλέκτων τριακοσίων, οἷσ ἡ πόλισ ἄσκησιν καὶ δίαιταν ἐν τῇ Καδμείᾳ στρατοπεδευομένοισ παρεῖχε, καὶ διὰ τοῦθ’ ὁ ἐκ πόλεωσ λόχοσ ἐκαλοῦντο· τὰσ γὰρ ἀκροπόλεισ ἐπιεικῶσ οἱ τότε πόλεισ ὠνόμαζον. ἔνιοι δέ φασιν ἐξ ἐραστῶν καὶ ἐρωμένων γενέσθαι τὸ σύστημα τοῦτο, καὶ Παμμένουσ ἀπομνημονεύεταί τι μετὰ παιδιᾶσ εἰρημένον· οὐ γὰρ ἔφη τακτικὸν εἶναι τὸν Ὁμήρου Νέστορα κελεύοντα κατὰ φῦλα καὶ φρήτρασ συλλοχίζεσθαι τοὺσ Ἕλληνασ, ὡσ φρήτρη φρήτρηφιν ἀρήγῃ, φῦλα δὲ φύλοισ, δέον ἐραστὴν παρ’ ἐρώμενον τάττειν.

φυλέτασ μὲν γὰρ φυλετῶν καὶ φράτορασ φρατόρων οὐ πολὺν λόγον ἔχειν ἐν τοῖσ δεινοῖσ, τὸ δ’ ἐξ ἐρωτικῆσ φιλίασ συνηρμοσμένον στῖφοσ ἀδιάλυτον εἶναι καὶ ἄρρηκτον, ὅταν οἱ μὲν ἀγαπῶντεσ τοὺσ ἐρωμένουσ, οἱ δὲ αἰσχυνόμενοι τοὺσ ἐρῶντασ ἐμμένωσι τοῖσ δεινοῖσ ὑπὲρ ἀλλήλων. "μή με νεκρὸν ὁ ἐρώμενοσ ὁρῶν κατὰ νώτου τετρωμένον αἰσχυνθῇ.

λέγεται δὲ καὶ τὸν Ιὄλεων τοῦ Ἡρακλέουσ ἐρώμενον ὄντα κοινωνεῖν τῶν ἄθλων καὶ παρασπίζειν.

Ἀριστοτέλησ δὲ καὶ καθ’ αὑτὸν ἔτι φησὶν ἐπὶ τοῦ τάφου τοῦ Ιὄλεω τὰσ καταπιστώσεισ ποιεῖσθαι τοὺσ ἐρωμένουσ καὶ τοὺσ ἐραστάσ. εἰκὸσ οὖν καὶ τὸν λόχον ἱερὸν προσαγορεύεσθαι, καθότι καὶ Πλάτων ἔνθεον φίλον τὸν ἐραστὴν προσεῖπε. λέγεται δὲ διαμεῖναι μέχρι τῆσ ἐν Χαιρωνείᾳ μάχησ ἀήττητον·

"ἀπόλοιντο κακῶσ οἱ τούτουσ τι ποιεῖν ἢ πάσχειν αἰσχρὸν ὑπονοοῦντεσ.

일치하는 문장이 없습니다.

SEARCH

MENU NAVIGATION