헬라어 문장 검색 - Πλυταρ́Πελοπιδ́35́

(플루타르코스, Pelopidas, chapter 35)

ὁ δὲ θάνατοσ αὐτοῦ μεγάλα μὲν ἐλύπησε τοὺσ συμμάχουσ, μείζονα δὲ ὠφέλησε. Θηβαῖοι γὰρ, ὡσ ἐπύθοντο τὴν τοῦ Πελοπίδου τελευτήν, οὐδεμίαν ἀναβολὴν ποιησάμενοι τῆσ τιμωρίασ κατὰ τάχοσ ἐστράτευσαν ὁπλίταισ ἑπτακισχιλίοισ, ἱππεῦσι δ’ ἑπτακοσίοισ, ἡγουμένου Μαλκίτου καὶ Διογείτονοσ. καταλαβόντεσ δὲ συνεσταλμένον καὶ περικεκομμένον τῆσ δυνάμεωσ Ἀλέξανδρον ἠνάγκασαν Θεσσαλοῖσ μὲν ἀποδοῦναι τὰσ πόλεισ ἃσ εἶχεν αὐτῶν, Μάγνητασ δὲ καὶ Φθιώτασ Ἀχαιοὺσ ἀφεῖναι καὶ τὰσ φρουρὰσ ἐξαγαγεῖν, ὀμόσαι δὲ αὐτὸν ἐφ’ οὓσ ἂν ἡγῶνται Θηβαῖοι καὶ κελεύσωσιν ἀκολουθήσειν.

Θηβαῖοι μὲν οὖν τούτοισ ἠρκέσθησαν ἣν δὲ ὀλίγον ὕστερον τοῖσ θεοῖσ ὑπὲρ Πελοπίδου δίκην ἔδωκε διηγήσομαι. Θήβην τὴν συνοικοῦσαν αὐτῷ πρῶτον μὲν, ὡσ εἴρηται, Πελοπίδασ ἐδίδαξε μὴ φοβεῖσθαι τὴν ἔξω λαμπρότητα καὶ παρασκευὴν τῆσ τυραννίδοσ, ἐντὸσ τῶν ὅπλων καὶ τῶν φυλακῶν οὖσαν ἔπειτα δὲ φοβουμένη τὴν ἀπιστίαν αὐτοῦ καὶ μισοῦσα τὴν ὠμότητα, συνθεμένη μετὰ τῶν ἀδελφῶν, τριῶν ὄντων, Τισιφόνου, Πειθολάου, Λυκόφρονοσ, ἐπεχείρει τόνδε τὸν τρόπον, τὴν μὲν ἄλλην οἰκίαν τοῦ τυράννου κατεῖχον αἱ φυλακαὶ τῶν παρανυκτερευόντων, ὁ δὲ θάλαμοσ, ἐν ᾧ καθεύδειν εἰώθεσαν, ὑπερῷοσ ἦν, καὶ πρὸ αὐτοῦ φυλακὴν εἶχε κύων δεδεμένοσ, πᾶσι φοβερὸσ πλὴν αὐτοῖσ ἐκείνοισ καὶ ἑνὶ τῶν οἰκετῶν τῷ τρέφοντι.

καθ’ ὃν οὖν ἔμελλε καιρὸν ἐπιχειρεῖν ἡ Θήβη, τοὺσ μὲν ἀδελφοὺσ ἀφ’ ἡμέρασ εἶχε πλησίον ἐν οἴκῳ τινὶ κεκρυμμένουσ, εἰσελθοῦσα δέ, ὥσπερ εἰώθει, μόνη πρὸσ τὸν Ἀλέξανδρον ἤδη καθεύδοντα καὶ μετὰ μικρὸν πάλιν προελθοῦσα, τῷ μὲν οἰκέτῃ προσέταξεν ἀπάγειν ἔξω τὸν κύνα·

βούλεσθαι γὰρ ἀναπαύεσθαι μεθ’ ἡσυχίασ ἐκεῖνον·

αὐτὴ δὲ τὴν κλίμακα φοβουμένη μὴ κτύπον παράσχῃ τῶν νεανίσκων ἀναβαινόντων ἐρίοισ κατεστόρεσεν· εἶτα οὕτωσ ἀναγαγοῦσα τοὺσ ἀδελφοὺσ ξιφήρεισ καὶ στήσασα πρὸ τῶν θυρῶν εἰσῆλθεν αὐτή, καὶ καθελοῦσα τὸ ξίφοσ ὑπὲρ τῆσ κεφαλῆσ κρεμάμενον σημεῖον εἶναι τοῦ κατέχεσθαι τὸν ἄνδρα καὶ καθεύδειν ἔδειξεν.

ἐκπεπληγμένων δὲ τῶν νεανίσκων καὶ κατοκνούντων, κακίζουσα καὶ διομνυμένη μετ’ ὀργῆσ αὐτὴ τὸν Ἀλέξανδρον ἐξεγείρασα μηνύσειν τὴν πρᾶξιν, αἰσχυνθέντασ αὐτοὺσ ἅμα καὶ φοβηθέντασ εἰσήγαγε καὶ περιέστησε τῇ κλίνῃ, προσφέρουσα τὸν λύχνον. τῶν δὲ ὁ μὲν τοὺσ πόδασ κατεῖχε πιέσασ, ὁ δὲ τὴν κεφαλὴν λαβόμενοσ τῶν τριχῶν ἀνέκλασεν, ὁ δὲ τρίτοσ τῷ ξίφει τύπτων αὐτὸν διεχρήσατο, τῷ μὲν τάχει τῆσ τελευτῆσ πρᾳότερον ἴσωσ ἢ προσῆκον ἦν ἀποθανόντα, τῷ δὲ μόνον ἢ πρῶτον τυράννων ὑπὸ γυναικὸσ ἰδίασ ἀπολέσθαι, καὶ τῇ μετὰ θάνατον αἰκίᾳ τοῦ σώματοσ ῥιφέντοσ καὶ πατηθέντοσ ὑπὸ τῶν Φεραίων, ἄξια πεπονθέναι δόξαντα τῶν παρανομημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 35

(플루타르코스, Pelopidas, chapter 35)

상위

목록

SEARCH

MENU NAVIGATION