헬라어 문장 검색 - Πλυταρ́Πελοπιδ́13́

(플루타르코스, Pelopidas, chapter 13)

ἐκ δὲ τούτου βοιωτάρχησ αἱρεθεὶσ μετὰ Μέλωνοσ καὶ Χάρωνοσ ὁ Πελοπίδασ εὐθὺσ ἀπετείχιζε τὴν ἀκρόπολιν καὶ προσβολὰσ ἐποιεῖτο πανταχόθεν, ἐξελεῖν σπουδάζων τοὺσ Λακεδαιμονίουσ καὶ τὴν Καδμείαν ἐλευθερῶσαι πρὶν ἐκ Σπάρτησ στρατὸν ἐπελθεῖν. καὶ παρὰ τοσοῦτον ἔφθασεν ἀφεὶσ ὑποσπόνδουσ τοὺσ ἄνδρασ ὅσον ἐν Μεγάροισ οὖσιν αὐτοῖσ ἀπαντῆσαι Κλεόμβροτον ἐπὶ τὰσ Θήβασ ἐλαύνοντα μετὰ μεγάλησ δυνάμεωσ, οἱ δὲ Σπαρτιᾶται, τριῶν ἁρμοστῶν γενομένων ἐν Θήβαισ, Ἡριππίδαν μὲν καὶ Ἄρκισσον ἀπέκτειναν κρίναντεσ, ὁ δὲ τρίτοσ Λυσανορίδασ χρήμασι πολλοῖσ ζημιωθεὶσ αὑτὸν ἐκ τῆσ Πελοποννήσου μετέστησε.

ἐνδοξοτέραν δὲ ταύτην ἐποίησεν ἡ μεταβολὴ τῶν πραγμάτων, ὁ γὰρ καταλύσασ τὸ τῆσ Σπάρτησ ἀξίωμα καὶ παύσασ ἄρχοντασ αὐτοὺσ γῆσ τε καὶ θαλάττησ πόλεμοσ ἐξ ἐκείνησ ἐγένετο τῆσ νυκτόσ, ἐν ᾗ Πελοπίδασ οὐ φρούριον, οὐ τεῖχοσ, οὐκ ἀκρόπολιν καταλαβών, ἀλλ’ εἰσ οἰκίαν δωδέκατοσ κατελθών, εἰ δεῖ μεταφορᾷ τὸ ἀληθὲσ εἰπεῖν, ἔλυσε καὶ διέκοψε τοὺσ δεσμοὺσ τῆσ Λακεδαιμονίων ἡγεμονίασ, ἀλύτουσ καὶ ἀρρήκτουσ εἶναι δοκοῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Pelopidas, chapter 13

(플루타르코스, Pelopidas, chapter 13)

상위

목록

SEARCH

MENU NAVIGATION