Plutarch, Pelopidas, chapter 16

(플루타르코스, Pelopidas, chapter 16)

ὁ δὲ περὶ Τεγύρασ τρόπον τινὰ τοῦ Λευκτρικοῦ προαγὼν γενόμενοσ μέγαν ἦρε δόξῃ τὸν Πελοπίδαν, οὔτε πρὸσ κατόρθωμα τοῖσ συστρατήγοισ ἀμφισβήτησιν οὔτε τῆσ ἥττησ πρόφασιν τοῖσ πολεμίοισ ἀπολιπών. ὡσ δὲ ἤκουσε τοῖσ φρουροῖσ εἰσ τὴν Λοκρίδα γεγενῆσθαι στρατείαν ἐλπίσασ ἔρημον αἱρήσειν τὸν Ὀρχομενὸν ἐστράτευσεν, ἔχων μεθ’ ἑαυτοῦ τὸν ἱερὸν λόχον καὶ τῶν ἱππέων οὐ πολλούσ, ἐπεὶ δὲ πρὸσ τὴν πόλιν προσαγαγὼν εὑρ͂εν ἥκουσαν ἐκ Σπάρτησ διαδοχὴν τῆσ φρουρᾶσ, ἀπῆγεν ὀπίσω τὸ στράτευμα πάλιν διὰ Τεγυρῶν, ᾗ μόνῃ βάσιμον ἦν κύκλῳ παρὰ τὴν ὑπώρειαν.

τὴν γὰρ διὰ μέσου πᾶσαν ὁ Μέλασ ποταμόσ εὐθὺσ ἐκ πηγῶν εἰσ ἕλη πλωτὰ καὶ λίμνασ διασπειρόμενοσ ἄπορον ἐποίει.

μικρὸν δὲ ὑπὸ τὰ ἕλη νεώσ ἐστιν Ἀπόλλωνοσ Τεγυραίου καὶ μαντεῖον ἐκλελειμμένον οὐ πάνυ πολὺν χρόνον, ἀλλ’ ἄχρι τῶν Μηδικῶν ἤκμαζε, τὴν προφητείαν Ἐχεκράτουσ ἔχοντοσ, ἐνταῦθα μυθολογοῦσι τὸν θεὸν γενέσθαι· καὶ τὸ μὲν πλησίον ὄροσ Δῆλοσ καλεῖται, καὶ πρὸσ αὐτὸ καταλήγουσιν αἱ τοῦ Μέλανοσ διαχύσεισ, ὀπίσω δὲ τοῦ ναοῦ δύο ῥήγνυνται πηγαὶ γλυκύτητι καὶ πλήθει καὶ ψυχρότητι θαυμαστοῦ νάματοσ, ὧν τὸ μὲν Φοίνικα, τὸ δὲ Ἐλαίαν ἄχρι νῦν ὀνομάζομεν, οὐ φυτῶν μεταξὺ δυεῖν, ἀλλὰ ῥείθρων τῆσ θεοῦ λοχευθείσησ. καὶ γὰρ τὸ Πτῷον ἐγγύσ, ὅθεν αὐτὴν ἀναπτοηθῆναι προφανέντοσ ἐξαίφνησ κάπρου λέγουσι, καὶ τὰ περὶ Πύθωνα καὶ Τιτυὸν ὡσαύτωσ οἱ τόποι τῇ γενέσει τοῦ θεοῦ συνοικειοῦσι.

τὰ γὰρ πλεῖστα παραλείπω τῶν τεκμηρίων·

οὐ γὰρ ἐν τοῖσ ἐκ μεταβολῆσ ἀθανάτοισ γενομένοισ γεννητοῖσ ὁ πάτριοσ λόγοσ τὸν θεὸν τοῦτον ἀπολείπει δαίμοσιν, ὥσπερ Ἡρακλέα καὶ Διόνυσον, ἐκ μεταβολῆσ ἀρετῇ τὸ θνητὸν καὶ παθητὸν ἀποβαλόντασ, ἀλλὰ τῶν ἀϊδίων καὶ ἀγεννήτων εἷσ ἐστιν, εἰ δεῖ τοῖσ ὑπὸ τῶν φρονιμωτάτων καὶ παλαιοτάτων λεγομένοισ τεκμαίρεσθαι περὶ τῶν τηλικούτων.

일치하는 문장이 없습니다.

SEARCH

MENU NAVIGATION