헬라어 문장 검색 - Πλυταρ́Πελοπιδ́08́

(플루타르코스, Pelopidas, chapter 8)

ὑφίσταται δὲ τὴν πρᾶξιν Πελοπίδασ πρῶτοσ, εἶτα Μέλων καὶ Δαμοκλείδασ καὶ Θεόπομποσ, ἄνδρεσ οἴκων τε πρώτων καὶ πρὸσ ἀλλήλουσ τὰ ἄλλα μὲν φιλικῶσ καὶ πιστῶσ, ὑπὲρ δὲ δόξησ καὶ ἀνδρείασ ἀεὶ φιλονείκωσ ἔχοντεσ, γενόμενοι δὲ οἱ σύμπαντεσ δώδεκα, καὶ τοὺσ ἀπολειπομένουσ ἀσπασάμενοι, καὶ προπέμψαντεσ ἄγγελον τῷ Χάρωνι, προῆγον ἐν χλαμυδίοισ, σκύλακάσ τε θηρατικὰσ καὶ στάλικασ ἔχοντεσ, ὡσ μηδὲ εἷσ ὑποπτεύοι τῶν ἐντυγχανόντων καθ’ ὁδόν, ἀλλ’ ἀλύοντεσ ἄλλωσ πλανᾶσθαι καὶ κυνηγεῖν δοκοῖεν. ἐπεὶ δὲ ὁ πεμφθεὶσ παρ’ αὐτῶν ἄγγελοσ ἧκε πρὸσ τὸν Χάρωνα καὶ καθ’ ὁδὸν ὄντασ ἔφραζεν, αὐτὸσ μὲν ὁ Χάρων οὐδὲ ὑπὸ τοῦ δεινοῦ πλησιάζοντοσ ἔτρεψέ τι τῆσ γνώμησ, ἀλλ’ ἀνὴρ ἀγαθὸσ ἦν καὶ παρεῖχε τὴν οἰκίαν, Ἱπποσθενείδασ δέ τισ, οὐ πονηρὸσ μὲν, ἀλλὰ καὶ φιλόπατρισ καὶ τοῖσ φυγάσιν εὔνουσ ἄνθρωποσ, ἐνδεὴσ δὲ τόλμησ τοσαύτησ ὅσησ ὅ τε καιρὸσ ὀξὺσ ὢν αἵ τε ὑποκείμεναι πράξεισ ἀπῄτουν, ὥσπερ ἰλιγγιάσασ πρὸσ τὸ μέγεθοσ τοῦ ἀγῶνοσ ἐν χερσὶ γενομένου, καὶ μόλισ ποτὲ τῷ λογισμῷ συμφρονήσασ ὅτι τρόπον τινὰ τὴν τῶν Λακεδαιμονίων σαλεύουσιν ἀρχὴν καὶ τῆσ ἐκεῖθεν δυνάμεωσ ὑποβάλλονται κατάλυσιν, πιστεύσαντεσ ἀπόροισ καὶ φυγαδικαῖσ ἐλπίσιν, ἀπελθὼν οἴκαδε σιωπῇ πέμπει τινὰ τῶν φίλων πρὸσ Μέλωνα καὶ Πελοπίδαν, ἀναβαλέσθαι κελεύων ἐν τῷ παρόντι καὶ περιμένειν βελτίονα καιρόν αὖθισ ἀπαλλαγέντασ εἷσ Ἀθήνασ.

Χλίδων ἦν ὄνομα τῷ πεμφθέντι, καὶ κατὰ σπουδὴν οἴκαδε πρὸσ αὑτὸν τραπόμενοσ καὶ τὸν ἵππον ἐξαγαγών ᾔτει τὸν χαλινόν.

ἀπορουμένησ δὲ τῆσ γυναικὸσ ὡσ οὐκ εἶχε δοῦναι, καὶ χρῆσαί τινὶ τῶν συνήθων λεγούσησ, λοιδορίαι τὸ πρῶτον ἦσαν, εἶτα δυσφημίαι, τῆσ γυναικὸσ ἐπαρωμένησ αὐτῷ τε κακὰσ ὁδοὺσ ἐκείνῳ καὶ τοῖσ πέμπουσιν, ὥστε καὶ τὸν Χλίδωνα πολὺ τῆσ ἡμέρασ ἀναλώσαντα πρὸσ τούτοισ δι’ ὀργήν, ἅμα δὲ καὶ τὸ συμβεβηκὸσ οἰωνισάμενον, ἀφεῖναι τὴν ὁδὸν ὅλωσ καὶ πρὸσ ἄλλο τι τραπέσθαι.

παρὰ τοσοῦτον μὲν ἦλθον αἱ μέγισται καὶ κάλλισται τῶν πράξεων εὐθὺσ ἐν ἀρχῇ διαφυγεῖν τὸν καιρόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 8

(플루타르코스, Pelopidas, chapter 8)

상위

목록

SEARCH

MENU NAVIGATION