Plutarch, Pelopidas, chapter 12

(플루타르코스, Pelopidas, chapter 12)

διαπραξάμενοι δὲ ταῦτα καὶ τοῖσ περὶ Μέλωνα συμβαλόντεσ ἔπεμψαν μὲν εἰσ τὴν Ἀττικὴν ἐπὶ τοὺσ ὑπολελειμμένουσ ἐκεῖ τῶν φυγάδων, ἐκάλουν δὲ τοὺσ πολίτασ ἐπὶ τὴν ἐλευθερίαν, καὶ τοὺσ προσιόντασ ὥπλιζον, ἀφαιροῦντεσ ἀπὸ τῶν στοῶν τὰ περικείμενα σκῦλα, καὶ τὰ περὶ τὴν οἰκίαν ἐργαστήρια δορυξόων καὶ μαχαιροποιῶν ἀναρρηγνύντεσ. ἧκον δὲ βοηθοῦντεσ αὐτοῖσ μετὰ τῶν ὅπλων οἱ περὶ Ἐπαμεινώνδαν καὶ Γοργίδαν, συνειλοχότεσ οὐκ ὀλίγουσ τῶν νέων καὶ τῶν πρεσβυτέρων τοὺσ βελτίστουσ, ἡ δὲ πόλισ ἤδη μὲν ἀνεπτόητο πᾶσα, καὶ πολὺσ θόρυβοσ ἦν καὶ φῶτα περὶ τὰσ οἰκίασ καὶ διαδρομαὶ πρὸσ ἀλλήλουσ, οὔπω δὲ συνειστήκει τὸ πλῆθοσ, ἀλλ’ ἐκπεπληγμένοι πρὸσ τὰ γινόμενα καὶ σαφὲσ οὐδὲν εἰδότεσ ἡμέραν περιέμενον.

ὅθεν ἁμαρτεῖν οἱ τῶν Λακεδαιμονίων ἄρχοντεσ ἔδοξαν εὐθὺσ οὐκ ἐπιδραμόντεσ οὐδὲ συμβαλόντεσ, αὐτὴ μὲν ἡ φρουρὰ περὶ χιλίουσ πεντακοσίουσ ὄντεσ, ἐκ δὲ τῆσ πόλεωσ πρὸσ αὐτοὺσ πολλῶν συντρεχόντων, ἀλλὰ τὴν βοὴν καὶ τὰ πυρὰ καὶ τὸν ὄχλον χωροῦντα πανταχόθεν πολὺν φοβηθέντεσ ἡσύχαζον, αὐτὴν τὴν Καδμείαν κατέχοντεσ, ἅμα δὲ ἡμέρᾳ παρῆσαν μὲν ἐκ τῆσ Ἀττικῆσ οἱ φυγάδεσ ὡπλισμένοι, συνήθροιστο δὲ εἰσ τὴν ἐκκλησίαν ὁ δῆμοσ.

εἰσῆγον δὲ τοὺσ περὶ Πελοπίδαν Ἐπαμεινώνδασ καὶ Γοργίδασ ὑπὸ τῶν ἱερέων περιεχομένουσ στέμματα προτεινόντων καὶ παρακαλούντων τοὺσ πολίτασ τῇ πατρίδι καὶ τοῖσ θεοῖσ βοηθεῖν, ἡ δ’ ἐκκλησία ὀρθὴ πρὸσ τὴν ὄψιν μετὰ κρότου καὶ βοῆσ ἐξανέστη, δεχομένων τοὺσ ἄνδρασ ὡσ εὐεργέτασ καὶ σωτῆρασ.

일치하는 문장이 없습니다.

SEARCH

MENU NAVIGATION