헬라어 문장 검색 - Πλυταρ́Πελοπιδ́09́

(플루타르코스, Pelopidas, chapter 9)

οἱ δὲ περὶ τὸν Πελοπίδαν ἐσθῆτασ γεωργῶν μεταλαβόντεσ καὶ διελόντεσ αὑτοὺσ ἄλλοι κατ’ ἄλλα μέρη τῆσ πόλεωσ παρεισῆλθον ἔτι ἡμέρασ οὔσησ. ἦν δέ τι πνεῦμα καὶ νιφετόσ ἀρχομένου τρέπεσθαι τοῦ ἀέροσ, καὶ μᾶλλον ἔλαθον καταπεφευγότων ἤδη διὰ τὸν χειμῶνα τῶν πλείστων εἰσ τὰσ οἰκίασ, οἷσ δὲ ἦν ἐπιμελὲσ τὰ πραττόμενα γινώσκειν, ἀνελάμβανον τοὺσ προσερχομένουσ καὶ καθίστων εὐθὺσ εἰσ τήν οἰκίαν τὸν Χάρωνοσ· ἐγένοντο δὲ σὺν τοῖσ φυγάσι πεντήκοντα δυοῖν δέοντεσ. τὰ δὲ περὶ τοὺσ τυράννουσ οὕτωσ εἶχε.

Φιλλίδασ ὁ γραμματεὺσ συνέπραττε μὲν, ὥσπερ εἴρηται, πάντα καὶ συνῄδει τοῖσ φυγάσιν, εἰσ δὲ τήν ἡμέραν ἐκείνην ἐκ παλαιοῦ κατηγγελκὼσ τοῖσ περὶ τὸν Ἀρχίαν πότον τινὰ καὶ συνουσίαν καὶ γύναια τῶν ὑπάνδρων, ἔπραττεν ὅτι μάλιστα ταῖσ ἡδοναῖσ ἐκλελυμένουσ καὶ κατοίνουσ μεταχειρίσασθαι παρέξειν τοῖσ ἐπιτιθεμένοισ. οὔπω δὲ πάνυ πόρρω μέθησ οὖσιν αὐτοῖσ προσέπεσέ τισ οὐ ψευδὴσ μέν, ἀβέβαιοσ δὲ καὶ πολλὴν ἀσάφειαν ἔχουσα περὶ τῶν φυγάδων μήνυσισ ὡσ ἐν τῇ πόλει κρυπτομένων, τοῦ δὲ Φιλλίδου παραφέροντοσ τὸν λόγον, ὅμωσ Ἀρχίασ ἔπεμψέ τινα τῶν ὑπηρετῶν πρὸσ τὸν Χάρωνα, προστάσσων εὐθὺσ ἥκειν αὐτόν, ἦν δὲ ἑσπέρα, καὶ συνέταττον ἔνδον αὑτοὺσ οἱ περὶ τὸν Πελοπίδαν, ἤδη τεθωρακισμένοι καὶ τὰσ μαχαίρασ ἀνειληφότεσ.

ἐξαίφνησ δὲ κοπτομένησ τῆσ θύρασ προσδραμών τισ, καὶ πυθόμενοσ τοῦ ὑπηρέτου Χάρωνα μετιέναι παρὰ τῶν πολεμάρχων φάσκοντοσ, ἀπήγγειλεν εἴσω τεθορυβημένοσ, καὶ πᾶσιν εὐθὺσ παρέστη τήν τε πρᾶξιν ἐκμεμηνῦσθαι καὶ σφᾶσ ἅπαντασ ἀπολωλέναι, μηδὲ δράσαντάσ τι τῆσ ἀρετῆσ ἄξιον, οὐ μὴν ἀλλ’ ἔδοξεν ὑπακοῦσαι τὸν Χάρωνα καὶ παρασχεῖν ἑαυτὸν δεῖν ἀνυπόπτωσ τοῖσ ἄρχουσιν, ἄλλωσ μέν ἀνδρώδη καὶ βαρὺν ὄντα τῷ θαρρεῖν παρὰ τὰ δεινά, τότε δὲ δι’ ἐκείνουσ ἐκπεπληγμένον καὶ περιπαθοῦντα, μή τισ ὑποψία προδοσίασ ἐπ’ αὐτὸν ἔλθῃ τοσούτων ἅμα καὶ τοιούτων πολιτῶν ἀπολομένων.

ὡσ οὖν ἔμελλεν ἀπιέναι, παραλαβὼν ἐκ τῆσ γυναικωνίτιδοσ τὸν υἱόν, ἔτι μέν ὄντα παῖδα, κάλλει δὲ καὶ ῥώμῃ σώματοσ πρωτεύοντα τῶν καθ’ ἡλικίαν, ἐνεχείριζε τοῖσ περὶ Πελοπίδαν, εἴ τινα δόλον καὶ προδοσίαν αὐτοῦ καταγνοῖεν, ὡσ πολεμίῳ χρῆσθαι κελεύων ἐκείνῳ καὶ μὴ φείδεσθαι.

πολλοῖσ μέν οὖν αὐτῶν δάκρυα πρὸσ τὸ πάθοσ καὶ τὸ φρόνημα τοῦ Χάρωνοσ ἐξέπεσε, πάντεσ δὲ ἠγανάκτουν εἰ δειλὸν οὕτωσ εἶναί τινα δοκεῖ καὶ διεφθαρμένον ὑπὸ τοῦ παρόντοσ, ὥστε ὑπονοεῖν ἐκεῖνον ἢ ὅλωσ αἰτιᾶσθαι καὶ τὸν υἱὸν ἐδέοντο μὴ καταμιγνύειν αὐτοῖσ, ἀλλ’ ἐκποδὼν θέσθαι τοῦ μέλλοντοσ, ὅπωσ αὐτόσ γε τῇ πόλει καὶ τοῖσ φίλοισ τιμωρὸσ ὑποτρέφοιτο περισωθεὶσ καὶ διαφυγὼν τοὺσ τυράννουσ.

ὁ δὲ Χάρων τὸν μέν υἱὸν ἀπαλλάξειν οὐκ ἔφη·

ποῖον γὰρ αὐτῷ βίον ὁρᾶν ἢ τίνα σωτηρίαν καλλίονα τῆσ ὁμοῦ μετὰ πατρὸσ καὶ φίλων τοσούτων ἀνυβρίστου τελευτῆσ; ἐπευξάμενοσ δὲ τοῖσ θεοῖσ καὶ πάντασ ἀσπασάμενοσ καὶ παραθαρρύνασ ἀπῄει, προσέχων ἑαυτῷ καὶ ῥυθμίζων σχήματι προσώπου καὶ τόνῳ φωνῆσ ἀνομοιότατοσ οἷσ ἔπραττε φανῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 9

(플루타르코스, Pelopidas, chapter 9)

상위

목록

SEARCH

MENU NAVIGATION