헬라어 문장 검색 - Πλυταρ́Νιξιασ́18́

(플루타르코스, Νικίας, chapter 18)

ταῖσ μὲν οὖν πλείσταισ πράξεσι βιαζόμενοσ τὸ σῶμα παρῆν ὁ Νικίασ· ἀκμὴν δέ ποτε τῆσ ἀρρωστίασ λαβούσησ ὁ μὲν ἐν τείχεσι μετ’ ὀλίγων ὑπηρετῶν κατέκειτο, τὴν δὲ στρατιὰν ἔχων ὁ Λάμαχοσ προσεμάχετο τοῖσ Συρακουσίοισ ἐκ τῆσ πόλεωσ τεῖχοσ ἀνάγουσι πρὸσ τὸ τῶν Ἀθηναίων, ὃ κωλύσειν ἔμελλε διὰ μέσου τὸν ἀποτειχισμόν. τῷ δὲ κρατεῖν τῶν Ἀθηναίων ἀτακτότερον φερομένων πρὸσ τὰσ διώξεισ, ἀπομονωθεὶσ ὁ Λάμαχοσ ὑπέστη τῶν Συρακουσίων τοὺσ ἱππεῖσ ἐπιφερομένουσ.

ἦν δὲ πρῶτοσ αὐτῶν Καλλικράτησ, ἀνὴρ πολεμικὸσ καὶ θυμοειδήσ. πρὸσ τοῦτον ἐκ προκλήσεωσ καταστὰσ ὁ Λάμαχοσ ἐμονομάχησε, καὶ λαβὼν πληγὴν πρότεροσ, εἶτα δοὺσ καὶ πεσὼν ὁμοῦ συναπέθανε τῷ Καλλικράτει. καὶ τὸ μὲν σῶμα κρατήσαντεσ αὐτοῦ μετὰ τῶν ὅπλων ἐξῆραν οἱ Συρακούσιοι, δρόμῳ δ’ ἐφέροντο πρὸσ τὰ τείχη τῶν Ἀθηναίων, ἐν οἷσ ὁ Νικίασ ἦν οὐκ ἔχων τοὺσ βοηθοῦντασ.

ὅμωσ δ’ ὑπὸ τῆσ ἀνάγκησ ἐξαναστὰσ καὶ κατιδὼν τὸν κίνδυνον ἐκέλευσε τοὺσ καθ’ ἑαυτόν, ὅσα ξύλα πρὸ τῶν τειχῶν ἐτύγχανεν εἰσ μηχανὰσ παραβεβλημένα, καὶ τὰσ μηχανὰσ αὐτὰσ πῦρ κομίσαντασ ἅψαι. τοῦτο τοὺσ Συρακουσίουσ ἐπέσχε καὶ τὸν Νικίαν ἔσωσε καὶ τὰ τείχη καὶ τὰ χρήματα τῶν Ἀθηναίων· φλόγα γὰρ ἀρθεῖσαν διὰ μέσου πολλὴν ἰδόντεσ ἀπετράπησαν οἱ Συρακούσιοι. τούτων δὲ πραχθέντων ἀπολέλειπτο μὲν ὁ Νικίασ μόνοσ τῶν στρατηγῶν, ἦν δ’ ἐλπίδοσ μεγάλησ.

καὶ γὰρ πόλεισ μεθίσταντο καὶ πλοῖα μεστὰ σίτου πολλαχόθεν ἦλθεν εἰσ τὸ στρατόπεδον, τοῖσ πράγμασιν εὖ φερομένοισ πάντων προστιθεμένων. καὶ λόγοι τινὲσ ἤδη παρὰ τῶν Συρακουσίων ἐγίνοντο περὶ συμβάσεωσ πρὸσ αὐτόν, ἀπεγνωκότων τὴν πόλιν. ὅπου καὶ Γύλιπποσ ἐκ Λακεδαίμονοσ πλέων βοηθὸσ αὐτοῖσ, ὡσ ἤκουσε κατὰ πλοῦν τὸν ἀποτειχισμὸν καὶ τὰσ ἀπορίασ, οὕτωσ ἔπλει τὸ λοιπὸν ὡσ ἐχομένησ μὲν ἤδη τῆσ Σικελίασ, Ἰταλιώταισ δὲ τὰσ πόλεισ διαφυλάξων, εἰ καὶ τοῦτό πωσ ἐγγένοιτο.

μεγάλη γὰρ ἡ δόξα διεφοίτα τοῦ κρατεῖν πάντα τοὺσ Ἀθηναίουσ καὶ στρατηγὸν ἔχειν ἄμαχον δι’ εὐτυχίαν καὶ φρόνησιν. ὁ δὲ Νικίασ εὐθὺσ αὐτὸσ καὶ παρὰ φύσιν ὑπὸ τῆσ ἐν τῷ παρόντι ῥώμησ καὶ τύχησ ἀνατεθαρρηκώσ, μάλιστα δὲ τοῖσ ἐκ Συρακουσῶν διαλεγομένοισ κρύφα καὶ πέμπουσι πρὸσ αὐτὸν ὅσον οὔπω τὴν πόλιν ἐνδίδοσθαι κατὰ συμβάσεισ νομίζων, οὐδένα τοῦ Γυλίππου λόγον ἔσχε προσπλέοντοσ, οὐδὲ φυλακὴν ἐποιήσατο καθαράν, ἀλλὰ τῷ παντελῶσ ὑπερορᾶσθαι καὶ καταφρονεῖσθαι λαθὼν αὐτὸν ὁ ἀνὴρ εἰσέπλευσε διὰ πορθμοῦ, καὶ προσκομισθεὶσ ἀπωτάτω τῶν Συρακουσῶν στρατιὰν συνηγάγετο πολλήν, οὐδ’ εἰ πάρεστι τῶν Συρακουσίων ἐπισταμένων οὐδὲ προσδοκώντῶν.

διὸ καὶ παρήγγελτο μὲν αὐτοῖσ ἐκκλησία περὶ τῶν πρὸσ τὸν Νικίαν ὁμολογιῶν, καί τινεσ ἐβάδιζον ἤδη, πρὶν ἢ παντελῶσ ἀποτειχισθῆναι τὴν πόλιν οἰόμενοι δεῖν γενέσθαι τὰσ διαλύσεισ·

βραχὺ γὰρ ἦν κομιδῇ τὸ ἀπολειπόμενον τοῦ ἔργου, καὶ τοῦτο παραβεβλημένην εἶχε τὴν παρασκευὴν τῆσ τειχοδομίασ σύμπασαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 18

(플루타르코스, Νικίας, chapter 18)

상위

목록

SEARCH

MENU NAVIGATION