헬라어 문장 검색 - Πλυταρ́Νιξιασ́28́

(플루타르코스, Νικίας, chapter 28)

ἐκκλησίασ δὲ πανδήμου Συρακουσίων καὶ τῶν συμμάχων γενομένησ, Εὐρυκλῆσ ὁ δημαγωγὸσ ἔγραψε πρῶτον μὲν τὴν ἡμέραν ἐν ᾗ τὸν Νικίαν ἔλαβον, ἱερὰν ἔχειν, θύοντασ καὶ σχολάζοντασ ἔργων, Ἀσιναρίαν τὴν ἑορτὴν ἀπὸ τοῦ ποταμοῦ καλοῦντασ· ἡμέρα δ’ ἦν τετρὰσ φθίνοντοσ τοῦ Καρνείου μηνόσ, ὃν Ἀθηναῖοι Μεταγειτνιῶνα προσαγορεύουσι· τῶν δ’ Ἀθηναίων τοὺσ μὲν οἰκέτασ ἀποδόσθαι καὶ τοὺσ ἄλλουσ συμμάχουσ, αὐτοὺσ δὲ καὶ τοὺσ ἀπὸ Σικελίασ φρουρεῖν ἐμβαλόντασ εἰσ τὰσ λατομίασ, πλὴν τῶν στρατηγῶν, ἐκείνουσ δὲ ἀποκτεῖναι.

ταῦτα προσδεχομένων τῶν Συρακουσίων, Ἑρμοκράτησ μὲν εἰπὼν ὅτι τοῦ νικᾶν κρεῖττόν ἐστι τὸ καλῶσ χρῆσθαι τῇ νίκῃ, οὐ μετρίωσ ἐθορυβήθη, Γύλιππον δὲ τοὺσ στρατηγοὺσ τῶν Ἀθηναίων ἐξαιτούμενον ζῶντασ ἀγαγεῖν Λακεδαιμονίοισ ὑβρίζοντεσ· ἤδη τοῖσ εὐτυχήμασιν οἱ Συρακούσιοι κακῶσ ἔλεγον, ἄλλωσ τε καὶ παρὰ τὸν πόλεμον αὐτοῦ τὴν τραχύτητα καὶ τὸ Λακωνικὸν τῆσ ἐπιστασίασ οὐ ῥᾳδίωσ ἐνηνοχότεσ, ὡσ δὲ Τίμαιόσ φησι, καὶ μικρολογίαν τινὰ καὶ πλεονεξίαν κατεγνωκότεσ, ἀρρώστημα πατρῷον, ἐφ’ ᾧ καὶ Κλεανδρίδησ ὁ πατὴρ αὐτοῦ δώρων ἁλοὺσ ἔφυγε, καὶ οὗτοσ αὐτόσ, ἀπὸ τῶν χιλίων ταλάντων ἃ Λύσανδροσ ἔπεμψεν εἰσ Σπάρτην ὑφελόμενοσ τριάκοντα καὶ κρύψασ ὑπὸ τὸν ὄροφον τῆσ οἰκίασ, εἶτα μηνυθείσ, αἴσχιστα πάντων ἐξέπεσεν. ἀλλὰ ταῦτα μὲν ἐν τῷ Λυσάνδρου βίῳ μᾶλλον διηκρίβωται.

Δημοσθένην δὲ καὶ Νικίαν ἀποθανεῖν Τίμαιοσ οὔ φησιν ὑπὸ Συρακουσίων κελευσθέντασ, ὡσ Φίλιστοσ ἔγραψε καὶ Θουκυδίδησ, ἀλλ’ Ἑρμοκράτουσ πέμψαντοσ, ἔτι τῆσ ἐκκλησίασ συνεστώσησ, καὶ δι’ ἑνὸσ τῶν φυλάκων παρέντων αὐτοὺσ δι’ αὑτῶν ἀποθανεῖν·

τὰ μέντοι σώματα πρὸσ ταῖσ πύλαισ ἐκβληθέντα κεῖσθαι φανερὰ τοῖσ δεομένοισ τοῦ θεάματοσ. πυνθάνομαι δὲ μέχρι νῦν ἐν Συρακούσαισ ἀσπίδα κειμένην πρὸσ ἱερῷ δείκνυσθαι, Νικίου μὲν λεγομένην, χρυσοῦ δὲ καὶ πορφύρασ εὖ πωσ πρὸσ ἄλληλα μεμιγμένων δι’ ὑφῆσ συγκεκροτημένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 28

(플루타르코스, Νικίας, chapter 28)

상위

목록

SEARCH

MENU NAVIGATION