Plutarch, Νικίας, chapter 19

(플루타르코스, Νικίας, chapter 19)

ἐν τούτῳ δὲ καιροῦ παρόντοσ τοῦ κινδύνου ἀφικνεῖται Γογγύλοσ ἐκ Κορίνθου μιᾷ τριήρει· καὶ συνδραμόντων πρὸσ αὐτόν, ὡσ εἰκόσ, πάντων ἔφραζεν ὅτι Γύλιπποσ ἀφίξεται διὰ ταχέων καὶ νῆεσ ἄλλαι βοηθοὶ προσπλέουσιν. οὔπω δὲ τῷ Γογγύλῳ πιστευόντων βεβαίωσ, ἧκεν ἄγγελοσ παρὰ τοῦ Γυλίππου κελεύοντοσ ἀπαντᾶν. οἱ δὲ θαρρήσαντεσ ἐξωπλίζοντο· καὶ προσῆγεν εὐθὺσ ὁ Γύλιπποσ ἐξ ὁδοῦ παρατεταγμένοσ ἐπὶ τοὺσ Ἀθηναίουσ.

ὡσ δὲ κἀκείνουσ ἀντέταξεν ὁ Νικίασ, θέμενοσ ἐπὶ τοὺσ Ἀθηναίουσ ὁ Γύλιπποσ τὰ ὅπλα καὶ κήρυκα πέμψασ ἔλεγε διδόναι τοῖσ Ἀθηναίοισ ἄδειαν ἀπιοῦσιν ἐκ Σικελίασ. ὁ μὲν οὖν Νικίασ οὐθὲν ἠξίωσεν ἀποκρίνασθαι·

τῶν δὲ στρατιωτῶν τινεσ καταγελῶντεσ ἠρώτων εἰ διὰ παρουσίαν ἑνὸσ τρίβωνοσ καὶ βακτηρίασ Λακωνικῆσ οὕτωσ ἰσχυρὰ τὰ Συρακουσίων ἐξαίφνησ γέγονεν ὥστ’ Ἀθηναίων καταφρονεῖν, οἳ πολὺ ῥωμαλεωτέρουσ Γυλίππου καὶ μᾶλλον κομῶντασ τριακοσίουσ ἔχοντεσ ἐν πέδαισ δεδεμένουσ ἀπέδωκαν Λακεδαιμονίοισ. Τίμαιοσ δὲ καὶ τοὺσ Σικελιώτασ φησὶν ἐν μηδενὶ λόγῳ ποιεῖσθαι τὸν Γύλιππον, ὕστερον μὲν αἰσχροκέρδειαν αὐτοῦ καὶ μικρολογίαν καταγνόντασ, ὡσ δὲ πρῶτον ὤφθη, σκώπτοντασ εἰσ τὸν τρίβωνα καὶ τὴν κόμην.

εἶτα μέντοι φησὶν αὐτὸσ ὅτι τῷ Γυλίππῳ φανέντι καθάπερ γλαυκὶ πολλοὶ προσέπτησαν ἑτοίμωσ στρατευόμενοι. καὶ ταῦτα τῶν πρώτων ἀληθέστερά εἰσιν· ἐν γὰρ τῇ βακτηρίᾳ καὶ τῷ τρίβωνι τὸ σύμβολον καὶ τὸ ἀξίωμα τῆσ Σπάρτησ καθορῶντεσ συνίσταντο. κἀκείνου τὸ πᾶν ἔργον γεγονέναι φησὶν οὐ Θουκυδίδησ μόνον, ἀλλὰ καὶ Φίλιστοσ, ἀνὴρ Συρακούσιοσ καὶ τῶν πραγμάτων ὁρατὴσ γενόμενοσ.

τῇ μὲν οὖν πρώτῃ μάχῃ κρατήσαντεσ οἱ Ἀθηναῖοι τῶν Συρακουσίων ὀλίγουσ τινὰσ ἀπέκτειναν καὶ Γογγύλον τὸν Κορίνθιον, εἰσ δὲ τὴν ἐπιοῦσαν ἡμέραν ἔδειξεν ὁ Γύλιπποσ οἱο͂́ν ἐστιν ἐμπειρία. τοῖσ γὰρ αὐτοῖσ ὅπλοισ καὶ ἵπποισ καὶ χωρίοισ χρησάμενοσ οὐχ ὡσαύτωσ, ἀλλὰ μεταθεὶσ τὴν τάξιν, ἐνίκησε τοὺσ Ἀθηναίουσ· καὶ φυγόντων εἰσ τὸ στρατόπεδον ἐπιστήσασ τοὺσ Συρακουσίουσ, τοῖσ λίθοισ οἷσ ἐκεῖνοι προσεκόμιζον καὶ τῇ ὕλῃ παροικοδομῶν εἰσ διαστολὰσ ἀπέκοψε τὸν ἐκείνων περιτειχισμόν, ὥστ’ αὐτοῖσ μηδὲν εἶναι πλέον κρατοῦσιν.

ἐκ τούτου δὲ θαρρήσαντεσ οἱ Συρακούσιοι τάσ τε ναῦσ ἐπλήρουν, καὶ τοῖσ ἱππεῦσι τοῖσ ἑαυτῶν καὶ ἀκολούθοισ περιελαύνοντεσ πολλοὺσ ᾕρουν. καὶ ὁ Γύλιπποσ ἐπιὼν ἐπὶ τὰσ πόλεισ αὐτὸσ ἐξώρμα καὶ συνίστη πάντασ ἐρρωμένωσ ὑπακούοντασ αὐτῷ καὶ συλλαμβανομένουσ, ὥστε τὸν Νικίαν αὖθισ εἰσ ἐκείνουσ ἀποτρεπόμενον τοὺσ πρώτουσ λογισμοὺσ καὶ συμφρονοῦντα τὴν τῶν πραγμάτων μεταβολὴν ἀθυμεῖν, καὶ γράφειν τοῖσ Ἀθηναίοισ κελεύοντα πέμπειν ἕτερον στρατὸν ἢ καὶ τοῦτον ἀπαγαγεῖν ἐκ Σικελίασ, αὑτῷ δὲ πάντωσ αἰτούμενον τῆσ στρατηγίασ ἄφεσιν διὰ τὴν νόσον.

일치하는 문장이 없습니다.

SEARCH

MENU NAVIGATION