Plutarch, Νικίας, chapter 23

(플루타르코스, Νικίας, chapter 23)

ὡσ δ’ ἦν ἕτοιμα ταῦτα πάντα καὶ τῶν πολεμίων οὐδεὶσ παρεφύλαττεν, ἅτε δὴ μὴ προσδοκώντων, ἐξέλιπεν ἡ σελήνη τῆσ νυκτόσ, μέγα δέοσ τῷ Νικίᾳ καὶ τῶν ἄλλων τοῖσ ὑπὸ ἀπειρίασ ἢ δεισιδαιμονίασ ἐκπεπληγμένοισ τὰ τοιαῦτα. τοῦ μὲν γὰρ ἡλίου τὴν περὶ τὰσ τριακάδασ ἐπισκότησιν ἁμῶσ γέ πωσ ἤδη συνεφρόνουν καὶ οἱ πολλοὶ γενομένην ὑπὸ τῆσ σελήνησ· αὐτὴν δὲ τὴν σελήνην, ᾧτινι συντυγχάνουσα καὶ πῶσ αἰφνίδιον ἐκ πανσελήνου τὸ φῶσ ἀπόλλυσι καὶ χρόασ ἱήσι παντοδαπάσ, οὐ ῥᾴδιον ἦν καταλαβεῖν, ἀλλ’ ἀλλόκοτον ἡγοῦντο καὶ πρὸ συμφορῶν τινων μεγάλων ἐκ θεοῦ γινόμενον σημεῖον. ὁ γὰρ πρῶτοσ σαφέστατόν τε πάντων καὶ θαρραλεώτατον περὶ σελήνησ καταυγασμῶν καὶ σκιᾶσ λόγον εἰσ γραφὴν καταθέμενοσ Ἀναξαγόρασ οὔτ’ αὐτὸσ ἦν παλαιὸσ οὔτε ὁ λόγοσ ἔνδοξοσ, ἀλλ’ ἀπόρρητοσ ἔτι καὶ δι’ ὀλίγων καὶ μετ’ εὐλαβείασ τινὸσ ἢ πίστεωσ βαδίζων.

οὐ γὰρ ἠνείχοντο τοὺσ φυσικοὺσ καὶ μετεωρολέσχασ τότε καλουμένουσ, ὡσ εἰσ αἰτίασ ἀλόγουσ καὶ δυνάμεισ ἀπρονοήτουσ καὶ κατηναγκασμένα πάθη διατρίβοντασ τὸ θεῖον, ἀλλὰ καὶ Πρωταγόρασ ἔφυγε, καὶ Ἀναξαγόραν εἱρχθέντα μόλισ περιεποιήσατο Περικλῆσ, καὶ Σωκράτησ, οὐδὲν αὐτῷ τῶν γε τοιούτων προσῆκον, ὅμωσ ἀπώλετο διὰ φιλοσοφίαν.

ὀψὲ δ’ ἡ Πλάτωνοσ ἐκλάμψασα δόξα διὰ τὸν βίον τοῦ ἀνδρόσ, καὶ ὅτι ταῖσ θείαισ καὶ κυριωτέραισ ἀρχαῖσ ὑπέταξε τὰσ φυσικὰσ ἀνάγκασ, ἀφεῖλε τὴν τῶν λόγων τούτων διαβολήν, καὶ τοῖσ μαθήμασιν εἰσ ἅπαντασ ὁδὸν ἐνέδωκεν.

ὁ γοῦν ἑταῖροσ αὐτοῦ Δίων, καθ’ ὃν χρόνον ἔμελλεν ἄρασ ἐκ Ζακύνθου πλεῖν ἐπὶ Διονύσιον, ἐκλιπούσησ τῆσ σελήνησ, οὐδὲν διαταραχθεὶσ ἀνήχθη, καὶ κατασχὼν ἐν Συρακούσαισ ἐξέβαλε τὸν τύραννον. τῷ μέντοι Νικίᾳ συνηνέχθη τότε μηδὲ μάντιν ἔχειν ἔμπειρον·

ὁ γὰρ συνήθησ αὐτοῦ καὶ τὸ πολὺ τῆσ δεισιδαιμονίασ ἀφαιρῶν Στιλβίδησ ἐτεθνήκει μικρὸν ἔμπροσθεν. ἐπεὶ τὸ σημεῖον, ὥσ φησι Φιλόχοροσ, φεύγουσιν οὐκ ἦν πονηρόν, ἀλλὰ καὶ πάνυ χρηστόν· ἐπικρύψεωσ γὰρ αἱ σὺν φόβῳ πράξεισ δέονται, τὸ δὲ φῶσ πολέμιόν ἐστιν αὐταῖσ. ἄλλωσ τε καὶ τῶν περὶ ἥλιον καὶ σελήνην ἐπὶ τρεῖσ ἡμέρασ ἐποιοῦντο φυλακήν, ὡσ Αὐτοκλείδησ διέγραψεν ἐν τοῖσ ἐξηγητικοῖσ· ὁ δὲ Νικίασ ἄλλην ἔπεισε σελήνησ ἀναμένειν περίοδον, ὥσπερ οὐκ εὐθὺσ θεασάμενοσ αὐτὴν ἀποκαθαρθεῖσαν, ὅτε τὸν σκιερὸν τόπον καὶ ὑπὸ τῆσ γῆσ ἀντιφραττόμενον παρῆλθε.

일치하는 문장이 없습니다.

SEARCH

MENU NAVIGATION