Plutarch, Νικίας, chapter 25

(플루타르코스, Νικίας, chapter 25)

ἐπεὶ δ’ οἱ μάντεισ τοῖσ Συρακουσίοισ ἀπήγγειλαν ἐκ τῶν ἱερῶν λαμπρότητα καὶ νίκην μὴ καταρχομένοισ μάχησ, ἀλλ’ ἀμυνομένοισ καὶ γὰρ τὸν Ἡρακλέα πάντων κρατεῖν ἀμυνόμενον καὶ προεπιχειρούμενον, ἀνήχθησαν. ἡ δὲ ναυμαχία πολὺ μεγίστη καὶ καρτερωτάτη γενομένη, καὶ μηδὲν ἐλάττονα πάθη καὶ θορύβουσ παρασχοῦσα τοῖσ θεωμένοισ ἢ τοῖσ ἀγωνιζομένοισ διὰ τὴν παντὸσ ἐπίβλεψιν τοῦ ἔργου ποικίλασ μεταβολὰσ καὶ ἀπροσδοκήτουσ ἐν ὀλίγῳ λαμβάνοντοσ, ἔβλαπτε ταῖσ αὐτῶν παρασκευαῖσ οὐχ ἧττον τῶν πολεμίων τοὺσ Ἀθηναίουσ. ἀθρόαισ γὰρ ἐμάχοντο ταῖσ ναυσὶ καὶ βαρείαισ πρὸσ κούφασ ἀλλαχόθεν ἄλλασ ἐπιφερομένασ, καὶ βαλλόμενοι λίθοισ ὁμοίαν ἔχουσι τὴν πληγὴν πανταχόθεν ἀντέβαλλον ἀκοντίοισ καὶ τοξεύμασιν, ὧν ὁ σάλοσ τὴν εὐθυβολίαν διέστρεφεν, ὥστε μὴ πάντα κατ’ αἰχμὴν προσφέρεσθαι.

ταῦτα δ’ Ἀρίστων ὁ Κορίνθιοσ κυβερνήτησ ἐδίδαξε τοὺσ Συρακουσίουσ, καὶ παρὰ τὴν μάχην αὐτὴν ἀγωνιζόμενοσ προθύμωσ ἔπεσεν ἤδη κρατούντων τῶν Συρακουσίων. γενομένησ δὲ μεγάλησ τροπῆσ καὶ φθορᾶσ, ἡ μὲν κατὰ θάλασσαν φυγὴ τοῖσ Ἀθηναίοισ ἀποκέκοπτο·

χαλεπὴν δὲ καὶ διὰ γῆσ τὴν σωτηρίαν ὁρῶντεσ οὔτε ναῦσ ἀφέλκοντασ ἐγγύθεν ἔτι τοὺσ πολεμίουσ ἐκώλυον οὔτε νεκρῶν ᾔτησαν ἀναίρεσιν, ἅτε δὴ τῆσ ἐκείνων ἀταφίασ τὴν τῶν νοσούντων καὶ τετρωμένων ἀπόλειψιν οἰκτροτέραν οὖσαν ἤδη πρὸ ὀφθαλμῶν ἔχοντεσ, αὑτοὺσ δὲ κἀκείνων ἐπιπονωτέρουσ ἡγούμενοι, μετὰ πλειόνων κακῶν ἐπὶ ταὐτὸ πάντωσ ἀφιξομένουσ τέλοσ.

일치하는 문장이 없습니다.

SEARCH

MENU NAVIGATION