헬라어 문장 검색 - Πλυταρ́Νιξιασ́24́

(플루타르코스, Νικίας, chapter 24)

μικροῦ δὲ πάντων ἀφέμενοσ τῶν ἄλλων ἔθυέ τε καὶ διεμαντεύετο καθήμενοσ, ἑώσ ἐπῆλθον αὐτοῖσ οἱ πολέμιοι, τῷ μὲν πεζῷ τὰ τείχη καὶ τὸ στρατόπεδον αὐτῶν πολιορκοῦντεσ, ταῖσ δὲ ναυσὶ κύκλῳ τὸν λιμένα περιλαμβάνοντεσ, οὐκ αὐτοὶ μόνον ταῖσ τριήρεσιν, ἀλλὰ καὶ τὰ παιδάρια πανταχόθεν ἐπιβαίνοντα τῶν ἁλιάδων καὶ ταῖσ σκάφαισ προσπλέοντα προὐκαλεῖτο τοὺσ Ἀθηναίουσ καὶ προὐπηλάκιζεν. ὧν ἕνα, παῖδα γνωρίμων γονέων, Ἡρακλείδην, προεξελάσαντα τῷ πλοίῳ ναῦσ Ἀττικὴ διώκουσα κατελάμβανε.

δείσασ δὲ περὶ αὐτῷ Πόλλιχοσ ὁ θεῖοσ ἀντελαύνει δέκα τριήρεσιν ὧν ἦρχεν· οἱ δ’ ἄλλοι περὶ τοῦ Πολλιχου φοβηθέντεσ ὡσαύτωσ ἀνήγοντο. καὶ ναυμαχίασ ἰσχυρᾶσ γενομένησ ἐνίκησαν οἱ Συρακούσιοι, καὶ τὸν Εὐρυμέδοντα πολλῶν μετ’ ἄλλων διέφθειραν. ἦν οὖν οὐκέτι μένειν ἀνασχετὰ Ἀθηναίοισ, ἀλλὰ τῶν στρατηγῶν κατεβόων πεζῇ κελεύοντεσ ἀναχωρεῖν.

καὶ γὰρ οἱ Συρακούσιοι νικήσαντεσ εὐθὺσ ἐνέφραξαν καὶ ἀπέκλεισαν τὸν διέκπλουν τοῦ λιμένοσ. οἱ δὲ περὶ τὸν Νικίαν τοῦτο μὲν οὐκ ἐπείθοντο· δεινὸν γὰρ ἦν ἀπολιπεῖν ὁλκάδασ τε πολλὰσ καὶ τριήρεισ ὀλίγον ἀριθμῷ διακοσίων ἀποδεούσασ· ἐμβιβάσαντεσ δὲ τῶν πεζῶν τοὺσ ἀρίστουσ καὶ τῶν ἀκοντιστῶν τοὺσ ἀλκιμωτάτουσ ἐπλήρωσαν ἑκατὸν καὶ δέκα τριήρεισ·

αἱ γὰρ ἄλλαι ταρσῶν ἐνδεεῖσ ἦσαν. τὸν δὲ λοιπὸν ὄχλον ἔστησε παρὰ θάλασσαν ὁ Νικίασ, ἐκλιπὼν τὸ μέγα στρατόπεδον καὶ τὰ τείχη τὰ συνάπτοντα πρὸσ τὸ Ἡράκλειον, ὥστε μὴ τεθυκότων τὴν εἰθισμένην θυσίαν τῷ Ἡρακλεῖ τῶν Συρακουσίων, θῦσαι τότε τοὺσ ἱερεῖσ καὶ στρατηγοὺσ ἀναβάντασ ἤδη πληρουμένων τῶν τριήρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 24

(플루타르코스, Νικίας, chapter 24)

상위

목록

SEARCH

MENU NAVIGATION