헬라어 문장 검색 - Πλυταρ́Νιξιασ́06́

(플루타르코스, Νικίας, chapter 6)

ὃσ εὐθύνασ διδοὺσ τῆσ στρατηγίασ ἐν αὐτῷ τῷ δικαστηρίῳ στασάμενοσ ξίφοσ ἀνεῖλεν ἑαυτόν, τὰσ μὲν ἐργώδεισ πάνυ καὶ μακρὰσ ἐπειρᾶτο διακρούεσθαι στρατηγίασ, ὅπου δ’ αὐτὸσ στρατεύοιτο τῆσ ἀσφαλείασ ἐχόμενοσ καὶ τὰ πλεῖστα κατορθῶν, ὡσ εἰκόσ, εἰσ οὐδεμίαν αὑτοῦ σοφίαν ἢ δύναμιν ἢ ἀρετὴν ἀνέφερε τὰσ πράξεισ, ἀλλὰ παρεχώρει τῇ τύχῃ καὶ κατέφευγεν εἰσ τὸ θεῖον, τῷ φθόνῳ τῆσ δόξησ ὑφιέμενοσ. ἐπεμαρτύρει δὲ καὶ τὰ πράγματα·

πολλῶν γὰρ τότε προσκρουσμάτων τῇ πόλει καὶ μεγάλων γενομένων, οὐδενὸσ ἁπλῶσ ἐκεῖνοσ μετέσχεν, ἀλλὰ περὶ Θρᾴκην μὲν ἡττήθησαν ὑπὸ Χαλκιδέων Καλλιάδου τε καὶ Ξενοφῶντοσ στρατηγούντων, τὸ δ’ Αἰτωλικὸν πταῖσμα συνέβη Δημοσθένουσ ἄρχοντοσ, ἐν δὲ Δηλίῳ χιλίουσ αὑτῶν ἀπέβαλον Ἱπποκράτουσ ἡγουμένου, τοῦ δὲ λοιμοῦ τὴν πλείστην αἰτίαν ἔλαβε Περικλῆσ διὰ τὸν πόλεμον εἰσ τὸ ἄστυ κατακλείσασ τὸν ἀπὸ τῆσ χώρασ ὄχλον, ἐκ τῆσ μεταβολῆσ τῶν τόπων καὶ διαίτησ ἀήθουσ γενομένου. Νικίασ δὲ τούτων ἁπάντων ἀναίτιοσ ἔμεινε·

καὶ στρατηγῶν εἷλε μὲν Κύθηρα, νῆσον εὖ κατὰ τῆσ Λακωνικῆσ πεφυκυῖαν καὶ Λακεδαιμονίουσ ἔχουσαν οἰκήτορασ, ἔλαβε δὲ καὶ πολλὰ τῶν ἐπὶ Θρᾴκησ ἀφεστώτων καὶ προσηγάγετο, κατακλείσασ δὲ Μεγαρεῖσ εἰσ τὴν πόλιν εὐθὺσ μὲν ἔσχε Μίνῶαν τὴν νῆσον, ὀλίγῳ δ’ ὕστερον ἐκ ταύτησ ὁρμώμενοσ Νισαίασ ἐκράτησεν, εἰσ δὲ τὴν Κορινθίαν ἀποβὰσ ἐνίκησε μάχῃ καὶ διέφθειρε Κορινθίων πολλοὺσ καὶ Λυκόφρονα τὸν στρατηγόν. ἔθα δ’ αὐτῷ συνέβη τῶν οἰκείων δύο νεκροὺσ ἀπολιπεῖν διαλαθόντασ περὶ τὴν ἀναίρεσιν.

ὡσ οὖν τοῦτ’ ἔγνω, τάχιστα τὸν στόλον ἐπιστήσασ ἔπεμψε κήρυκα πρὸσ τοὺσ πολεμίουσ περὶ ἀναιρέσεωσ. καίτοι κατὰ νόμον τινὰ καὶ συνήθειαν ἐδόκουν οἱ νεκρῶν ὑποσπόνδων λαβόντεσ ἀναίρεσιν ἀπολέγεσθαι τὴν νίκην, καὶ τρόπαιον ἱστάναι τοὺσ τούτου τυχόντασ οὐκ ἔνθεσμον ἦν· νικᾶν γὰρ τοὺσ κρατοῦντασ, μὴ κρατεῖν δὲ τοὺσ αἰτοῦντασ, ὡσ λαβεῖν μὴ δυναμένουσ. ἀλλ’ ὅμωσ ἐκεῖνοσ ὑπέμεινε μᾶλλον προέσθαι τὸ νίκημα καὶ τὴν δόξαν ἢ καταλιπεῖν ἀτάφουσ δύο τῶν πολιτῶν.

πορθήσασ δὲ τὴν παραλίαν τῆσ Λακωνικῆσ καὶ τοὺσ ἀντιστάντασ Λακεδαιμονίων τρεψάμενοσ, εἷλε Θυρέαν Αἰγινητῶν ἐχόντων, καὶ τοὺσ αἱρεθέντασ ἀπήγαγε ζῶντασ εἰσ Ἀθήνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 6

(플루타르코스, Νικίας, chapter 6)

상위

목록

SEARCH

MENU NAVIGATION