헬라어 문장 검색 - Πλυταρ́Αλξιβιά27́

(플루타르코스, Ἀλκιβιάδης, chapter 27)

ἐκ τούτου κατελύθησαν μὲν οἱ τετρακόσιοι, τῶν Ἀλκιβιάδου φίλων προθύμωσ συλλαμβανομένων τοῖσ τὰ δήμου φρονοῦσι· βουλομένων δὲ τῶν ἐν ἄστει καὶ κελευόντων κατιέναι τὸν Ἀλκιβιάδην αὐτὸσ ᾤετο δεῖν μὴ κεναῖσ χερσὶ μηδὲ ἀπράκτοισ, οἴκτῳ καὶ χάριτι τῶν πολλῶν, ἀλλ’ ἐνδόξωσ κατελθεῖν. διὸ πρῶτον μὲν ὀλίγαισ ναυσὶν ἐκ Σάμου περιέπλει τὴν Κνιδίων καὶ Κῴων θάλασσαν· ἐκεῖ δ’ ἀκούσασ Μίνδαρον τὸν Σπαρτιάτην εἰσ Ἑλλήσποντον ἀναπλεῖν τῷ στόλῳ παντὶ καὶ τοὺσ Ἀθηναίουσ ἐπακολουθεῖν, ἠπείγετο βοηθῆσαι τοῖσ στρατηγοῖσ.

καὶ κατὰ τύχην εἰσ τοῦτο καιροῦ συνήνυσε πλέων ὀκτωκαίδεκα τριήρεσιν, ἐν ᾧ πάσαισ ὁμοῦ ταῖσ ναυσὶ συμπεσόντεσ εἰσ τὸ αὐτὸ καὶ διαναυμαχοῦντεσ περὶ Ἄβυδον ἀμφότεροι τοῖσ μὲν ἡττώμενοι μέρεσι, τοῖσ δὲ νικῶντεσ ἄχρι δείλησ ἀγῶνι μεγάλῳ συνείχοντο. καὶ παρέσχε μὲν ἐναντίαν δόξαν ἀμφοτέροισ ἐπιφανείσ, ὥστε θαρρεῖν μὲν τοὺσ πολεμίουσ, θορυβεῖσθαι δὲ τοὺσ Ἀθηναίουσ.

ταχὺ δὲ σημεῖον ἄρασ ἀπὸ τῆσ ναυαρχίδοσ φίλιον ὡρ́μησεν εὐθὺσ ἐπὶ τοὺσ κρατοῦντασ καὶ διώκοντασ τῶν Πελοποννησίων. τρεψάμενοσ δ’ αὐτοὺσ ἐξέωσεν εἰσ τὴν γῆν, καὶ προσκείμενοσ ἔκοπτε τὰσ ναῦσ καὶ συνετίτρωσκε, τῶν ἀνδρῶν ἐκνεόντων καὶ Φαρνμβάζου πεζῇ προσβοηθοῦντοσ αὐτοῖσ καὶ μαχομένου παρὰ τὴν θάλατταν ὑπὲρ τῶν νεῶν. τέλοσ δὲ τῶν μὲν πολεμίων τριάκοντα λαβόντεσ, ἀνασώσαντεσ δὲ τὰσ αὑτῶν, τρόπαιον ἔστησαν. οὕτω δὲ λαμπρᾷ χρησάμενοσ εὐτυχίᾳ, καὶ φιλοτιμούμενοσ εὐθὺσ ἐγκαλλωπίσασθαι τῷ Τισαφέρνῃ, ξένια καὶ δῶρα παρασκευασάμενοσ καὶ θεραπείαν ἔχων ἡγεμονικὴν ἐπορεύετο πρὸσ αὐτόν.

οὐ μὴν ἔτυχεν ὧν προσεδόκησεν, ἀλλὰ πάλαι κακῶσ ἀκούων ὁ Τισαφέρνησ ὑπὸ τῶν Λακεδαιμονίων, καὶ φοβούμενοσ αἰτίαν λαβεῖν ἐκ βασιλέωσ, ἔδοξεν ἐν καιρῷ τὸν Ἀλκιβιάδην ἀφῖχθαι, καὶ συλλαβὼν αὐτὸν εἱρ͂ξεν ἐν Ξάρδεσιν ὡσ λύσιν ἐκείνησ τῆσ διαβολῆσ τὴν ἀδικίαν ταύτην ἐσομένην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 27

(플루타르코스, Ἀλκιβιάδης, chapter 27)

상위

목록

SEARCH

MENU NAVIGATION