헬라어 문장 검색 - Πλυταρ́Αλξιβιά14́

(플루타르코스, Ἀλκιβιάδης, chapter 14)

τὸν δ’ Ἀλκιβιάδην ὁ Νικίασ οὐχ ἧττον ἠνία θαυμαζόμενοσ ὑπὸ τῶν πολεμίων ἢ τιμώμενοσ ὑπὸ τῶν πολιτῶν. πρόξενοσ μὲν γὰρ ἦν ὁ Ἀλκιβιάδησ τῶν Λακεδαιμονίων, καὶ τοὺσ ἁλόντασ αὐτῶν περὶ Πύλον ἄνδρασ ἐθεράπευσεν· ἐπεὶ δ’ ἐκεῖνοί τε διὰ Νικίου μάλιστα τῆσ εἰρήνησ τυχόντεσ καὶ τοὺσ ἄνδρασ ἀπολαβόντεσ ὑπερηγάπων αὐτόν, ἔν τε τοῖσ Ἕλλησι λόγοσ ἦν ὡσ Περικλέουσ μὲν συνάψαντοσ αὐτοῖσ, Νικίου δὲ λύσαντοσ τὸν πόλεμον, οἵ τε πλεῖστοι τὴν εἰρήνην Νικίειον ὠνόμαζον, οὐ μετρίωσ ἀνιώμενοσ ὁ Ἀλκιβιάδησ καὶ φθονῶν ἐβούλευε σύγχυσιν ὁρκίων.

καὶ πρῶτον μὲν Ἀργείουσ αἰσθανόμενοσ μίσει καὶ φόβῳ τῶν Σπαρτιατῶν ζητοῦντασ ἀποστροφήν, ἐλπίδασ αὐτοῖσ ἐνεδίδου κρύφα τῆσ Ἀθηναίων συμμαχίασ, καὶ παρεθάρρυνε πέμπων καὶ διαλεγόμενοσ τοῖσ προεστῶσι τοῦ δήμου μὴ δεδιέναι μηδ’ ὑπείκειν Λακεδαιμονίοισ, ἀλλὰ πρὸσ Ἀθηναίουσ τρέπεσθαι καὶ περιμένειν ὅσον οὐδέπω μεταμελομένουσ καὶ τὴν εἰρήνην ἀφιέντασ.

ἐπεὶ δὲ Λακεδαιμόνιοι πρόσ τε τοὺσ Βοιωτοὺσ ἐποιήσαντο συμμαχίαν καὶ Πάνακτον οὐχ ἑστόσ, ὥσπερ ἔδει, τοῖσ Ἀθηναίοισ παρέδωκαν, ἀλλὰ καταλύσαντεσ, ὀργιζομένουσ λαβὼν τοὺσ Ἀθηναίουσ ἔτι μᾶλλον ἐξετράχυνε, καὶ τὸν Νικίαν ἐθορύβει καὶ διέβαλλεν εἰκότα κατηγορῶν, ὅτι τοὺσ ἐν Σφακτηρίᾳ τῶν πολεμίων ἀποληφθέντασ αὐτὸσ μὲν ἐξελεῖν οὐκ ἠθέλησεν στρατηγῶν, ἑτέρων δ’ ἐξελόντων ἀφῆκε καὶ ἀπέδωκε χαριζόμενοσ Λακεδαιμονίοισ·

εἶτ’ ἐκείνουσ μὲν οὐκ ἔπεισε φίλοσ ὢν Βοιωτοῖσ μὴ συνόμνυσθαι μηδὲ Κορινθίοισ, Ἀθηναίοισ δὲ κωλύει τὸν βουλόμενον τῶν Ἑλλήνων φίλον εἶναι καὶ σύμμαχον, εἰ μὴ δόξειε Λακεδαιμονίοισ.

ἐκ δὲ τούτου κακῶσ φερομένῳ τῷ Νικίᾳ παρῆσαν ὥσπερ κατὰ τύχην πρέσβεισ ἀπὸ τῆσ Λακεδαίμονοσ, αὐτόθεν τε λόγουσ ἐπιεικεῖσ ἔχοντεσ καὶ πρὸσ πᾶν τὸ συμβιβαστικὸν καὶ δίκαιον αὐτοκράτορεσ ἥκειν φάσκοντεσ.

ἀποδεξαμένησ δὲ τῆσ βουλῆσ, τοῦ δὲ δήμου τῇ ὑστεραίᾳ μέλλοντοσ ἐκκλησιάζειν, δείσασ ὁ Ἀλκιβιάδησ διεπράξατο τοὺσ πρέσβεισ ἐν λόγοισ γενέσθαι πρὸσ αὐτόν. ὡσ δὲ συνῆλθον ἔλεγε·

"τί πεπόνθατε, ἄνδρεσ Σπαρτιᾶται; "πῶσ ἔλαθεν ὑμᾶσ ὅτι τὰ τῆσ βουλῆσ ἀεὶ μέτρια καὶ φιλάνθρωπα πρὸσ τοὺσ ἐντυγχάνοντάσ ἐστιν, ὁ δὲ δῆμοσ μέγα φρονεῖ καὶ μεγάλων ὀρέγεται; "κἂν φάσκητε κύριοι πάντων ἀφῖχθαι, προστάττων καὶ βιαζόμενοσ ἀγνωμονήσει. "φέρε δή, τὴν εὐήθειαν ταύτην ἀφέντεσ, εἰ βούλεσθε χρήσασθαι μετρίοισ Ἀθηναίοισ καὶ μηδὲν ἐκβιασθῆναι παρὰ γνώμην, οὕτω διαλέγεσθε περὶ τῶν δικαίων ὡσ οὐκ ὄντεσ αὐτοκράτορεσ. "συμπράξομεν δ’ ἡμεῖσ Λακεδαιμονίοισ χαριζόμενοι. ταῦτα δ’ εἰπὼν ὁρ́κουσ ἔδωκεν αὐτοῖσ καὶ μετέστησεν ἀπὸ τοῦ Νικίου, παντάπασι πιστεύοντασ αὐτῷ καὶ θαυμάζοντασ ἅμα τὴν δεινότητα καὶ σύνεσιν, ὡσ οὐ τοῦ τυχόντοσ ἀνδρὸσ οὖσαν.

τῇ δ’ ὑστεραίᾳ συνήχθη μὲν ὁ δῆμοσ, εἰσῆλθον δ’ οἱ πρέσβεισ. ἐρωτώμενοι δ’ ὑπὸ τοῦ Ἀλκιβιάδου πάνυ φιλανθρώπωσ ἐφ’ οἷσ ἀφιγμένοι τυγχάνουσιν, οὐκ ἔφασαν ἥκειν αὐτοκράτορεσ. εὐθὺσ οὖν ὁ Ἀλκιβιάδησ ἐνέκειτο μετὰ κραυγῆσ καὶ ὀργῆσ, ὥσπερ οὐκ ἀδικῶν, ἀλλ’ ἀδικούμενοσ, ἀπίστουσ καὶ παλιμβόλουσ ἀποκαλῶν καὶ μηδὲν ὑγιὲσ μήτε πρᾶξαι μήτ’ εἰπεῖν ἥκοντασ, ἐπηγανάκτει δ’ ἡ βουλή, καὶ ὁ δῆμοσ ἐχαλέπαινε, τὸν δὲ Νικίαν ἔκπληξισ εἶχε καὶ κατήφεια τῶν ἀνδρῶν τῆσ μεταβολῆσ, ἀγνοοῦντα τὴν ἀπάτην καὶ τὸν δόλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 14

(플루타르코스, Ἀλκιβιάδης, chapter 14)

상위

목록

SEARCH

MENU NAVIGATION