헬라어 문장 검색 - Παυσαν́Δεσξριπ́7́24́

(파우사니아스, Description of Greece, Ἀχαικά, chapter 24)

Αἰγιεῦσι δὲ ἔστι μὲν πρὸσ τῇ ἀγορᾷ ναὸσ Ἀπόλλωνι καὶ Ἀρτέμιδι ἐν κοινῷ, ἔστι δὲ ἐν τῇ ἀγορᾷ ἱερὸν Ἀρτέμιδοσ, τοξευούσῃ δὲ εἴκασται, καὶ Ταλθυβίου τοῦ κήρυκοσ τάφοσ· κέχωσται δὲ τῷ Ταλθυβίῳ καὶ ἄλλο μνῆμα ἐν Σπάρτῃ, καὶ αὐτῷ αἱ πόλεισ ἐναγίζουσιν ἀμφότεραι. πρὸσ θαλάσσῃ δὲ Ἀφροδίτησ ἱερὸν ἐν Αἰγίῳ καὶ μετ’ αὐτὸ Ποσειδῶνοσ, Κόρησ τε πεποίηται τῆσ Δήμητροσ καὶ τέταρτον Ὁμαγυρίῳ Διί.

ἐνταῦθα Διὸσ καὶ Ἀφροδίτησ ἐστὶ καὶ Ἀθηνᾶσ ἀγάλματα· Ὁμαγύριοσ δὲ ἐγένετο τῷ Διὶ ἐπίκλησισ, ὅτι Ἀγαμέμνων ἤθροισεν ἐσ τοῦτο τὸ χωρίον τοὺσ λόγου μάλιστα ἐν τῇ Ἑλλάδι ἀξίουσ, μεθέξοντασ ἐν κοινῷ βουλῆσ καθ’ ὅντινα χρὴ τρόπον ἐπὶ ἀρχὴν τὴν Πριάμου στρατεύεσθαι. Ἀγαμέμνονι δὲ καὶ ἄλλα ἐστὶν ἐσ ἔπαινον καὶ ὅτι τοῖσ ἐξ ἀρχῆσ ἀκολουθήσασι καὶ οὐδεμιᾶσ ἐπελθούσησ ὕστερον στρατιᾶσ τήν τε Ἴλιον ἐπόρθησε καὶ ὅσαι περίοικοι πόλεισ ἦσαν.

ἐφεξῆσ δὲ τῷ Ὁμαγυρίῳ Διὶ Παναχαιᾶσ ἐστι Δήμητροσ.

παρέχεται δὲ ὁ αἰγιαλόσ, ἐν ᾧ καὶ τὰ ἱερὰ Αἰγιεῦσίν ἐστι τὰ εἰρημένα, ὕδωρ ἄφθονον θεάσασθαί τε καὶ πιεῖν ἐκ πηγῆσ ἡδύ. ἔστι δέ σφισι καὶ Σωτηρίασ ἱερόν. ἰδεῖν μὲν δὴ τὸ ἄγαλμα οὐδενὶ πλὴν τῶν ἱερωμένων ἔστι, δρῶσι δὲ ἄλλα τοιαῦτα· λαμβάνοντεσ παρὰ τῆσ θεοῦ πέμματα ἐπιχώρια ἀφιᾶσιν ἐσ θάλασσαν, πέμπειν δὲ τῇ ἐν Συρακούσαισ Ἀρεθούσῃ φασὶν αὐτά. ἔστι δὲ καὶ ἄλλα Αἰγιεῦσιν ἀγάλματα χαλκοῦ πεποιημένα, Ζεύσ τε ἡλικίαν παῖσ καὶ Ἡρακλῆσ, οὐδὲ οὗτοσ ἔχων πω γένεια, Ἀγελάδα τέχνη τοῦ Ἀργείου.

τούτοισ κατὰ ἔτοσ ἱερεῖσ αἱρετοὶ γίνονται, καὶ ἑκάτερα τῶν ἀγαλμάτων ἐπὶ ταῖσ οἰκίαισ μένει τοῦ ἱερωμένου. τὰ δὲ ἔτι παλαιότερα προεκέκριτο ἐκ τῶν παίδων ἱερᾶσθαι τῷ Διὶ ὁ νικῶν κάλλει· ἀρχομένων δὲ αὐτῷ γενείων ἐσ ἄλλον παῖδα ἡ ἐπὶ τῷ κάλλει μετῄει τιμή. ταῦτα μὲν οὕτωσ ἐνομίζετο· ἐσ δὲ Αἴγιον καὶ ἐφ’ ἡμῶν ἔτι συνέδριον τὸ Ἀχαιῶν ἀθροίζεται, καθότι ἐσ Θερμοπύλασ τε καὶ ἐσ Δελφοὺσ οἱ Ἀμφικτύονεσ. ἰόντι δὲ ἐσ τὸ πρόσω Σελινοῦσ τε ποταμὸσ καὶ ἀπωτέρω τεσσαράκοντα Αἰγίου σταδίοισ ἐπὶ θαλάσσῃ χωρίον ἐστὶν Ἑλίκη.

ἐνταῦθα ᾤκητο Ἑλίκη πόλισ καὶ Ιὤσιν ἱερὸν ἁγιώτατον Ποσειδῶνοσ ἦν Ἑλικωνίου. διαμεμένηκε δέ σφισι, καὶ ὡσ ὑπὸ Ἀχαιῶν ἐκπεσόντεσ ἐσ Ἀθήνασ καὶ ὕστερον ἐξ Ἀθηνῶν ἐσ τὰ παραθαλάσσια ἀφίκοντο τῆσ Ἀσίασ, σέβεσθαι Ποσειδῶνα Ἑλικώνιον·

καὶ Μιλησίοισ τε ἰόντι ἐπὶ τὴν πηγὴν τὴν Βιβλίδα Ποσειδῶνοσ πρὸ τῆσ πόλεώσ ἐστιν Ἑλικωνίου βωμὸσ καὶ ὡσαύτωσ ἐν Τέῳ περίβολόσ τε καὶ βωμόσ ἐστι τῷ Ἑλικωνίῳ θέασ ἄξιοσ. ἔστι δὲ καὶ Ὁμήρῳ πεποιημένα ἐσ Ἑλίκην καὶ τὸν Ἑλικώνιον Ποσειδῶνα.

χρόνῳ δὲ ὕστερον Ἀχαιοῖσ τοῖσ ἐνταῦθα, ἱκέτασ ἄνδρασ ἀποστήσασιν ἐκ τοῦ ἱεροῦ καὶ ἀποκτείνασιν, οὐκ ἐμέλλησε τὸ μήνιμα ἐκ τοῦ Ποσειδῶνοσ, ἀλλὰ σεισμὸσ ἐσ τὴν χώραν σφίσιν αὐτίκα κατασκήψασ τῶν τε οἰκοδομημάτων τὴν κατασκευὴν καὶ ὁμοῦ τῇ κατασκευῇ καὶ αὐτὸ τῆσ πόλεωσ τὸ ἔδαφοσ ἀφανὲσ ἐσ τοὺσ ἔπειτα ἐποίησε. τὰ μὲν οὖν ἄλλα ἐπὶ τοῖσ σεισμοῖσ, ὅσοι μεγέθει τε ὑπερήρκασι καὶ ἐπὶ μήκιστον διικνοῦνται τῆσ γῆσ, προσημαίνειν ὁ θεὸσ κατὰ τὰ αὐτὰ ὡσ τὸ ἐπίπαν εἰώθεν ‐ ἢ γὰρ ἐπομβρίαι συνεχεῖσ ἢ αὐχμοὶ πρὸ τῶν σεισμῶν συμβαίνουσιν ἐπὶ χρόνον πλείονα, καὶ ὁ ἀὴρ παρὰ τὴν ἑκάστοτε τοῦ ἔτουσ ὡρ́αν χειμῶνόσ τε γίνεται καυματωδέστεροσ καὶ ἐν θέρει μετὰ ἀχλύοσ μᾶλλον ὁ κύκλοσ παρέχεται τοῦ ἡλίου τὴν χρόαν παρὰ τὸ εἰωθὸσ ἤτοι ἐσ τὸ ἐρυθρότερον ἢ καὶ ἡσυχῇ ῥέπουσαν ἐσ τὸ μελάντερον·

καί που καὶ ἐν τῷ οὐρανῷ διαδρομαὶ σὺν πολλῇ τῇ φλογί, τὰ δὲ καὶ ἀστέρων ὤφθη σχήματα οὔτε ἐγνωσμένα ὑπὸ τῶν πρότερον καὶ μεγάλην τοῖσ ὁρῶσιν ἐμποιοῦντα ἔκπληξιν, ἔτι δὲ καὶ τῆσ γῆσ κάτω πνευμάτων ὑπήχησισ ἰσχυρά, ἄλλα τε πολλὰ ὁ θεὸσ ἐπὶ τοῖσ βιαίοισ τῶν σεισμῶν ἐθέλει προενδείκνυσθαι·

‐ τῆσ δὲ κινήσεωσ αὐτῆσ καθέστηκεν οὐχ εἷσ τρόποσ, ἀλλ’ οἱ φροντίσαντεσ τὰ τοιαῦτα ἐξ ἀρχῆσ καὶ οἱ παρ’ ἐκείνων διδαχθέντεσ ἰδέασ καταμαθεῖν ἐδυνήθησαν τοσάσδε ἐπὶ τοῖσ σεισμοῖσ.

ἠπιώτατοσ μέν ἐστιν αὐτῶν, ἢν δὴ ἐν κακῷ γε τοσούτῳ ῥᾳστώνην ἐνεῖναί τινα ἡγησώμεθα, ἐπειδὰν ὁμοῦ τῇ κινήσει τῇ ἀρξαμένῃ τὸ πρῶτον καὶ τῇ ἐσ τὸ ἔδαφοσ τροπῇ τῶν οἰκοδομημάτων ἀντιστᾶσα ἐναντία κίνησισ ἐξεγείρῃ τὰ ἤδη τραπέντα, ‐ καὶ ἐν τῇ τοιᾷδε ἰδέᾳ τοῦ σεισμοῦ κίονασ ὁρᾶν ἔστιν ἀνορθουμένουσ οἳ ὀλίγου ἐδέησαν ἐσ ἅπαν ἐκριφῆναι, καὶ ὁπόσα διέστη τοίχων συνερχόμενα ἐσ τὸ ἐξ ἀρχῆσ· δοκοὶ δέ, ὅσασ ἐκτὸσ ὀλισθεῖν ἐποίησεν ἡ κίνησισ, ἐπανίασιν αὖθισ ἐσ τὰσ ἕδρασ·

ὡσαύτωσ δὲ καὶ ὀχετῶν κατασκευῆσ καὶ εἰ δή τι ἄλλο ἐπὶ ὕδατοσ ῥοαῖσ προάγει, καὶ τούτων συνδεῖ τὰ διεσπασμένα μᾶλλον ἢ ἀνθρώπων τεκτόνων· ‐ ὁ δὲ δὴ δεύτεροσ τῶν σεισμῶν ἀπώλειάν τε τῶν ἑτοιμοτέρων φέρει καί, ἐφ’ ὅ τι ἂν βάλῃ τὴν ὁρμήν, ἀνέκλινεν αὐτίκα τοῖσ ἐσ πολιορκίαν μηχανήμασιν ὁμοίωσ. τὸν δὲ αὐτῶν ὀλεθριώτατον τοιῷδέ τινι ἐθέλουσιν εἰκάζειν, τὸ ἐντὸσ τοῦ ἀνθρώπου πνεῦμα εἰ συνεχεῖ πυρετῷ πυκνότερόν τε καὶ ὑπὸ πολλῆσ ἄνω τῆσ βίασ <ὠθοῖτο>·

τοῦτο δὲ ἀλλαχοῦ τε τοῦ σώματοσ ἐπισημαίνει καὶ ἐν ταῖσ χερσὶν ὑπὸ ἑκάτερον μάλιστα τὸν καρπόν. κατὰ ταὐτὰ οὖν καὶ τὸν σεισμὸν εἴτ’ εὐθὺ ὑποδύεσθαι τῶν οἰκοδομημάτων καὶ θεμέλια ἀναπάλλειν φασὶν αὐτόν, καθότι καὶ τὰ ἔργα τῶν σφαλάκων ἐκ μυχοῦ τῆσ γῆσ ἀναπέμπεται· μόνη τε ἡ τοιαύτη κίνησισ οὐδὲ τοῦ οἰκισθῆναί ποτε ὑπολείπει σημεῖα ἐν τῇ γῇ.

τότε δὲ ἰδέαν μὲν ταύτην ἐπὶ τῇ Ἑλίκῃ τοῦ σεισμοῦ τὴν ἐσ τὸ ἔδαφοσ ἀνακινοῦσαν, σὺν δὲ αὐτῇ καὶ ἄλλο πῆμα τοιόνδε οἱ ἐπιγενέσθαι φασὶν ὡρ́ᾳ χειμῶνοσ.

ἐπῆλθε γάρ σφισιν ἐπὶ πολὺ τῆσ χώρασ ἡ θάλασσα καὶ τὴν Ἑλίκην περιέλαβεν ἐν κύκλῳ πᾶσαν· καὶ δὴ καὶ τὸ ἄλσοσ τοῦ Ποσειδῶνοσ ἐπὶ τοσοῦτον ἐπέσχεν ὁ κλύδων ὡσ τὰ ἄκρα τῶν δένδρων σύνοπτα εἶναι μόνον. σείσαντοσ δὲ ἐξαίφνησ τοῦ θεοῦ καὶ ὁμοῦ τῷ σεισμῷ τῆσ θαλάσσησ ἀναδραμούσησ, καθείλκυσεν αὔτανδρον τὸ κῦμα τὴν Ἑλίκην. τοιοῦτό γε δὴ κατέλαβεν, καὶ ἕτερον τὴν ἰδέαν, ἐν Σιπύλῳ πόλιν ἐσ χάσμα ἀφανισθῆναι·

ἐξ ὅτου δὲ ἡ ἰδέα κατεάγη τοῦ ὄρουσ, ὕδωρ αὐτόθεν ἐρρύη, καὶ λίμνη τε ὀνομαζομένη Σαλόη τὸ χάσμα ἐγένετο καὶ ἐρείπια πόλεωσ δῆλα ἦν ἐν τῇ λίμνῃ, πρὶν ἢ τὸ ὕδωρ ἀπέκρυψεν αὐτὰ τοῦ χειμάρρου. σύνοπτα δὲ καὶ Ἑλίκησ ἐστὶ τὰ ἐρείπια, οὐ μὴν ἔτι γε ὁμοίωσ, ἅτε ὑπὸ τῆσ ἅλμησ λελυμασμένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 24

(파우사니아스, Description of Greece, Ἀχαικά, chapter 24)

상위

목록

SEARCH

MENU NAVIGATION