헬라어 문장 검색 - Πλυταρ́Ρομυλυσ́28́

(플루타르코스, chapter 28)

οὕτωσ οὖν ἄνδρα τῶν πατρικίων γένει πρῶτον ἤθει τε δοκιμώτατον αὐτῷ τε Ῥωμύλῳ πιστὸν καὶ συνήθη, τῶν ἀπ’ Ἄλβησ ἐποίκων, Ιοὔλιον Πρόκλον, εἰσ ἀγορὰν παρελθόντα καὶ τῶν ἁγιωτάτων ἔνορκον ἱερῶν ἁψάμενον εἰπεῖν ἐν πᾶσιν, ὡσ ὁδὸν αὐτῷ βαδίζοντι Ῥωμύλοσ ἐξ ἐναντίασ προσιὼν φανείη, καλὸσ μὲν ὀφθῆναι καὶ μέγασ ὡσ οὔποτε πρόσθεν, ὅπλοισ δὲ λαμπροῖσ καὶ φλέγουσι κεκοσμημένοσ. αὐτὸσ μὲν οὖν ἐκπλαγεὶσ πρὸσ τὴν ὄψιν " ὦ βασιλεῦ," φάναι, " τί δὴ παθὼν ἢ διανοηθείσ, ἡμᾶσ μὲν ἐν αἰτίαισ < πεποίηκασ> ἀδίκοισ καὶ πονηραῖσ, πᾶσαν δὲ τὴν πόλιν ὀρφανὴν ἐν μυρίῳ πένθει προλέλοιπασ;

ἐκεῖνον δ’ ἀποκρίνασθαι· " θεοῖσ ἔδοξεν ὦ Πρόκλε τοσοῦτον ἡμᾶσ γενέσθαι μετ’ ἀνθρώπων χρόνον, ἐκεῖθεν ὄντασ, καὶ πόλιν ἐπ’ ἀρχῇ καὶ δόξῃ μεγίστῃ κτίσαντασ, αὖθισ οἰκεῖν οὐρανόν. ἀλλὰ χαῖρε καὶ φράζε Ῥωμαίοισ, ὅτι σωφροσύνην μετ’ ἀνδρείασ ἀσκοῦντεσ ἐπὶ πλεῖστον ἀνθρωπίνησ ἀφίξονται δυνάμεωσ. ἐγὼ δ’ ὑμῖν εὐμενὴσ ἔσομαι δαίμων Κυρῖνοσ. ταῦτα πιστὰ μὲν εἶναι τοῖσ Ῥωμαίοισ ἐδόκει διὰ τὸν τρόπον τοῦ λέγοντοσ καὶ διὰ τὸν ὁρ́κον·

οὐ μὴν ἀλλὰ καὶ δαιμόνιόν τι συνεφάψασθαι πάθοσ ὅμοιον ἐνθουσιασμῷ· μηδένα γὰρ ἀντειπεῖν, ἀλλὰ πᾶσαν ὑπόνοιαν καὶ διαβολὴν ἀφέντασ εὔχεσθαι Κυρίνῳ καὶ θεοκλυτεῖν ἐκεῖνον. ἐοίκε μὲν οὖν ταῦτα τοῖσ ὑφ’ Ἑλλήνων περί τ’ Ἀριστέου τοῦ Προικοννησίου καὶ Κλεομήδουσ τοῦ Ἀστυπαλαιέωσ μυθολογουμένοισ.

Ἀριστέαν μὲν γὰρ ἔν τινι κναφείῳ τελευτῆσαί φασι, καὶ τὸ σῶμα μετιόντων αὐτοῦ τῶν φίλων ἀφανὲσ οἴχεσθαι· λέγειν δέ τινασ εὐθὺσ ἐξ ἀποδημίασ ἥκοντασ ἐντυχεῖν Ἀριστέᾳ τὴν ἐπὶ Κρότωνοσ πορευομένῳ. Κλεομήδη δὲ ῥώμῃ καὶ μεγέθει σώματοσ ὑπερφυᾶ γενόμενον, ἔμπληκτόν τε τῷ τρόπῳ καὶ μανικὸν ὄντα, πολλὰ δρᾶν βίαια, καὶ τέλοσ ἔν τινι διδασκαλείῳ παίδων τὸν ὑπερείδοντα τὴν ὀροφὴν κίονα πατάξαντα τῇ χειρὶ κλάσαι μέσον καὶ τὴν στέγην καταβαλεῖν. ἀπολομένων δὲ τῶν παίδων διωκόμενον, εἰσ κιβωτὸν καταφυγεῖν μεγάλην καὶ τὸ πῶμα κατακλείσαντα συνέχειν ἐντόσ, ὥστ’ ἀποσπάσαι μὴ δύνασθαι πολλοὺσ ὁμοῦ βιαζομένουσ·

κατασχίσαντασ δὲ τὴν κιβωτόν, οὔτε ζῶντα τὸν ἄνθρωπον εὑρεῖν οὔτε νεκρόν. ἐκπλαγέντασ οὖν ἀποστεῖλαι θεοπρόπουσ εἰσ Δελφούσ, οἷσ τὴν Πυθίαν εἰπεῖν ἔσχατοσ ἡρώων Κλεομήδησ Ἀστυπαλαιεύσ. λέγεται δὲ καὶ τὸν Ἀλκμήνησ ἐκκομιζομένησ νεκρὸν ἄδηλον γενέσθαι, λίθον δὲ φανῆναι κείμενον ἐπὶ τῆσ κλίνησ, καὶ ὅλωσ πολλὰ τοιαῦτα μυθολογοῦσι, παρὰ τὸ εἰκὸσ ἐκθειάζοντεσ τὰ θνητὰ τῆσ φύσεωσ ἅμα τοῖσ θείοισ.

ἀπογνῶναι μὲν οὖν παντάπασι τὴν θειότητα τῆσ ἀρετῆσ ἀνόσιον καὶ ἀγεννέσ, οὐρανῷ δὲ μειγνύειν γῆν ἀβέλτερον. φατέον οὖν, ἐχομένοισ τῆσ ἀσφαλείασ, κατὰ Πίνδαρον, ὡσ σῶμα μὲν πάντων ἕπεται θανάτῳ περισθενεῖ, ζῳὸν δ’ ἔτι λείπεται αἰῶνοσ εἴδωλον· τὸ γάρ ἐστι μόνον ἐκ θεῶν. ἥκει γὰρ ἐκεῖθεν, ἐκεῖ δ’ ἄνεισιν, οὐ μετὰ σώματοσ, ἀλλ’ ἐὰν ὅτι μάλιστα σώματοσ ἀπαλλαγῇ καὶ διακριθῇ καὶ γένηται καθαρὸν παντάπασι καὶ ἄσαρκον καὶ ἁγνόν.

καθ’ Ἡράκλειτον, ὥσπερ ἀστραπὴ νέφουσ διαπταμένη τοῦ σώματοσ. ἡ δὲ σώματι πεφυρμένη καὶ περίπλεωσ σώματοσ, οἱο͂ν ἀναθυμίασισ ἐμβριθὴσ καὶ ὁμιχλώδησ, δυσέξαπτόσ ἐστι καὶ δυσανακόμιστοσ. οὐδὲν οὖν δεῖ τὰ σώματα τῶν ἀγαθῶν συναναπέμπειν παρὰ φύσιν εἰσ οὐρανόν, ἀλλὰ τὰσ ἀρετὰσ καὶ τὰσ ψυχὰσ παντάπασιν οἰέσθαι κατὰ φύσιν καὶ δίκην θείαν ἐκ μὲν ἀνθρώπων εἰσ ἡρ́ωασ, ἐκ δ’ ἡρώων εἰσ δαίμονασ, ἐκ δὲ δαιμόνων, ἂν τέλεον ὥσπερ ἐν τελετῇ καθαρθῶσι καὶ ὁσιωθῶσιν, ἅπαν ἀποφυγοῦσαι τὸ θνητὸν καὶ παθητικόν, οὐ νόμῳ πόλεωσ, ἀλλ’ ἀληθείᾳ καὶ κατὰ τὸν εἰκότα λόγον εἰσ θεοὺσ ἀναφέρεσθαι, τὸ κάλλιστον καὶ μακαριώτατον τέλοσ ἀπολαβούσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 28

(플루타르코스, chapter 28)

상위

목록

SEARCH

MENU NAVIGATION