헬라어 문장 검색 - Πλυταρ́Ρομυλυσ́09́

(플루타르코스, chapter 9)

Ἀμουλίου δ’ ἀποθανόντοσ καὶ τῶν πραγμάτων καταστάντων, Ἄλβην μὲν οὔτ’ οἰκεῖν μὴ ἄρχοντεσ οὔτ’ ἄρχειν ἐβούλοντο τοῦ μητροπάτοροσ ζῶντοσ, ἀποδόντεσ δὲ τὴν ἡγεμονίαν ἐκείνῳ καὶ τῇ μητρὶ τιμὰσ πρεπούσασ, ἔγνωσαν οἰκεῖν καθ’ ἑαυτούσ, πόλιν ἐν οἷσ χωρίοισ ἐξ ἀρχῆσ ἐνετράφησαν κτίσαντεσ· αὕτη γὰρ εὐπρεπεστάτη τῶν αἰτιῶν ἐστιν. ἦν δ’ ἴσωσ ἀναγκαῖον, οἰκετῶν καὶ ἀποστατῶν πολλῶν ἠθροισμένων πρὸσ αὐτούσ, ἢ καταλυθῆναι παντάπασι τούτων διασπαρέντων, ἢ συνοικεῖν ἰδίᾳ μετ’ αὐτῶν.

ὅτι γὰρ οὐκ ἠξίουν οἱ τὴν Ἄλβην οἰκοῦντεσ ἀναμειγνύναι τοὺσ ἀποστάτασ ἑαυτοῖσ οὐδὲ προσδέχεσθαι πολίτασ, ἐδήλωσε πρῶτον μὲν τὸ περὶ τὰσ γυναῖκασ ἔργον, οὐχ ὕβρει τολμηθὲν ἀλλὰ δι’ ἀνάγκην, ἑκουσίων ἀπορίᾳ γάμων· ἐτίμησαν γὰρ αὐτὰσ ἁρπάσαντεσ περιττῶσ. ἔπειτα τῆσ πόλεωσ τὴν πρώτην ἵδρυσιν λαμβανούσησ, ἱερόν τι φύξιμον τοῖσ ἀφισταμένοισ κατασκευάσαντεσ, ὃ Θεοῦ Ἀσυλαίου προσηγόρευον, ἐδέχοντο πάντασ, οὔτε δεσπόταισ δοῦλον οὔτε θῆτα χρήσταισ οὔτ’ ἄρχουσιν ἀνδροφόνον ἐκδιδόντεσ, ἀλλὰ μαντεύματι πυθοχρήστῳ πᾶσι βεβαιοῦν τὴν ἀσυλίαν φάσκοντεσ, ὥστε πληθῦσαι ταχὺ τὴν πόλιν, ἐπεὶ τάσ γε πρώτασ ἑστίασ λέγουσι τῶν χιλίων μὴ πλείονασ γενέσθαι.

ταῦτα μὲν οὖν ὕστερον. Ὁρμήσασι δὲ πρὸσ τὸν συνοικισμὸν αὐτοῖσ εὐθὺσ ἦν διαφορὰ περὶ τοῦ τόπου.

Ῥωμύλοσ μὲν οὖν τὴν καλουμένην Ῥώμην κουαδράταν ὅπερ ἐστὶ τετράγωνον ἔκτισε, καὶ ἐκεῖνον ἐβούλετο πολίζειν τὸν τόπον, Ῥέμοσ δὲ χωρίον τι τοῦ Ἀβεντίνου καρτερόν, ὃ δι’ ἐκεῖνον μὲν ὠνομάσθη Ῥεμωρία, νῦν δὲ Ῥιγνάριον καλεῖται. συνθεμένων δὲ τὴν ἔριν ὄρνισιν αἰσίοισ βραβεῦσαι, καὶ καθεζομένων χωρίσ, ἕξ φασι τῷ Ῥέμῳ, διπλασίουσ δὲ τῷ Ῥωμύλῳ προφανῆναι γῦπασ·

οἱ δὲ τὸν μὲν Ῥέμον ἀληθῶσ ἰδεῖν, ψεύσασθαι δὲ τὸν Ῥωμύλον, ἐλθόντοσ δὲ τοῦ Ῥέμου, τότε τοὺσ δώδεκα τῷ Ῥωμύλῳ φανῆναι· διὸ καὶ νῦν μάλιστα χρῆσθαι γυψὶ Ῥωμαίουσ οἰωνιζομένουσ. Ἡρόδωροσ δ’ ὁ Ποντικὸσ ἱστορεῖ καὶ τὸν Ἡρακλέα χαίρειν γυπὸσ ἐπὶ πράξει φανέντοσ. ἔστι μὲν γὰρ ἀβλαβέστατον ζῴων ἁπάντων, μηδὲν ὧν σπείρουσιν ἢ φυτεύουσιν ἢ νέμουσιν ἄνθρωποι σινόμενον, τρέφεται δ’ ἀπὸ νεκρῶν σωμάτων, ἀποκτίννυσι δ’ οὐδὲν οὐδὲ λυμαίνεται ψυχὴν ἔχον, πτηνοῖσ δὲ διὰ συγγένειαν οὐδὲ νεκροῖσ πρόσεισιν.

ἀετοὶ δὲ καὶ γλαῦκεσ καὶ ἱέρακεσ ζῶντα κόπτουσι τὰ ὁμόφυλα καὶ φονεύουσι· καίτοι κατ’ Αἰσχύλον ὄρνιθοσ ὄρνισ πῶσ ἂν ἁγνεύοι φαγών; ἔτι τἆλλα μὲν ἐν ὀφθαλμοῖσ ὡσ ἔποσ εἰπεῖν ἀναστρέφεται καὶ παρέχει διὰ παντὸσ αἴσθησιν ἑαυτῶν, ὁ δὲ γὺψ σπάνιόν ἐστι θέαμα, καὶ νεοσσοῖσ γυπὸσ οὐ ῥᾳδίωσ ἴσμεν ἐντετυχηκότεσ, ἀλλὰ καὶ παρέσχεν ἐνίοισ ἄτοπον ὑπόνοιαν, ἔξωθεν αὐτοὺσ ἀφ’ ἑτέρασ τινὸσ γῆσ καταίρειν ἐνταῦθα, τὸ σπάνιον καὶ μὴ συνεχέσ, οἱο͂ν οἱ μάντεισ ἀξιοῦσιν εἶναι τὸ μὴ κατὰ φύσιν μηδ’ ἀφ’ αὑτοῦ, πομπῇ δὲ θείᾳ φαινόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 9

(플루타르코스, chapter 9)

상위

목록

SEARCH

MENU NAVIGATION