헬라어 문장 검색 - Πλυταρ́Ρομυλυσ́04́

(플루타르코스, chapter 4)

ἦν δὲ πλησίον ἐρινεόσ, ὃν Ῥωμινάλιον ἐκάλουν, ἢ διὰ τὸν Ῥωμύλον ὡσ οἱ πολλοὶ νομίζουσιν, ἢ διὰ τὸ τὰ μηρυκώμενα τῶν θρεμμάτων ἐκεῖ διὰ τὴν σκιὰν ἐνδιάζειν, ἢ μάλιστα διὰ τὸν τῶν βρεφῶν θηλασμόν, ὅτι τήν τε θηλὴν ῥοῦμαν ὠνόμαζον οἱ παλαιοί, καὶ θεόν τινα τῆσ ἐκτροφῆσ τῶν νηπίων ἐπιμελεῖσθαι δοκοῦσαν ὀνομάζουσι Ῥουμῖναν, καὶ θύουσιν αὐτῇ νηφάλια, καὶ γάλα τοῖσ ἱεροῖσ ἐπισπένδουσιν. ἐνταῦθα δὴ τοῖσ βρέφεσι κειμένοισ τήν τε λύκαιναν ἱστοροῦσι θηλαζομένην καὶ δρυοκολάπτην τινὰ παρεῖναι συνεκτρέφοντα καὶ φυλάττοντα.

νομίζεται δ’ Ἄρεωσ ἱερὰ τὰ ζῷα, τὸν δὲ δρυοκολάπτην καὶ διαφερόντωσ Λατῖνοι σέβονται καὶ τιμῶσιν· ὅθεν οὐχ ἥκιστα πίστιν ἔσχεν ἡ τεκοῦσα τὰ βρέφη τεκεῖν ἐξ Ἄρεωσ φάσκουσα. καίτοι τοῦτο παθεῖν αὐτὴν ἐξαπατηθεῖσαν λέγουσιν, ὑπὸ τοῦ Ἀμουλίου διαπαρθενευθεῖσαν, ἐν ὅπλοισ ἐπιφανέντοσ αὐτῇ καὶ συναρπάσαντοσ. οἱ δὲ τοὔνομα τῆσ τροφοῦ δι’ ἀμφιβολίαν ἐπὶ τὸ μυθῶδεσ ἐκτροπὴν τῇ φήμῃ παρασχεῖν·

λούπασ γὰρ ἐκάλουν οἱ Λατῖνοι τῶν τε θηρίων τὰσ λυκαίνασ καὶ τῶν γυναικῶν τὰσ ἑταιρούσασ· εἶναι δὲ τοιαύτην τὴν Φαιστύλου γυναῖκα τοῦ τὰ βρέφη θρέψαντοσ, Ἄκκαν Λαρεντίαν ὄνομα. ταύτῃ δὲ καὶ θύουσι Ῥωμαῖοι, καὶ χοὰσ ἐπιφέρει τοῦ Ἀπριλίου μηνὸσ αὐτῇ ὁ τοῦ Ἄρεωσ ἱερεύσ, καὶ Λαρενταλίαν καλοῦσι τὴν ἑορτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 4

(플루타르코스, chapter 4)

상위

목록

SEARCH

MENU NAVIGATION