헬라어 문장 검색 - Πλυταρ́Περιξλέ39́

(플루타르코스, Περικλῆς, chapter 39)

θαυμαστὸσ οὖν ὁ ἀνὴρ οὐ μόνον τῆσ ἐπιεικείασ καὶ πρᾳότητοσ, ἣν ἐν πράγμασι πολλοῖσ καὶ μεγάλαισ ἀπεχθείαισ διετήρησεν, ἀλλὰ καὶ τοῦ φρονήματοσ, εἰ τῶν αὑτοῦ καλῶν ἡγεῖτο βέλτιστον εἶναι τὸ μήτε φθόνῳ μήτε θυμῷ χαρίσασθαι μηδὲν ἀπὸ τηλικαύτησ δυνάμεωσ, μηδὲ χρήσασθαί τινι τῶν ἐχθρῶν ὡσ ἀνηκέστῳ. καί μοι δοκεῖ τὴν μειρακιώδη καὶ σοβαρὰν ἐκείνην προσωνυμίαν ἓν τοῦτο ποιεῖν ἀνεπίφθονον καὶ πρέπουσαν, οὕτωσ εὐμενὲσ ἦθοσ καὶ βίον ἐν ἐξουσίᾳ καθαρὸν καὶ ἀμίαντον Ὀλύμπιον προσαγορεύεσθαι, καθάπερ τὸ τῶν θεῶν γένοσ ἀξιοῦμεν αἴτιον μὲν ἀγαθῶν, ἀναίτιον δὲ κακῶν πεφυκὸσ ἄρχειν καὶ βασιλεύειν τῶν ὄντων, οὐχ ὥσπερ οἱ ποιηταὶ συνταράττοντεσ ἡμᾶσ ἀμαθεστάταισ δόξαισ ἁλίσκονται τοῖσ αὑτῶν μυθεύμασι, τὸν μὲν τόπον, ἐν ᾧ τοὺσ θεοὺσ κατοικεῖν λέγουσιν, ἀσφαλὲσ ἕδοσ καὶ ἀσάλευτον καλοῦντεσ, οὐ πνεύμασιν, οὐ νέφεσι χρώμενον, ἀλλ’ αἴθρᾳ μαλακῇ καὶ φωτὶ καθαρωτάτῳ τὸν ἅπαντα χρόνον ὁμαλῶσ περιλαμπόμενον, ὡσ τοιαύτησ τινὸσ τῷ μακαρίῳ καὶ ἀθανάτῳ διαγωγῆσ μάλιστα πρεπούσησ, αὐτοὺσ δὲ τοὺσ θεοὺσ ταραχῆσ καὶ δυσμενείασ καὶ ὀργῆσ ἄλλων τε μεστοὺσ παθῶν ἀποφαίνοντεσ οὐδ’ ἀνθρώποισ νοῦν ἔχουσι προσηκόντων.

ἀλλὰ ταῦτα μὲν ἴσωσ ἑτέρασ δόξει πραγματείασ εἶναι.

τοῦ δὲ Περικλέουσ ταχεῖαν αἴσθησιν καὶ σαφῆ πόθον Ἀθηναίοισ ἐνειργάζετο τὰ πράγματα.

καὶ γὰρ οἱ ζῶντοσ βαρυνόμενοι τὴν δύναμιν ὡσ ἀμαυροῦσαν αὐτούσ, εὐθὺσ ἐκ ποδῶν γενομένου πειρώμενοι ῥητόρων καὶ δημαγωγῶν ἑτέρων ἀνωμολογοῦντο μετριώτερον ἐν ὄγκῳ καὶ σεμνότερον ἐν πρᾳότητι μὴ φῦναι τρόπον· ἡ δ’ ἐπίφθονοσ ἰσχὺσ ἐκείνη, μοναρχία λεγομένη καὶ τυραννὶσ πρότερον, ἐφάνη τότε σωτήριον ἔρυμα τῆσ πολιτείασ γενομένη·

τοσαύτη φθορὰ καὶ πλῆθοσ ἐπέκειτο κακίασ τοῖσ πράγμασιν, ἣν ἐκεῖνοσ ἀσθενῆ καὶ ταπεινὴν ποιῶν ἀπέκρυπτε καὶ κατεκώλυεν ἀνήκεστον ἐν ἐξουσίᾳ γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 39

(플루타르코스, Περικλῆς, chapter 39)

상위

목록

SEARCH

MENU NAVIGATION