헬라어 문장 검색 - Πλυταρ́Περιξλέ37́

(플루타르코스, Περικλῆς, chapter 37)

τῆσ δὲ πόλεωσ πειρωμένησ τῶν ἄλλων στρατηγῶν εἰσ τὸν πόλεμον καὶ ῥητόρων, ὡσ δ’ οὐδεὶσ βάροσ ἔχων ἰσόρροπον οὐδ’ ἀξίωμα πρὸσ τοσαύτην ἐχέγγυον ἡγεμονίαν ἐφαίνετο, ποθούσησ ἐκεῖνον καὶ καλούσησ ἐπὶ τὸ βῆμα καὶ τὸ στρατήγιον, ἀθυμῶν καὶ κείμενοσ οἴκοι διὰ τὸ πένθοσ ὑπ’ Ἀλκιβιάδου καὶ τῶν ἄλλων ἐπείσθη φίλων προελθεῖν. ἀπολογησαμένου δὲ τοῦ δήμου τὴν ἀγνωμοσύνην πρὸσ αὐτόν, ὑποδεξάμενοσ αὖθισ τὰ πράγματα καὶ στρατηγὸσ αἱρεθεὶσ ᾐτήσατο λυθῆναι τὸν περὶ τῶν νόθων νόμον, ὃν αὐτὸσ εἰσενηνόχει πρότερον, ὡσ μὴ παντάπασιν ἐρημίᾳ διαδοχῆσ τὸν οἶκον ἐκλίποι τοὔνομα καὶ τὸ γένοσ.

εἶχε δ’ οὕτω τὰ περὶ τὸν νόμον.

ἀκμάζων ὁ Περικλῆσ ἐν τῇ πολιτείᾳ πρὸ πάνυ πολλῶν χρόνων, καὶ παῖδασ ἔχων, ὥσπερ εἴρηται, γνησίουσ, νόμον ἔγραψε μόνουσ Ἀθηναίουσ εἶναι τοὺσ ἐκ δυεῖν Ἀθηναίων γεγονότασ. ἐπεὶ δὲ τοῦ βασιλέωσ τῶν Αἰγυπτίων δωρεὰν τῷ δήμῳ πέμψαντοσ τετρακισμυρίουσ πυρῶν μεδίμνουσ ἔδει διανέμεσθαι τοὺσ πολίτασ, πολλαὶ μὲν ἀνεφύοντο δίκαι τοῖσ νόθοισ ἐκ τοῦ γράμματοσ ἐκείνου τέωσ διαλανθάνουσι καὶ παρορωμένοισ, πολλοὶ δὲ καὶ συκοφαντήμασι περιέπιπτον. ἐπράθησαν δ’ οὖν ἁλόντεσ ὀλίγῳ πεντακισχιλίων ἐλάττουσ, οἱ δὲ μείναντεσ ἐν τῇ πολιτείᾳ καὶ κριθέντεσ Ἀθηναῖοι μύριοι καὶ τετρακισχίλιοι καὶ τεσσαράκοντα τὸ πλῆθοσ ἐξητάσθησαν.

ὄντοσ οὖν δεινοῦ τὸν κατὰ τοσούτων ἰσχύσαντα νόμον ὑπ’ αὐτοῦ πάλιν λυθῆναι τοῦ γράψαντοσ, ἡ παροῦσα δυστυχία τῷ Περικλεῖ περὶ τὸν οἶκον, ὡσ δίκην τινὰ δεδωκότι τῆσ ὑπεροψίασ καὶ τῆσ μεγαλαυχίασ ἐκείνησ, ἐπέκλασε τοὺσ Ἀθηναίουσ, καὶ δόξαντεσ αὐτὸν νεμεσητά τε παθεῖν ἀνθρωπίνων τε δεῖσθαι συνεχώρησαν ἀπογράψασθαι τὸν νόθον εἰσ τοὺσ φράτορασ, ὄνομα θέμενον τὸ αὑτοῦ.

καὶ τοῦτον μὲν ὕστερον ἐν Ἀργινούσαισ καταναυμαχήσαντα Πελοποννησίουσ ἀπέκτεινεν ὁ δῆμοσ μετὰ τῶν συστρατήγων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 37

(플루타르코스, Περικλῆς, chapter 37)

상위

목록

SEARCH

MENU NAVIGATION