헬라어 문장 검색 - Πλυταρ́Περιξλέ33́

(플루타르코스, Περικλῆς, chapter 33)

οἱ δὲ Λακεδαιμόνιοι γινώσκοντεσ ὡσ ἐκείνου καταλυθέντοσ εἰσ πάντα μαλακωτέροισ χρήσονται τοῖσ Ἀθηναίοισ, ἐκέλευον αὐτοὺσ τὸ ἄγοσ ἐλαύνειν τὸ Κυλώνειον, ᾧ τὸ μητρόθεν γένοσ τοῦ Περικλέουσ ἔνοχον ἦν, ὡσ Θουκυδίδησ ἱστόρηκεν. ἡ δὲ πεῖρα περιέστη τοῖσ πέμψασιν εἰσ τοὐναντίον· ἀντὶ γὰρ ὑποψίασ καὶ διαβολῆσ ὁ Περικλῆσ ἔτι μείζονα πίστιν ἔσχε καὶ τιμὴν παρὰ τοῖσ πολίταισ, ὡσ μάλιστα μισούντων καὶ φοβουμένων ἐκεῖνον τῶν πολεμίων. διὸ καὶ πρὶν ἐμβαλεῖν εἰσ τὴν Ἀττικὴν τὸν Ἀρχίδαμον ἔχοντα τοὺσ Πελοποννησίουσ προεῖπε τοῖσ Ἀθηναίοισ, ἂν ἄρα τἆλλα δῃῶν ὁ Ἀρχίδαμοσ ἀπέχηται τῶν ἐκείνου διὰ τὴν ξενίαν τὴν οὖσαν αὐτοῖσ, ἢ διαβολῆσ τοῖσ ἐχθροῖσ ἐνδιδοὺσ ἀφορμάσ, ὅτι τῇ πόλει καὶ τὴν χώραν καὶ τὰσ ἐπαύλεισ ἐπιδίδωσιν.

ἐμβάλλουσιν οὖν εἰσ τὴν Ἀττικὴν στρατῷ μεγάλῳ Λακεδαιμόνιοι μετὰ τῶν συμμάχων, Ἀρχιδάμου τοῦ βασιλέωσ ἡγουμένου.

καὶ δῃοῦντεσ τὴν χώραν προῆλθον εἰσ Ἀχαρνὰσ καὶ κατεστρατοπέδευσαν, ὡσ τῶν Ἀθηναίων οὐκ ἀνεξομένων, ἀλλ’ ὑπ’ ὀργῆσ καὶ φρονήματοσ διαμαχουμένων πρὸσ αὐτούσ. τῷ δὲ Περικλεῖ δεινὸν ἐφαίνετο πρὸσ τοὺσ ἑξακισμυρίουσ Πελοποννησίων καὶ Βοιωτῶν ὁπλίτασ τοσοῦτοι γὰρ ἦσαν οἱ τὸ πρῶτον ἐμβαλόντεσ ὑπὲρ αὐτῆσ τῆσ πόλεωσ μάχην συνάψαι·

τοὺσ δὲ βουλομένουσ μάχεσθαι καὶ δυσπαθοῦντασ πρὸσ τὰ γινόμενα κατεπράϋνε, λέγων ὡσ δένδρα μὲν τμηθέντα καὶ κοπέντα φύεται ταχέωσ, ἀνδρῶν δὲ διαφθαρέντων αὖθισ τυχεῖν οὐ ῥᾴδιόν ἐστι. τὸν δὲ δῆμον εἰσ ἐκκλησίαν οὐ συνῆγε δεδιὼσ βιασθῆναι παρὰ γνώμην, ἀλλ’ ὥσπερ νεὼσ κυβερνήτησ ἀνέμου κατιόντοσ ἐν πελάγει θέμενοσ εὖ πάντα καὶ κατατείνασ τὰ ὅπλα χρῆται τῇ τέχνῃ, δάκρυα καὶ δεήσεισ ἐπιβατῶν ναυτιώντων καὶ φοβουμένων ἐάσασ, οὕτωσ ἐκεῖνοσ, τό τε ἄστυ συγκλείσασ καὶ καταλαβὼν πάντα φυλακαῖσ πρὸσ ἀσφάλειαν, ἐχρῆτο τοῖσ αὑτοῦ λογισμοῖσ, βραχέα φροντίζων τῶν καταβοώντων καὶ δυσχεραινόντων.

καίτοι πολλοὶ μὲν αὐτοῦ τῶν φίλων δεόμενοι προσέκειντο, πολλοὶ δὲ τῶν ἐχθρῶν ἀπειλοῦντεσ καὶ κατηγοροῦντεσ, χοροὶ δ’ ᾖδον ᾄσματα καὶ σκώμματα πρὸσ αἰσχύνην, ἐφυβρίζοντεσ αὐτοῦ τὴν στρατηγίαν ὡσ ἄνανδρον καὶ προϊεμένην τὰ πράγματα τοῖσ πολεμίοισ.

ἐπεφύετο δὲ καὶ Κλέων ἤδη, διὰ τῆσ πρὸσ ἐκεῖνον ὀργῇσ τῶν πολιτῶν πορευόμενοσ ἐπὶ τὴν δημαγωγίαν, ὡσ τἀνάπαιστα ταῦτα δηλοῖ ποιήσαντοσ Ἑρμίππου· βασιλεῦ σατύρων, τί ποτ’ οὐκ ἐθέλεισ δόρυ βαστάζειν, ἀλλὰ λόγουσ μὲν περὶ τοῦ πολέμου δεινοὺσ παρέχεισ, ψυχὴ δὲ Τέλητοσ ὕπεστιν;

κἀγχειριδίου δ’ ἀκόνῃ σκληρᾷ παραθηγομένησ βρύχεισ κοπίδοσ, δηχθεὶσ αἴθωνι Κλέωνι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 33

(플루타르코스, Περικλῆς, chapter 33)

상위

목록

SEARCH

MENU NAVIGATION