헬라어 문장 검색 - Πλυταρ́Περιξλέ29́

(플루타르코스, Περικλῆς, chapter 29)

μετὰ ταῦτα κυμαίνοντοσ ἤδη τοῦ Πελοποννησιακοῦ πολέμου, Κερκυραίοισ πολεμουμένοισ ὑπὸ Κορινθίων ἔπεισε τὸν δῆμον ἀποστεῖλαι βοήθειαν καὶ προσλαβεῖν ἐρρωμένην ναυτικῇ δυνάμει νῆσον, ὡσ ὅσον οὐδέπω Πελοποννησίων ἐκπεπολεμωμένων πρὸσ αὐτούσ. ψηφισαμένου δὲ τοῦ δήμου τὴν βοήθειαν ἀπέστειλε δέκα ναῦσ μόνασ ἔχοντα Λακεδαιμόνιον, τὸν Κίμωνοσ υἱόν, οἱο͂ν ἐφυβρίζων·

πολλὴ γὰρ ἦν εὔνοια καὶ φιλία τῷ Κίμωνοσ οἴκῳ πρὸσ Λακεδαιμονίουσ. ὡσ ἂν οὖν, εἰ μηδὲν ἔργον μέγα μηδ’ ἐκπρεπὲσ ἐν τῇ στρατηγίᾳ τοῦ Λακεδαιμονίου γένοιτο, προσδιαβληθείη μᾶλλον εἰσ τὸν λακωνισμόν, ὀλίγασ αὐτῷ ναῦσ ἔδωκε καὶ μὴ βουλόμενον ἐξέπεμψε. καὶ ὅλωσ διετέλει κολούων ὡσ μηδὲ τοῖσ ὀνόμασι γνησίουσ, ἀλλ’ ὀθνείουσ καὶ ξένουσ, ὅτι τῶν Κίμωνοσ υἱῶν τῷ μὲν ἦν Λακεδαιμόνιοσ ὄνομα, τῷ δὲ Θεσσαλόσ, τῷ δὲ Ἠλεῖοσ.

ἐδόκουν δὲ πάντεσ ἐκ γυναικὸσ Ἀρκαδικῆσ γεγονέναι. κακῶσ οὖν ὁ Περικλῆσ ἀκούων διὰ τὰσ δέκα ταύτασ τριήρεισ, ὡσ μικρὰν μὲν βοήθειαν τοῖσ δεηθεῖσι, μεγάλην δὲ πρόφασιν τοῖσ ἐγκαλοῦσι παρεσχηκώσ, ἑτέρασ αὖθισ ἔστειλε πλείονασ εἰσ τὴν Κέρκυραν, αἳ μετὰ τὴν μάχην ἀφίκοντο. χαλεπαίνουσι δὲ τοῖσ Κορινθίοισ καὶ κατηγοροῦσι τῶν Ἀθηναίων ἐν Λακεδαίμονι προσεγένοντο Μεγαρεῖσ, αἰτιώμενοι πάσησ μὲν ἀγορᾶσ, πάντων δὲ λιμένων, ὧν Ἀθηναῖοι κρατοῦσιν, εἴργεσθαι καὶ ἀπελαύνεσθαι παρὰ τὰ κοινὰ δίκαια καὶ τοὺσ γεγενημένουσ ὁρ́κουσ τοῖσ Ἕλλησιν·

Αἰγινῆται δὲ κακοῦσθαι δοκοῦντεσ καὶ βίαια πάσχειν ἐποτνιῶντο κρύφα πρὸσ τοὺσ Λακεδαιμονίουσ, φανερῶσ ἐγκαλεῖν τοῖσ Ἀθηναίοισ οὐ θαρροῦντεσ. ἐν δὲ τούτῳ καὶ Ποτίδαια, πόλισ ὑπήκοοσ Ἀθηναίων, ἄποικοσ δὲ Κορινθίων, ἀποστᾶσα καὶ πολιορκουμένη μᾶλλον ἐπετάχυνε τὸν πόλεμον. οὐ μὴν ἀλλὰ πρεσβειῶν τε πεμπομένων Ἀθήναζε, καὶ τοῦ βασιλέωσ τῶν Λακεδαιμονίων Ἀρχιδάμου τὰ πολλὰ τῶν ἐγκλημάτων εἰσ διαλύσεισ ἄγοντοσ καὶ τοὺσ συμμάχουσ πραύ̈νοντοσ, οὐκ ἂν δοκεῖ συμπεσεῖν ὑπό γε τῶν ἄλλων αἰτιῶν ὁ πόλεμοσ τοῖσ Ἀθηναίοισ, εἰ τὸ ψήφισμα καθελεῖν τὸ Μεγαρικὸν ἐπείσθησαν καὶ διαλλαγῆναι πρὸσ αὐτούσ.

διὸ καὶ μάλιστα πρὸσ τοῦτο Περικλῆσ ἐναντιωθείσ, καὶ παροξύνασ τὸν δῆμον ἐμμεῖναι τῇ πρὸσ τοὺσ Μεγαρεῖσ φιλονεικία, μόνοσ ἔσχε τοῦ πολέμου τὴν αἰτίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 29

(플루타르코스, Περικλῆς, chapter 29)

상위

목록

SEARCH

MENU NAVIGATION