헬라어 문장 검색 - Πλυταρ́Περιξλέ24́

(플루타르코스, Περικλῆς, chapter 24)

ἐκ τούτου γενομένων σπονδῶν Ἀθηναίοισ καὶ Λακεδαιμονίοισ εἰσ ἔτη τριάκοντα ψηφίζεται τὸν εἰσ Σάμον πλοῦν, αἰτίαν ποιησάμενοσ κατ’ αὐτῶν ὅτι τὸν πρὸσ Μιλησίουσ κελευόμενοι διαλύσασθαι πόλεμον οὐχ ὑπήκουον. ἐπεὶ δ’ Ἀσπασία χαριζόμενοσ δοκεῖ πρᾶξαι τὰ πρὸσ Σαμίουσ, ἐνταῦθα ἂν εἰή καιρὸσ διαπορῆσαι μάλιστα περὶ τῆσ ἀνθρώπου, τίνα τέχνην ἢ δύναμιν τοσαύτην ἔχουσα τῶν τε πολιτικῶν τοὺσ πρωτεύοντασ ἐχειρώσατο καὶ τοῖσ φιλοσόφοισ οὐ φαῦλον οὐδ’ ὀλίγον ὑπὲρ αὑτῆσ παρέσχε λόγον. ὅτι μὲν γὰρ ἦν Μιλησία γένοσ, Ἀξιόχου θυγάτηρ, ὁμολογεῖται· φασὶ δ’ αὐτὴν Θαργηλίαν τινὰ τῶν παλαιῶν Ιἄδων ζηλώσασαν ἐπιθέσθαι τοῖσ δυνατωτάτοισ ἀνδράσι.

καὶ γὰρ ἡ Θαργηλία τό τ’ εἶδοσ εὐπρεπὴσ γενομένη καὶ χάριν ἔχουσα μετὰ δεινότητοσ πλείστοισ μὲν Ἑλλήνων συνῴκησεν ἀνδράσι, πάντασ δὲ προσεποίησε βασιλεῖ τοὺσ πλησιάσαντασ αὐτῇ, καὶ ταῖσ πόλεσι μηδισμοῦ δι’ ἐκείνων ὑπέσπειρεν ἀρχὰσ δυνατωτάτων ὄντων καὶ μεγίστων. τὴν δ’ Ἀσπασίαν οἱ μὲν ὡσ σοφήν τινα καὶ πολιτικὴν ὑπὸ τοῦ Περικλέουσ σπουδασθῆναι λέγουσι·

καὶ γὰρ Σωκράτησ ἔστιν ὅτε μετὰ τῶν γνωρίμων ἐφοίτα, καὶ τὰσ γυναῖκασ ἀκροασομένασ οἱ συνήθεισ ἦγον ὡσ αὐτήν, καίπερ οὐ κοσμίου προεστῶσαν ἐργασίασ οὐδὲ σεμνῆσ, ἀλλὰ παιδίσκασ ἑταιρούσασ τρέφουσαν· Αἰσχίνησ δέ φησι καὶ Λυσικλέα τὸν προβατοκάπηλον ἐξ ἀγεννοῦσ καὶ ταπεινοῦ τὴν φύσιν Ἀθηναίων γενέσθαι πρῶτον, Ἀσπασίᾳ συνόντα μετὰ τὴν Περικλέουσ τελευτήν.

ἐν δὲ τῷ Μενεξένῳ τῷ Πλάτωνοσ, εἰ καὶ μετὰ παιδιᾶσ τὰ πρῶτα γέγραπται, τοσοῦτόν γ’ ἱστορίασ ἔνεστιν, ὅτι δόξαν εἶχε τὸ γύναιον ἐπὶ ῥητορικῇ πολλοῖσ Ἀθηναίων ὁμιλεῖν. φαίνεται μέντοι μᾶλλον ἐρωτική τισ ἡ τοῦ Περικλέουσ ἀγάπησισ γενομένη πρὸσ Ἀσπασίαν.

ἦν μὲν γὰρ αὐτῷ γυνὴ προσήκουσα μὲν κατὰ γένοσ, συνῳκηκυῖα δ’ Ἱππονίκῳ πρότερον, ἐξ οὗ Καλλίαν ἔτεκε τὸν πλούσιον· ἔτεκε δὲ καὶ παρὰ τῷ Περικλεῖ Ξάνθιππον καὶ Πάραλον. εἶτα τῆσ συμβιώσεωσ οὐκ οὔσησ αὐτοῖσ ἀρεστῆσ, ἐκείνην μὲν ἑτέρῳ Βουλομένην συνεξέδωκεν, αὐτὸσ δὲ τὴν Ἀσπασίαν λαβὼν ἔστερξε διαφερόντωσ. καὶ γὰρ ἐξιών, ὥσ φασι, καὶ εἰσιὼν ἀπ’ ἀγορᾶσ ἠσπάζετο καθ’ ἡμέραν αὐτὴν μετὰ τοῦ καταφιλεῖν.

ἐν δὲ ταῖσ κωμῳδίαισ Ὀμφάλη τε νέα καὶ Δηϊάνειρα καὶ πάλιν Ἥρα προσαγορεύεται. Κρατῖνοσ δ’ ἄντικρυσ παλλακὴν αὐτὴν εἴρηκεν ἐν τούτοισ· Ἥραν τέ οἱ Ἀσπασίαν τίκτει Καταπυγοσύνη παλλακὴν κυνώπιδα. δοκεῖ δὲ καὶ τὸν νόθον ἐκ ταύτησ τεκνῶσαι, περὶ οὗ πεποίηκεν Εὔπολισ ἐν Δήμοισ αὐτὸν μὲν οὕτωσ ἐρωτῶντα· ὁ νόθοσ δέ μοι ζῇ; τὸν δὲ Μυρωνίδην ἀποκρινόμενον· καὶ πάλαι γ’ ἂν ἦν ἀνήρ, εἰ μὴ τὸ τῆσ πόρνησ ὑπωρρώδει κακόν. οὕτω δὲ τὴν Ἀσπασίαν ὀνομαστὴν καὶ κλεινὴν γενέσθαι λέγουσιν ὥστε καὶ Κῦρον τὸν πολεμήσαντα βασιλεῖ περὶ τῆσ τῶν Περσῶν ἡγεμονίασ τὴν ἀγαπωμένην ὑπ’ αὐτοῦ μάλιστα τῶν παλλακίδων Ἀσπασίαν ὀνομάσαι, καλουμένην Μιλτὼ πρότερον.

ἦν δὲ Φωκαὶ̈ τὸ γένοσ, Ἑρμοτίμου θυγάτηρ· ἐν δὲ τῇ μάχῃ Κύρυ πεσόντοσ ἀπαχθεῖσα πρὸσ βασιλέα πλεῖστον ἴσχυσε. ταῦτα μὲν ἐπελθόντα τῇ μνήμῃ κατὰ τὴν γραφὴν ἀπώσασθαι καὶ παρελθεῖν ἴσωσ ἀπάνθρωπον ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 24

(플루타르코스, Περικλῆς, chapter 24)

상위

목록

SEARCH

MENU NAVIGATION