헬라어 문장 검색 - Πλυταρ́Πελοπιδ́33́

(플루타르코스, Pelopidas, chapter 33)

τὸ μὲν οὖν Θηβαίων τοὺσ παρόντασ ἐπὶ τῇ τοῦ Πελοπίδου τελευτῇ βαρέωσ φέρειν, πατέρα καὶ σωτῆρα καὶ διδάσκαλον τῶν μεγίστων καὶ καλλίστων ἀγαθῶν ἀποκαλοῦντασ ἐκεῖνον, οὐ πάνυ θαυμαστὸν ἦν· τοὺσ μὲν γὰρ παραγεγονότασ τῷ ἔργῳ λέγουσι μήτε θώρακα θέσθαι μήτε ἵππον ἐκχαλινῶσαι μήτε τραῦμα δήσασθαι πρότερον, ὡσ ἐπύθοντο τὴν ἐκείνου τελευτήν, ἀλλὰ μετὰ τῶν ὅπλων θερμοὺσ ἰόντασ ἐπὶ τὸν νεκρόν ὥσπερ αἰσθανόμενον, τὰ τῶν πολεμίων κύκλῳ περὶ τὸ σῶμα σωρεύειν λάφυρα, κεῖραι δὲ ἵππουσ, κείρασθαι δὲ καὶ αὐτούσ.

ἀπιόντασ δὲ πολλοὺσ ἐπὶ σκηνὰσ μήτε πῦρ ἀνάψαι μήτε δεῖπνον ἑλέσθαι, σιγὴν δὲ καὶ κατήφειαν εἶναι τοῦ στρατοπέδου παντόσ, ὥσπερ οὐ νενικηκότων ἐπιφανεστάτην νίκην καὶ μεγίστην, ἀλλ’ ἡττημένων ὑπὸ τοῦ τυράννου καὶ καταδεδουλωμένων, ἐκ δὲ τῶν πόλεων, ὡσ ἀπηγγέλθη ταῦτα, παρῆσαν αἵ τε ἀρχαὶ καὶ μετ’ αὑτῶν ἔφηβοι καὶ παῖδεσ καὶ ἱερεῖσ πρὸσ τὴν ὑποδοχὴν τοῦ σώματοσ, τρόπαια καὶ στεφάνουσ καὶ πανοπλίασ χρυσᾶσ ἐπιφέροντεσ.

ὡσ δὲ ἔμελλεν ἐκκομίζεσθαι τὸ σῶμα, προσελθόντεσ οἱ πρεσβύτατοι τῶν Θεσσαλῶν ᾐτοῦντο τοὺσ Θηβαίουσ δι’ αὑτῶν θάψαι τὸν νεκρόν.

εἷσ δὲ αὑτῶν ἔλεγεν· "ἄνδρεσ σύμμαχοι, χάριν αἰτοῦμεν παρ’ ὑμῶν κόσμον ἡμῖν ἐπὶ ἀτυχίᾳ τοσαύτῃ καὶ παραμυθίαν φέρουσαν. "οὐ γὰρ ζῶντα Θεσσαλοὶ Πελοπίδαν προπέμψουσιν, οὐδὲ αἰσθανομένῳ τὰσ ἀξίασ τιμὰσ ἀποδώσουσιν, ἀλλ’ ἐὰν ψαῦσαί τε τοῦ νεκροῦ τύχωμεν καὶ δι’ αὑτῶν κοσμῆσαι καὶ θάψαι τὸ σῶμα, δόξομεν ὑμῖν οὐκ ἀπιστεῖν ὅτι μείζων ἡ συμφορὰ γέγονε Θετταλοῖσ ἢ Θηβαίοισ· "ὑμῖν μὲν γὰρ ἡγεμόνοσ ἀγαθοῦ μόνον, ἡμῖν δὲ καὶ τούτου καὶ τῆσ ἐλευθερίασ στέρεσθαι συμβέβηκε. "πῶσ γὰρ ἔτι τολμήσομεν αἰτῆσαι στρατηγὸν ἄλλον παρ’ ὑμῶν οὐκ ἀποδόντεσ Πελοπίδαν; ταῦτα μὲν οἱ Θηβαῖοι συνεχώρησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 33

(플루타르코스, Pelopidas, chapter 33)

상위

목록

SEARCH

MENU NAVIGATION