헬라어 문장 검색 - Πλυταρ́Πελοπιδ́29́

(플루타르코스, Pelopidas, chapter 29)

ἐπεὶ δὲ οἱ στρατηγοὶ τῶν Θηβαίων εἰσ τὴν Θετταλίαν ἐμβαλόντεσ ἔπραξαν οὐδέν, ἀλλὰ δι’ ἀπειρίαν ἢ δυστυχίαν αἰσχρῶσ ἀνεχώρησαν, ἐκείνων μὲν ἕκαστον ἡ πόλισ μυρίαισ δραχμαῖσ ἐζημίωσεν, Ἐπαμεινώνδαν δὲ μετὰ δυνάμεωσ ἀπέστειλεν. εὐθὺσ οὖν κίνησίσ τισ μεγάλη Θετταλῶν ἦν ἐπαιρομένων πρὸσ τὴν δόξαν τοῦ στρατηγοῦ, καὶ τὰ πράγματα τοῦ τυράννου ῥοπῆσ ἐδεῖτο μικρᾶσ ἀπολωλέναι·

πυνθανόμενοσ τὴν ὠμότητα καὶ τὴν ὀλιγωρίαν τῶν καλῶν καὶ δικαίων, ὡσ ζῶντασ μὲν ἀνθρώπουσ κατώρυττεν, ἑτέροισ δὲ δέρματα συῶν ἀγρίων καὶ ἄρκτων περιτιθεὶσ καὶ τοὺσ θηρατικοὺσ ἐπάγων κύνασ καὶ διέσπα καὶ κατηκόντιζε, παιδιᾷ ταύτῃ χρώμενοσ, Μελιβοίᾳ δὲ καὶ Σκοτούσῃ, πόλεσιν ἐνσπόνδοισ καὶ φίλαισ, ἐκκλησιαζούσαισ περιστήσασ ἅμα τοὺσ δορυφόρουσ ἡβηδὸν ἀπέσφαξε, τὴν δὲ λόγχην ᾗ Πολύφρονα τὸν θεῖον ἀπέκτεινε καθιερώσασ καὶ καταστέψασ, ἔθυεν ὥσπερ θεῷ καὶ Τύχωνα προσηγόρευε.

τραγῳδὸν δέ ποτε θεώμενοσ Εὐριπίδου Τρῳάδασ ὑποκρινόμενον ᾤχετο ἀπιὼν ἐκ τοῦ θεάτρου, καὶ πέμψασ πρὸσ αὐτὸν ἐκέλευε θαρρεῖν καὶ μηδὲν ἀγωνίζεσθαι διὰ τοῦτο χεῖρον, οὐ γὰρ ἐκείνου καταφρονῶν ἀπελθεῖν, ἀλλ’ αἰσχυνόμενοσ τοὺσ πολίτασ, εἰ μηδένα πώποτε τῶν ὑπ’ αὐτοῦ φονευομένων ἠλεηκώσ, ἐπὶ τοῖσ Ἑκάβησ καὶ Ἀνδρομάχησ κακοῖσ ὀφθήσεται δακρύων.

οὗτοσ μέντοι τὴν δόξαν αὐτὴν καὶ τοὔνομα καὶ τὸ πρόσχημα τῆσ Ἐπαμεινώνδου στρατηγίασ καταπλαγείσ, ἔπτηξ’ ἀλέκτωρ δοῦλοσ ὣσ κλίνασ πτερόν, καὶ τοὺσ ἀπολογησομένουσ ταχὺ πρὸσ αὐτὸν ἔπεμπεν.

ὁ δὲ συνθέσθαι μὲν εἰρήνην καὶ φιλίαν πρὸσ τοιοῦτον ἄνδρα Θηβαίοισ οὐχ ὑπέμεινε, σπεισάμενοσ δέ τριακονθημέρουσ ἀνοχὰσ τοῦ πολέμου καὶ λαβὼν τὸν Πελοπίδαν καὶ τὸν Ἰσμηνίαν ἀνεχώρησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 29

(플루타르코스, Pelopidas, chapter 29)

상위

목록

SEARCH

MENU NAVIGATION