헬라어 문장 검색 - Πλυταρ́Πελοπιδ́24́

(플루타르코스, Pelopidas, chapter 24)

εἰσ μέντοι Πελοπόννησον ἀμφότεροι βοιωταρχοῦντεσ ἐνέβαλον καὶ τῶν ἐθνῶν τὰ πλεῖστα προσήγοντο, Λακεδαιμονίων ἀποστήσαντεσ Ἦλιν, Ἄργοσ, Ἀρκαδίαν σύμπασαν, αὐτῆσ τῆσ Λακωνικῆσ τὰ πλεῖστα, καίτοι χειμῶνοσ μὲν ἦσαν αἱ περὶ τροπὰσ ἀκμαί, μηνὸσ δὲ τοῦ τελευταίου φθίνοντοσ ὀλίγαι περιῆσαν ἡμέραι, καὶ τὴν ἀρχὴν ἔδει παραλαμβάνειν ἑτέρουσ εὐθὺσ ἱσταμένου τοῦ πρώτου μηνόσ, ἢ θνῄσκειν τοὺσ μὴ παραδιδόντασ. οἱ δὲ ἄλλοι βοιωτάρχαι καὶ τὸν νόμον δεδιότεσ τοῦτον καὶ τὸν χειμῶνα φεύγοντεσ ἀπάγειν ἔσπευδον ἐπ’ οἴκου τὸ στράτευμα, Πελοπίδασ δὲ πρῶτοσ Ἐπαμεινώνδᾳ γενόμενοσ σύμψηφοσ καὶ συμπαρορμήσασ τοὺσ πολίτασ ἦγεν ἐπὶ τὴν Σπάρτην καὶ διεβίβαζε τὸν Εὐρώταν.

καὶ πολλὰσ μὲν ᾕρει πόλεισ αὐτῶν, πᾶσαν δὲ τὴν χώραν ἐπόρθει μέχρι θαλάττησ, ἡγούμενοσ ἑπτὰ μυριάδων Ἑλληνικῆσ στρατιᾶσ, ἧσ ἔλαττον ἢ δωδέκατον ἦσαν αὐτοὶ Θηβαῖοι μέροσ, ἀλλ’ ἡ δόξα τῶν ἀνδρῶν ἄνευ δόγματοσ κοινοῦ καὶ ψηφίσματοσ ἐποίει τοὺσ συμμάχουσ ἕπεσθαι σιωπῇ πάντασ ἡγουμένοισ ἐκείνοισ. ὁ γὰρ πρῶτοσ, ὡσ ἐοίκε, καὶ κυριώτατοσ νόμοσ τῷ σῴζεσθαι δεομένῳ τὸν σῴζειν δυνάμενον ἄρχοντα κατὰ φύσιν ἀποδίδωσι·

κἂν ὥσπερ οἱ πλέοντεσ εὐδίασ οὔσησ ἢ παρ’ ἀκτὴν ὁρμοῦντεσ ἀσελγῶσ προσενεχθῶσι τοῖσ κυβερνήταισ καὶ θρασέωσ, ἅμα τῷ χειμῶνα καὶ κίνδυνον καταλαμβάνειν πρὸσ ἐκείνουσ ἀποβλέπουσι καὶ τὰσ ἐλπίδασ ἐν ἐκείνοισ ἔχουσι. καὶ γὰρ Ἀργεῖοι καὶ Ἠλεῖοι καὶ Ἀρκάδεσ ἐν τοῖσ συνεδρίοισ ἐρίζοντεσ καὶ διαφερόμενοι πρὸσ τοὺσ Θηβαίουσ ὑπὲρ ἡγεμονίασ, ἐπ’ αὐτῶν τῶν ἀγώνων καὶ παρὰ τὰ δεινὰ τοῖσ ἐκείνων αὐθαιρέτωσ πειθόμενοι στρατηγοῖσ ἠκολούθουν.

ἐν ἐκείνῃ τῇ στρατείᾳ πᾶσαν μὲν Ἀρκαδίαν εἰσ μίαν δύναμιν συνέστησαν, τὴν δὲ Μεσσηνίαν χώραν νεμομένων Σπαρτιατῶν ἀποτεμόμενοι τοὺσ παλαιοὺσ Μεσσηνίουσ ἐκάλουν καὶ κατῆγον Ἰθώμην συνοικίσαντεσ, ἀπιόντεσ δὲ ἐπ’ οἴκου διὰ Κεγχρεῶν Ἀθηναίουσ ἐνίκων ἐπιχειροῦντασ ἁψιμαχεῖν περὶ τὰ στενὰ καὶ κωλύειν τὴν πορείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 24

(플루타르코스, Pelopidas, chapter 24)

상위

목록

SEARCH

MENU NAVIGATION