헬라어 문장 검색 - Πλυταρ́Πελοπιδ́02́

(플루타르코스, Pelopidas, chapter 2)

εἰ γὰρ, ὡσ Ἰφικράτησ διῄρει, χερσὶ μὲν ἐοίκασιν οἱ ψιλοί, ποσὶ δὲ τὸ ἱππικόν, αὐτὴ δὲ ἡ φάλαγξ στέρνῳ καὶ θώρακι, κεφαλῇ δὲ ὁ στρατηγόσ, οὐχ αὐτοῦ δόξειεν ἂν ἀποκινδυνεύων παραμελεῖν καὶ θρασυνόμενοσ, ἀλλ’ ἁπάντων, οἷσ ἡ σωτηρία γίνεται δι’ αὐτοῦ καὶ τοὐναντίον, ὅθεν ὁ Καλλικρατίδασ, καίπερ ὢν τἆλλα μέγασ, οὐκ εὖ πρὸσ τὸν μάντιν εἶπε· δεομένου γὰρ αὐτοῦ φυλάττεσθαι θάνατον, ὡσ τῶν ἱερῶν προδηλούντων, ἔφη μὴ παρ’· ἕνα εἶναι τὰν Σπάρταν. μαχόμενοσ γὰρ εἷσ ἦν καὶ πλέων καὶ στρατευόμενοσ ὁ Καλλικρατίδασ, στρατηγῶν δὲ τὴν ἁπάντων εἶχε συλλαβὼν ἐν αὑτῷ δύναμιν, ὥστε οὐκ ἦν εἷσ ᾧ τοσαῦτα συναπώλλυτο.

"πρὸσ πόσασ ἀντιστήσεισ; "ὡσ λίαν ᾐσχύνθην ὅτι μου πολιορκοῦντοσ Σάμον ἐγγὺσ ἔπεσε βέλοσ, ὡσ μειρακιωδέστερον ἐμαυτῷ χρώμενοσ ἢ κατὰ στρατηγοῦ καὶ ἡγεμόνα δυνάμεωσ τοσαύτησ.

ὅπου μὲν γὰρ εἷσ τὰ ὅλα μεγάλην φέρει ῥοπὴν ὁ τοῦ στρατηγοῦ κίνδυνοσ, ἐνταῦθα καὶ χειρὶ καὶ σώματι χρηστέον ἀφειδῶσ, χαίρειν φράσαντα τοῖσ λέγουσιν ὡσ χρὴ τὸν ἀγαθὸν στρατηγὸν μάλιστα μὲν ὑπὸ γήρωσ, εἰ δὲ μή, γέροντα θνῄσκειν ὅπου δὲ μικρὸν τὸ περιγινόμενον ἐκ τοῦ κατορθώματοσ, τὸ δὲ πᾶν συναπόλλυται σφαλέντοσ, οὐδεὶσ ἀπαιτεῖ στρατιώτου πρᾶξιν κινδύνῳ πραττομένην στρατηγοῦ.

ταῦτα δέ μοι παρέστη προαναφωνῆσαι γράφοντι τὸν Πελοπίδου βίον καὶ τὸν Μαρκέλλου, μεγάλων ἀνδρῶν παραλόγωσ πεσόντων, καὶ γὰρ χειρὶ χρῆσθαι μαχιμώτατοι γενόμενοι, καὶ στρατηγίαισ ἐπιφανεστάταισ κοσμήσαντεσ ἀμφότεροι τὰσ πατρίδασ, ἔτι δὲ τῶν βαρυτάτων ἀνταγωνιστῶν ὁ μὲν Ἀννίβαν ἀήττητον ὄντα πρῶτοσ, ὡσ λέγεται, τρεψάμενοσ, ὁ δὲ γῆσ καὶ θαλάττησ ἄρχοντασ Λακεδαιμονίουσ ἐκ παρατάξεωσ νικήσασ, ἠφείδησαν ἑαυτῶν, σὺν οὐδενὶ λογισμῷ προέμενοι τὸν βίον ὁπηνίκα μάλιστα τοιούτων καιρὸσ ἦν ἀνδρῶν σῳζομένων καὶ ἀρχόντων·

διόπερ ἡμεῖσ ἑπόμενοι ταῖσ ὁμοιότησι παραλλήλουσ ἀνεγράψαμεν αὐτῶν τοὺσ βίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 2

(플루타르코스, Pelopidas, chapter 2)

상위

목록

SEARCH

MENU NAVIGATION