헬라어 문장 검색 - Πλυταρ́Νιξιασ́27́

(플루타르코스, Νικίας, chapter 27)

οὐ μὴν ἀλλ’ ὅ γε Νικίασ ἐπειρᾶτο καὶ φωνῇ καὶ προσώπῳ καὶ δεξιώσει κρείττων ὁρᾶσθαι τῶν δεινῶν. καὶ παρὰ πᾶσάν γε τὴν πορείαν ἐφ’ ἡμέρασ ὀκτὼ βαλλόμενοσ καὶ τραυματιζόμενοσ ὑπὸ τῶν πολεμίων ἀήττητον ἐφύλαττε τὴν σὺν αὐτῷ δύναμιν, ἄχρι οὗ Δημοσθένησ ἑάλω καὶ τὸ μετ’ ἐκείνου στράτευμα, περὶ τὴν Πολυζήλειον αὐλὴν ἐν τῷ διαμάχεσθαι καὶ ὑπολείπεσθαι κυκλωθέν. αὐτὸσ δὲ Δημοσθένησ σπασάμενοσ τὸ ξίφοσ ἔπληξε μὲν ἑαυτόν, οὐ μὴν ἀπέθανε, ταχὺ τῶν πολεμίων περισχόντων καὶ συλλαβόντων αὐτόν.

ὡσ δὲ τῷ Νικίᾳ προσελάσαντεσ ἔφραζον οἱ Συρακούσιοι καὶ πέμψασ ἱππέασ ἔγνω τὴν ἐκείνου τοῦ στρατεύματοσ ἅλωσιν, ἠξίου σπείσασθαι πρὸσ τὸν Γύλιππον, ὅπωσ ἀφῶσι τοὺσ Ἀθηναίουσ ἐκ Σικελίασ ὅμηρα λαβόντεσ ὑπὲρ τῶν χρημάτων ὅσα Συρακουσίοισ ἀνάλωτο πρὸσ τὸν πόλεμον. οἱ δ’ οὐ προσεῖχον, ἀλλὰ πρὸσ ὕβριν καὶ μετ’ ὀργῆσ ἀπειλοῦντεσ καὶ λοιδοροῦντεσ ἔβαλλον ἤδη πάντων ἐνδεῶσ ἔχοντα τῶν ἀναγκαίων. οὐ μὴν ἀλλὰ καὶ τὴν νύκτα διεκαρτέρησε καὶ τὴν ἐπιοῦσαν ἡμέραν προῄει βαλλόμενοσ πρὸσ τὸν Ἀσίναρον ποταμόν.

ἐκεῖ δὲ τοὺσ μὲν οἱ πολέμιοι συνενεγκόντεσ ἐνέσεισαν εἰσ τὸ ῥεῖθρον, οἱ δὲ φθάνοντεσ ὑπὸ δίψουσ ἔρριπτον ἑαυτούσ· καὶ πλεῖστοσ ἐνταῦθα μόροσ ἦν καὶ ὠμότατοσ ἐν τῷ ποταμῷ πινόντων ἅμα καὶ σφαττομένων, ἄχρι Νικίασ Γυλίππῳ προσπεσὼν εἶπεν·

"ἔλεοσ ὑμᾶσ, ὦ Γύλιππε, λαβέτω νικῶντασ, ἐμοῦ μὲν μηδείσ, ὃσ ἐπὶ τηλικαύταισ εὐτυχίαισ ὄνομα καὶ δόξαν ἔσχον, τῶν δ’ ἄλλων Ἀθηναίων, ἐννοηθέντασ ὅτι κοιναὶ μὲν αἱ τύχαι τοῦ πολέμου, μετρίωσ δ’ αὐταῖσ καὶ πρᾴωσ ἐχρήσαντο ἐν οἷσ εὐτύχουν Ἀθηναῖοι πρὸσ ὑμᾶσ. τοιαῦτα τοῦ Νικίου λέγοντοσ ἔπαθε μέν τι καὶ πρὸσ τὴν ὄψιν αὐτοῦ καὶ πρὸσ τοὺσ λόγουσ ὁ Γύλιπποσ·

ᾔδει γὰρ τοὺσ Λακεδαιμονίουσ εὖ πεπονθότασ ὑπ’ αὐτοῦ περὶ τὰσ γενομένασ διαλύσεισ· μέγα δ’ ἡγεῖτο πρὸσ δόξαν εἰ ζῶντασ ἀπαγάγοι τοὺσ ἀντιστρατήγουσ. διὸ τόν τε Νικίαν ἀναλαβὼν ἐθάρρυνε καὶ τοὺσ ἄλλουσ ζωγρεῖν παρήγγειλε. βραδέωσ δὲ τοῦ παραγγέλματοσ διϊκνουμένου πολλῷ τῶν φονευθέντων ἐλάττονεσ οἱ διασωθέντεσ ἐγένοντο· καίτοι πολλοὶ διεκλάπησαν ὑπὸ τῶν στρατιωτῶν. τοὺσ δὲ φανερῶσ ἑαλωκότασ ἀθροίσαντεσ τὰ μὲν κάλλιστα καὶ μέγιστα δένδρα τῶν περὶ τὸν ποταμὸν ἀνέδησαν αἰχμαλώτοισ πανοπλίαισ, ἐστεφανωμένοι δὲ αὐτοὶ καὶ κοσμήσαντεσ τοὺσ ἵππουσ διαπρεπῶσ, κείραντεσ δὲ τοὺσ τῶν πολεμίων εἰσήλαυνον εἰσ τὴν πόλιν, ἀγῶνα λαμπρότατον ὧν Ἕλληνεσ πρὸσ Ἕλληνασ ἠγωνίσαντο καὶ νίκην τελεωτάτην κράτει πλείστῳ καὶ ῥώμῃ μεγίστῃ προθυμίασ καὶ ἀρετῆσ κατωρθωκότεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 27

(플루타르코스, Νικίας, chapter 27)

상위

목록

SEARCH

MENU NAVIGATION