헬라어 문장 검색 - Πλυταρ́Νιξιασ́20́

(플루타르코스, Νικίας, chapter 20)

οἱ δ’ Ἀθηναῖοι καὶ πρότερον μὲν ὡρ́μηντο πέμπειν ἑτέραν δύναμιν εἰσ Σικελίαν, φθόνῳ δὲ τῶν πρῶτον πραττομένων πρὸσ εὐτυχίαν τοῦ Νικίου τοσαύτην πολλὰσ διατριβὰσ ἐμβαλόντων τότε γοῦν ἔσπευδον βοηθεῖν. καὶ Δημοσθένησ μὲν ἔμελλε μεγάλῳ στόλῳ πλεῖν ἐκ χειμῶνοσ, Εὐρυμέδων δὲ διὰ χειμῶνοσ προεξέπλευσε χρήματα κομίζων καὶ συστρατήγουσ ἀποφαίνων ᾑρημένουσ τῷ Νικίᾳ τῶν αὐτόθι στρατευομένων Εὐθύδημον καὶ Μένανδρον. ἐν τούτῳ δὲ καὶ κατὰ γῆν καὶ κατὰ θάλατταν ἐξαίφνησ ἐπιχειρούμενοσ ὁ Νικίασ ταῖσ μὲν ναυσὶν ἡττώμενοσ τὸ πρῶτον ὅμωσ ἐξέωσε καὶ κατέδυσε πολλὰσ τῶν πολεμίων, πρὸσ δὲ τὸ πεζὸν οὐκ ἔφθασε βοηθῶν, ἀλλ’ ἄφνω προσπεσὼν ὁ Γύλιπποσ εἷλε τὸ Πλημμύριον, ἐν ᾧ σκευῶν τριηρικῶν καὶ χρημάτων πολλῶν ἀποκειμένων ἐκράτησε πάντων καὶ διέφθειρεν ἄνδρασ οὐκ ὀλίγουσ καὶ ζῶντασ ἔλαβε·

τὸ δὲ μέγιστον, ἀφείλετο τοῦ Νικίου τῆσ ἀγορᾶσ τὴν εὐπέτειαν. ἦν γὰρ ἡ κομιδὴ παρὰ τὸ Πλημμύριον ἀσφαλὴσ καὶ ταχεῖα τῶν Ἀθηναίων κρατούντων, ἐκπεσόντων δὲ χαλεπὴ καὶ μετὰ μάχησ ἐγίνετο πρὸσ τοὺσ πολεμίουσ ἐκεῖ ναυλοχοῦντασ.

ἔτι δὲ καὶ τὸ ναυτικὸν τοῖσ Συρακουσίοισ οὐκ ἀπὸ κράτουσ ἐφαίνετο νενικημένον, ἀλλ’ ἀταξίᾳ περὶ τὴν δίωξιν. αὖθισ οὖν ἐπεχείρουν παρασκευαζόμενοι λαμπρότερον. ὁ δὲ Νικίασ οὐκ ἐβούλετο ναυμαχεῖν, ἀλλὰ πολλὴν ἀβελτερίαν ἔλεγεν εἶναι, στόλου τοσούτου προσπλέοντοσ αὐτοῖσ καὶ δυνάμεωσ ἀκραιφνοῦσ, ἣν ἦγε Δημοσθένησ σπεύδων, ἀπ’ ἐλαττόνων καὶ χορηγουμένων φαύλωσ διαγωνίσασθαι.

τοῖσ δὲ περὶ τὸν Μένανδρον καὶ τὸν Εὐθύδημον ἀρτίωσ εἰσ τὴν ἀρχὴν καθισταμένοισ φιλοτιμία καὶ ζῆλοσ ἦν πρὸσ ἀμφοτέρουσ τοὺσ στρατηγούσ, τὸν μὲν Δημοσθένην φθῆναι πράξαντάσ τι λαμπρόν, ὑπερβαλέσθαι δὲ τὸν Νικίαν. πρόσχημα δ’ ἦν ἡ δόξα τῆσ πόλεωσ, ἣν ἀπόλλυσθαι καὶ καταλύεσθαι παντάπασι φάσκοντεσ εἰ φοβηθήσονται Συρακουσίουσ ἐπιπλέοντασ, ἐξεβιάσαντο ναυμαχῆσαι.

καὶ καταστρατηγηθέντεσ ὑπ’ Ἀρίστωνοσ τοῦ Κορινθίων κυβερνήτου τοῖσ περὶ τὸ ἄριστον, ὡσ εἴρηκε Θουκυδίδησ, κατὰ κράτοσ ἡττήθησαν καὶ πολλοὺσ ἀπέβαλον· καὶ ἀθυμία πολλὴ περιεστήκει τὸν Νικίαν τῇ τε μοναρχίᾳ κακοπαθοῦντα καὶ σφαλλόμενον αὖθισ ὑπὸ τῶν συναρχόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Νικίας, chapter 20

(플루타르코스, Νικίας, chapter 20)

상위

목록

SEARCH

MENU NAVIGATION