헬라어 문장 검색 - Πλυταρ́Νιξιασ́14́

(플루타르코스, Νικίας, chapter 14)

τὸ μὲν οὖν ἐναντιωθῆναι ψηφιζομένῃ τῇ στρατείᾳ τὸν Νικίαν, καὶ μήθ’ ὑπ’ ἐλπίδων ἐπαρθέντα μήτε πρὸσ τὸ τῆσ ἀρχῆσ μέγεθοσ ἐκπλαγέντα μεταθέσθαι τὴν γνώμην, ἀνδρὸσ ἦν χρηστοῦ καὶ σώφρονοσ· οὐδεὶσ ἔτι καιρὸσ ἦν τῆσ πολλῆσ εὐλαβείασ καὶ μελλήσεωσ, ὥστε παιδὸσ δίκην ἀπὸ τῆσ νεὼσ ὀπίσω βλέποντα καὶ τὸ μὴ κρατηθῆναι τοῖσ λογισμοῖσ ἀναλαμβάνοντα καὶ στρέφοντα πολλάκισ ἐναμβλῦναι καὶ τοὺσ συνάρχοντασ αὐτῷ καὶ τὴν ἀκμὴν διαφθεῖραι τῶν πράξεων, ἀλλ’ εὐθὺσ ἔδει τοῖσ πολεμίοισ ἐμφύντα καὶ προσκείμενον ἐλέγχειν τὴν τύχην ἐπὶ τῶν ἀγώνων.

ὁ δέ, Λαμάχου μὲν ἄντικρυσ ἀξιοῦντοσ πλεῖν ἐπὶ Συρακούσασ καὶ μάχην ἔγγιστα τῆσ πόλεωσ τιθέναι, Ἀλκιβιάδου δὲ τὰσ πόλεισ ἀφιστάναι Συρακουσίων, εἶθ’ οὕτωσ ἐπ’ αὐτοὺσ βαδίζειν, τὰ ἐναντία λέγων καὶ κελεύων ἀτρέμα παρὰ τὴν Σικελίαν κομιζομένουσ καὶ περιπλέοντασ ἐπιδείξασθαι τὰ ὅπλα καὶ τὰσ τριήρεισ, εἶτ’ ἀποπλεῖν Ἀθήναζε μικρὸν τῆσ δυνάμεωσ Αἰγεστεῦσιν ἀπαρξαμένουσ, αὐτίκα τε τὴν γνώμην ὑπεξέλυσε καὶ κατέβαλε τὸ φρόνημα τῶν ἀνδρῶν.

καὶ μετ’ ὀλίγον χρόνον Ἀλκιβιάδην Ἀθηναίων μεταπεμψαμένων εἰσ κρίσιν, λόγῳ μὲν ἀποδειχθεὶσ δεύτεροσ ἡγεμών, δυνάμει δὲ μόνοσ ὤν, οὐκ ἐπαύσατο καθήμενοσ ἢ περιπλέων ἢ βουλευόμενοσ, πρὶν ἐγγηρᾶσαι μὲν αὐτῷ τὴν ἀκμὴν τῆσ ἐλπίδοσ, ἐκρυῆναι δὲ τῶν πολεμίων τὸ θάμβοσ καὶ τὸν φόβον ὃν ἡ πρώτη παρέθηκεν αὐτοῖσ ὄψισ τῶν δυνάμεων.

ἔτι δὲ τοῦ Ἀλκιβιάδου παρόντοσ ἑξήκοντα ναυσὶ πλεύσαντεσ ἐπὶ Συρακούσασ, τὰσ μὲν ἄλλασ ἀνεῖχον ὑπὲρ τοῦ λιμένοσ ἔξω παρατάξαντεσ, δέκα δὲ κατήλαυνον εἴσω κατασκοπῆσ εἵνεκα·

καὶ Λεοντίνουσ ἐπὶ τὴν οἰκείαν ἀποκαλοῦσαι διὰ κήρυκοσ, αὗται λαμβάνουσι ναῦν πολεμίαν σανίδασ κομίζουσαν, εἰσ ἃσ ἀπεγράφοντο κατὰ φυλὰσ αὑτοὺσ οἱ Συρακούσιοι· κείμεναι δ’ ἄπωθεν τῆσ πόλεωσ ἐν ἱερῷ Διὸσ Ὀλυμπίου τότε πρὸσ ἐξέτασιν καὶ κατάλογον τῶν ἐν ἡλικίᾳ μετεπέμφθησαν. ὡσ οὖν ὑπὸ τῶν Ἀθηναίων ἁλοῦσαι πρὸσ τοὺσ στρατηγοὺσ ἐκομίσθησαν καὶ τὸ πλῆθοσ ὤφθη τῶν ὀνομάτων, ἠχθέσθησαν οἱ μάντεισ μή ποτε ἄρα τὸ χρεὼν ἐνταῦθα τοῦ χρησμοῦ περαίνοι, λέγοντοσ ὡσ Ἀθηναῖοι λήψονται Συρακουσίουσ ἅπαντασ.

οὐ μὴν ἀλλ’ ἑτέρῳ φασιν ἔργῳ τοῦτο τοῖσ Ἀθηναίοισ γενέσθαι ἐπιτελὲσ καθ’ ὃν χρόνον ἀποκτείνασ Δίωνα Κάλλιπποσ ὁ Ἀθηναῖοσ ἔσχε Συρακούσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 14

(플루타르코스, Νικίας, chapter 14)

상위

목록

SEARCH

MENU NAVIGATION