헬라어 문장 검색 - Πλυταρ́Νιξιασ́09́

(플루타르코스, Νικίας, chapter 9)

ἤδη δέ που καὶ Ἀλκιβιάδησ ἐνεφύετο τηνικαῦτα τοῖσ Ἀθηναίοισ δημαγωγὸσ οὐχ ὁμοίωσ ἄκρατοσ, ἀλλ’ οἱο͂ν ἡ Αἰγυπτίων χώρα λέγεται δι’ ἀρετὴν ἐκφέρειν ὁμοῦ φάρμακα πολλὰ μὲν ἐσθλὰ μεμιγμένα, πολλὰ δὲ λυγρά, οὕτωσ ἡ Ἀλκιβιάδου φύσισ ἐπ’ ἀμφότερα πολλὴ ῥυεῖσα καὶ λαμπρά, μεγάλων ἐνέδωκεν ἀρχὰσ νεωτερισμῶν. ὅθεν οὐδ’ ἀπαλλαγεὶσ τοῦ Κλέωνοσ ὁ Νικίασ καιρὸν ἔσχε παντάπασιν ἀναπαῦσαι καὶ καταστορέσαι τὴν πόλιν, ἀλλ’ εἰσ ὁδὸν τὰ πράγματα σωτήριον καταστήσασ ἐξέπεσε, ῥύμῃ καὶ σφοδρότητι τῆσ Ἀλκιβιάδου φιλοτιμίασ αὖθισ ἐξωσθεὶσ εἰσ τὸν πόλεμον.

ἐπράχθη δὲ οὕτωσ. οἱ μάλιστα προσπολεμοῦντεσ τῇ εἰρήνῃ τῆσ Ἑλλάδοσ Κλέων καὶ Βρασίδασ ἦσαν, ὧν ὁ πόλεμοσ τοῦ μὲν ἀπέκρυπτε τὴν κακίαν, τοῦ δὲ τὴν ἀρετὴν ἐκόσμει. τῷ μὲν γὰρ ἀδικημάτων μεγάλων, τῷ δὲ κατορθωμάτων ἀφορμὰσ παρεῖχε. τούτων οὖν ἅμα πεσόντων ἐν μάχῃ μιᾷ περὶ Ἀμφίπολιν, εὐθὺσ ὁ Νικίασ παραλαβὼν τοὺσ μὲν Σπαρτιάτασ ἔκπαλαι τῆσ εἰρήνησ ὀρεγομένουσ, τοὺσ δ’ Ἀθηναίουσ οὐκέτι τῷ πολέμῳ θαρροῦντασ, ἀμφοτέρουσ δ’ οἱο͂ν ἐκλελυμένουσ καὶ παρακαθιέντασ ἑκουσίωσ τὰσ χεῖρασ, ἔπραττεν ὅπωσ εἰσ φιλίαν τὰσ πόλεισ συναγαγὼν καὶ τοὺσ ἄλλουσ Ἕλληνασ ἀπαλλάξασ κακῶν καὶ ἀναπαυσάμενοσ, βέβαιον οὕτω τὸ τῆσ εὐτυχίασ ὄνομα πρὸσ τὸν αὖθισ χρόνον ποιοῖτο.

τοὺσ μὲν οὖν εὐπόρουσ καὶ πρεσβυτέρουσ καὶ τῶν γεωργῶν τὸ πλῆθοσ αὐτόθεν εἰρηνικὸν εἶχεν·

ἐπεὶ δὲ καὶ τῶν ἄλλων πολλοῖσ ἐντυγχάνων ἰδίᾳ καὶ διδάσκων ἀμβλυτέρουσ ἐποίησε πρὸσ τὸν πόλεμον, οὕτωσ ἤδη τοῖσ Σπαρτιάταισ ἐλπίδασ ἐνδιδοὺσ προεκαλεῖτο καὶ προὔτρεπεν ἔχεσθαι τῆσ εἰρήνησ. οἱ δ’ ἐπίστευον αὐτῷ διά τε τὴν ἄλλην ἐπιείκειαν, καὶ ὅτι τοῖσ ἡλωκόσι περὶ Πύλον καὶ δεδεμένοισ ἐπιμελόμενοσ καὶ περιέπων φιλανθρώπωσ ἐλαφροτέραν ἐποίει τὴν ἀτυχίαν. ἦσαν οὖν πρότερον πεποιημένοι τινὰ πρὸσ ἀλλήλουσ ἐκεχειρίαν ἐνιαύσιον, ἐν ᾗ συνιόντεσ εἰσ ταὐτὸ καὶ γευόμενοι πάλιν ἀδείασ καὶ σχολῆσ καὶ πρὸσ ξένουσ καὶ οἰκείουσ ἐπιμιξίασ, ἐπόθουν τὸν ἀμίαντον καὶ ἀπόλεμον βίον, ἡδέωσ μὲν ᾀδόντων τὰ τοιαῦτα χορῶν ἀκούοντεσ·

κείσθω δόρυ μοι μίτον ἀμφιπλέκειν ἀράχναισ· ἡδέωσ δὲ μεμνημένοι τοῦ εἰπόντοσ ὅτι τοὺσ ἐν εἰρήνῃ καθεύδοντασ οὐ σάλπιγγεσ, ἀλλ’ ἀλεκτρυόνεσ ἀφυπνίζουσι. λοιδοροῦντεσ οὖν καὶ προβαλλόμενοι τοὺσ λέγοντασ ὡσ τρὶσ ἐννέα ἔτη διαπολεμηθῆναι πέπρωται τὸν πόλεμον, ἔπειθ’ οὕτω περὶ παντὸσ εἰσ λόγουσ συμβαίνοντεσ ἐποιήσαντο τὴν εἰρήνην, δόξα τε παρέστη τοῖσ πλείστοισ ἀπαλλαγὴν κακῶν σαφῆ γεγονέναι, καὶ τὸν Νικίαν διὰ στόματοσ εἶχον, ὡσ ἀνὴρ εἰή θεοφιλὴσ καὶ τὸ δαιμόνιον αὐτῷ δι’ εὐσέβειαν ἐπωνύμῳ γενέσθαι τοῦ μεγίστου καὶ καλλίστου τῶν ἀγαθῶν δέδωκε·

τῷ γὰρ ὄντι Νικίου τὴν εἰρήνην ἐνόμιζον ἔργον, ὡσ Περικλέουσ τὸν πόλεμον.

ὁ μὲν γὰρ ἐπ’ αἰτίαισ μικραῖσ εἰσ συμφορὰσ μεγάλασ ἐμβαλεῖν ἐδόκει τοὺσ Ἕλληνασ, ὁ δὲ τῶν μεγίστων κακῶν ἔπεισεν ἐκλαθέσθαι φίλουσ γενομένουσ. διὸ καὶ τὴν εἰρήνην ἐκείνην ἄχρι νῦν Νικίειον καλοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 9

(플루타르코스, Νικίας, chapter 9)

상위

목록

SEARCH

MENU NAVIGATION