헬라어 문장 검색 - Πλυταρ́Νιξιασ́07́

(플루타르코스, Νικίας, chapter 7)

ἐπεὶ δὲ Δημοσθένουσ Πύλον τειχίσαντοσ ἐπεστράτευσαν ἅμα πεζῷ καὶ ναυσὶ Πελοποννήσιοι, καὶ μάχησ γενομένησ ἀπελήφθησαν ἐν τῇ Σφακτηρίᾳ νήσῳ Σπαρτιατῶν ἄνδρεσ ἀμφὶ τοὺσ τετρακοσίουσ, μέγα μέν, ὥσπερ ἦν, ἡγούμενοι τὸ λαβεῖν αὐτοὺσ Ἀθηναῖοι, χαλεπῆσ δὲ καὶ δυσέργου τῆσ πολιορκίασ οὔσησ ἐν χωρίοισ ἀνύδροισ, καὶ θέρουσ μὲν μακρὰν καὶ πολυτελῆ τὴν περιαγωγὴν τῶν ἐπιτηδείων ἐχούσησ, σφαλερὰν δὲ χειμῶνοσ καὶ παντελῶσ ἄπορον, ἤχθοντο καὶ μετεμέλοντο πρεσβείαν Λακεδαιμονίων ἀπωσάμενοι περὶ σπονδῶν καὶ εἰρήνησ ἀφικομένην πρὸσ αὐτούσ. ἀπεώσαντο δὲ Κλέωνοσ ἐναντιωθέντοσ οὐχ ἥκιστα διὰ Νικίαν·

ἐχθρὸσ γὰρ ὢν αὐτοῦ, καὶ προθύμωσ ὁρῶν συμπράττοντα τοῖσ Λακεδαιμονίοισ, ἔπεισε τὸν δῆμον ἀποψηφίσασθαι τὰσ σπονδάσ. ὡσ οὖν ἥ τε πολιορκία μῆκοσ ἐλάμβανε καὶ δεινὰσ ἀπορίασ ἐπυνθάνοντο περιεστάναι τὸ στρατόπεδον, δι’ ὀργῆσ εἶχον τὸν Κλέωνα. τοῦ δ’ εἰσ τὸν Νικίαν ἐκτρέποντοσ τὴν αἰτίαν, καὶ κατηγοροῦντοσ ὅτι δειλία καὶ μαλακίᾳ προί̈εται τοὺσ ἄνδρασ, ὡσ αὐτοῦ γε στρατηγοῦντοσ οὐκ ἂν περιγενομένουσ χρόνον τοσοῦτον, τοῖσ Ἀθηναίοισ εἰπεῖν παρέστη·

"τί δ’ οὐχὶ καὶ νῦν αὐτὸσ σὺ πλεῖσ ἐπὶ τοὺσ ἄνδρασ; ὅ τε Νικίασ ἀναστὰσ ἐξίστατο τῆσ ἐπὶ Πύλον στρατηγίασ αὐτῷ, καὶ λαμβάνειν ὁπόσην βούλεται δύναμιν ἐκέλευσε, καὶ μὴ θρασύνεσθαι λόγοισ ἀκινδύνοισ, ἀλλ’ ἔργον τι τῇ πόλει παρασχεῖν ἄξιον σπουδῆσ. ὁ δὲ τὸ μὲν πρῶτον ἀνεδύετο, τῷ μὴ προσδοκῆσαι τοῦτο θορυβούμενοσ·

ἐγκελευομένων δὲ ταὐτὰ τῶν Ἀθηναίων καὶ τοῦ Νικίου καταβοῶντοσ, ἐξαρθεὶσ καὶ ἀναφλεχθεὶσ τὸ φιλότιμον ὑπεδέξατό τε τὴν στρατηγίαν, καὶ προσδιωρίσατο πλεύσασ ἐντὸσ ἡμερῶν εἴκοσιν ἢ κατακτενεῖν ἐκεῖ τοὺσ ἄνδρασ ἢ ζῶντασ ἄξειν Ἀθήναζε. τοῖσ δ’ Ἀθηναίοισ ἐπῆλθε γελάσαι μέγα μᾶλλον ἢ πιστεῦσαι· καὶ γὰρ ἄλλωσ εἰώθεσαν αὐτοῦ τὴν κουφότητα καὶ μανίαν φέρειν μετὰ παιδιᾶσ οὐκ ἀηδῶσ. λέγεται γὰρ ἐκκλησίασ ποτὲ οὔσησ τὸν μὲν δῆμον καθήμενον ἄνω περιμένειν πολὺν χρόνον, ὀψὲ δ’ εἰσελθεῖν ἐκεῖνον ἐστεφανωμένον καὶ παρακαλεῖν ὑπερθέσθαι τὴν ἐκκλησίαν εἰσ αὔριον·

"σήμερον, ἑστιᾶν μέλλων ξένουσ καὶ τεθυκὼσ τοῖσ θεοῖσ. τοὺσ δ’ Ἀθηναίουσ γελάσαντασ ἀναστῆναι καὶ διαλῦσαι τὴν ἐκκλησίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 7

(플루타르코스, Νικίας, chapter 7)

상위

목록

SEARCH

MENU NAVIGATION