Plutarch, Νικίας, chapter 6

(플루타르코스, Νικίας, chapter 6)

ὃσ εὐθύνασ διδοὺσ τῆσ στρατηγίασ ἐν αὐτῷ τῷ δικαστηρίῳ στασάμενοσ ξίφοσ ἀνεῖλεν ἑαυτόν, τὰσ μὲν ἐργώδεισ πάνυ καὶ μακρὰσ ἐπειρᾶτο διακρούεσθαι στρατηγίασ, ὅπου δ’ αὐτὸσ στρατεύοιτο τῆσ ἀσφαλείασ ἐχόμενοσ καὶ τὰ πλεῖστα κατορθῶν, ὡσ εἰκόσ, εἰσ οὐδεμίαν αὑτοῦ σοφίαν ἢ δύναμιν ἢ ἀρετὴν ἀνέφερε τὰσ πράξεισ, ἀλλὰ παρεχώρει τῇ τύχῃ καὶ κατέφευγεν εἰσ τὸ θεῖον, τῷ φθόνῳ τῆσ δόξησ ὑφιέμενοσ. ἐπεμαρτύρει δὲ καὶ τὰ πράγματα·

πολλῶν γὰρ τότε προσκρουσμάτων τῇ πόλει καὶ μεγάλων γενομένων, οὐδενὸσ ἁπλῶσ ἐκεῖνοσ μετέσχεν, ἀλλὰ περὶ Θρᾴκην μὲν ἡττήθησαν ὑπὸ Χαλκιδέων Καλλιάδου τε καὶ Ξενοφῶντοσ στρατηγούντων, τὸ δ’ Αἰτωλικὸν πταῖσμα συνέβη Δημοσθένουσ ἄρχοντοσ, ἐν δὲ Δηλίῳ χιλίουσ αὑτῶν ἀπέβαλον Ἱπποκράτουσ ἡγουμένου, τοῦ δὲ λοιμοῦ τὴν πλείστην αἰτίαν ἔλαβε Περικλῆσ διὰ τὸν πόλεμον εἰσ τὸ ἄστυ κατακλείσασ τὸν ἀπὸ τῆσ χώρασ ὄχλον, ἐκ τῆσ μεταβολῆσ τῶν τόπων καὶ διαίτησ ἀήθουσ γενομένου. Νικίασ δὲ τούτων ἁπάντων ἀναίτιοσ ἔμεινε·

καὶ στρατηγῶν εἷλε μὲν Κύθηρα, νῆσον εὖ κατὰ τῆσ Λακωνικῆσ πεφυκυῖαν καὶ Λακεδαιμονίουσ ἔχουσαν οἰκήτορασ, ἔλαβε δὲ καὶ πολλὰ τῶν ἐπὶ Θρᾴκησ ἀφεστώτων καὶ προσηγάγετο, κατακλείσασ δὲ Μεγαρεῖσ εἰσ τὴν πόλιν εὐθὺσ μὲν ἔσχε Μίνῶαν τὴν νῆσον, ὀλίγῳ δ’ ὕστερον ἐκ ταύτησ ὁρμώμενοσ Νισαίασ ἐκράτησεν, εἰσ δὲ τὴν Κορινθίαν ἀποβὰσ ἐνίκησε μάχῃ καὶ διέφθειρε Κορινθίων πολλοὺσ καὶ Λυκόφρονα τὸν στρατηγόν. ἔθα δ’ αὐτῷ συνέβη τῶν οἰκείων δύο νεκροὺσ ἀπολιπεῖν διαλαθόντασ περὶ τὴν ἀναίρεσιν.

ὡσ οὖν τοῦτ’ ἔγνω, τάχιστα τὸν στόλον ἐπιστήσασ ἔπεμψε κήρυκα πρὸσ τοὺσ πολεμίουσ περὶ ἀναιρέσεωσ. καίτοι κατὰ νόμον τινὰ καὶ συνήθειαν ἐδόκουν οἱ νεκρῶν ὑποσπόνδων λαβόντεσ ἀναίρεσιν ἀπολέγεσθαι τὴν νίκην, καὶ τρόπαιον ἱστάναι τοὺσ τούτου τυχόντασ οὐκ ἔνθεσμον ἦν· νικᾶν γὰρ τοὺσ κρατοῦντασ, μὴ κρατεῖν δὲ τοὺσ αἰτοῦντασ, ὡσ λαβεῖν μὴ δυναμένουσ. ἀλλ’ ὅμωσ ἐκεῖνοσ ὑπέμεινε μᾶλλον προέσθαι τὸ νίκημα καὶ τὴν δόξαν ἢ καταλιπεῖν ἀτάφουσ δύο τῶν πολιτῶν.

πορθήσασ δὲ τὴν παραλίαν τῆσ Λακωνικῆσ καὶ τοὺσ ἀντιστάντασ Λακεδαιμονίων τρεψάμενοσ, εἷλε Θυρέαν Αἰγινητῶν ἐχόντων, καὶ τοὺσ αἱρεθέντασ ἀπήγαγε ζῶντασ εἰσ Ἀθήνασ.

SEARCH

MENU NAVIGATION