헬라어 문장 검색 - Πλυταρ́Νιξιασ́04́

(플루타르코스, Νικίας, chapter 4)

ὥσ φησι Θουκυδίδησ. ἐν δέ τινι τῶν Πασιφῶντοσ διαλόγων γέγραπται ὅτι καθ’ ἡμέραν ἔθυε τοῖσ θεοῖσ, καὶ μάντιν ἔχων ἐπὶ τῆσ οἰκίασ προσεποιεῖτο μὲν ἀεὶ σκέπτεσθαι περὶ τῶν δημοσίων, τὰ δὲ πλεῖστα περὶ τῶν ἰδίων καὶ μάλιστα περὶ τῶν ἀργυρείων μετάλλων·

ἐκέκτητο γὰρ ἐν τῇ Λαυρεωτικῇ πολλά, μεγάλα μὲν εἰσ πρόσοδον, οὐκ ἀκινδύνουσ δὲ τὰσ ἐργασίασ ἔχοντα· καὶ πλῆθοσ ἀνδραπόδων ἔτρεφεν αὐτόθι, καὶ τῆσ οὐσίασ ἐν ἀργυρίῳ τὸ πλεῖστον εἶχεν. ὅθεν οὐκ ὀλίγοι περὶ αὐτὸν ἦσαν αἰτοῦντεσ καὶ λαμβάνοντεσ.

ἐδίδου γὰρ οὐχ ἧττον τοῖσ κακῶσ ποιεῖν δυναμένοισ ἢ τοῖσ εὖ πάσχειν ἀξίοισ, καὶ ὅλωσ πρόσοδοσ ἦν αὐτοῦ τοῖσ τε πονηροῖσ ἡ δειλία καὶ τοῖσ χρηστοῖσ ἡ φιλανθρωπία. λαβεῖν δὲ περὶ τούτων μαρτυρίαν καὶ παρὰ τῶν κωμικῶν ἔστι. Τηλεκλείδησ μὲν γὰρ εἴσ τινα τῶν συκοφαντῶν ταυτὶ πεποίηκε·

Χαρικλέησ μὲν οὖν ἔδωκε μνᾶν, ἵν’ αὐτὸν μὴ λέγῃ ὡσ ἔφυ τῇ μητρὶ πάδων πρῶτοσ ἐκ βαλλαντίου· τέσσαρασ δὲ μνᾶσ ἔδωκε Νικίασ Νικηράτου· ὧν δ’ ἕκατι τοῦτ’ ἔδωκε, καίπερ εὖ εἰδὼσ ἐγὼ οὐκ ἐρῶ, φίλοσ γὰρ ἁνήρ, σωφρονεῖν δέ μοι δοκεῖ. ὁ δ’ ὑπ’ Εὐπόλιδοσ κωμῳδούμενοσ ἐν τῷ Μαρικᾷ παράγων τινὰ τῶν ἀπραγμόνων καὶ πενήτων λέγει·

πόσου χρόνου γὰρ συγγεγένησαι Νικίᾳ; οὐδ’ εἶδον, εἰ μὴ ἔναγχοσ ἑστῶτ’ ἐν ἀγορᾷ. ἁνὴρ ὁμολογεῖ Νικίαν ἑορακέναι. καίτοι τί μαθὼν ἂν εἶδεν, εἰ μὴ προὐδίδου; ἠκούσατ’, ὦ ξυνήλικεσ, ἐπ’ αὐτοφώρῳ Νικίαν εἰλημμένον. ὑμεῖσ γάρ, ὦ φρενοβλαβεῖσ, λάβοιτ’ ἂν ἄνδρ’ ἄριστον ἐν κακῷ τινι; ὁ δ’ Ἀριστοφάνουσ Κλέων ἀπειλῶν λέγει·

λαρυγγιῶ τοὺσ ῥήτορασ καὶ Νικίαν ταράξω. ὑποδηλοῖ δὲ καὶ Φρύνιχοσ τὸ ἀθαρσὲσ αὐτοῦ καὶ καταπεπληγμένον ἐν τούτοισ· ἦν γὰρ πολίτησ ἀγαθόσ, ὡσ εὖ οἶδ’ ἐγώ, κοὐχ ὑποταγεὶσ ἐβάδιζεν, ὥσπερ Νικίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 4

(플루타르코스, Νικίας, chapter 4)

상위

목록

SEARCH

MENU NAVIGATION