헬라어 문장 검색 - Πλυταρ́Νιξιασ́02́

(플루타르코스, Νικίας, chapter 2)

ἔνεστιν οὖν περὶ Νικίου πρῶτον εἰπεῖν ὃ γέγραφεν Ἀριστοτέλησ, ὅτι τρεῖσ ἐγένοντο βέλτιστοι τῶν πολιτῶν καὶ πατρικὴν ἔχοντεσ εὔνοιαν καὶ φιλίαν πρὸσ τὸν δῆμον, Νικίασ ὁ Νικηράτου καὶ Θουκυδίδησ ὁ Μελησίου καὶ Θηραμένησ ὁ Ἅγνωνοσ, ἧττον δὲ οὗτοσ ἢ ἐκεῖνοι· καὶ γὰρ εἰσ δυσγένειαν ὡσ ξένοσ ἐκ Κέω λελοιδόρηται, καὶ διὰ τὸ μὴ μόνιμον, ἀλλ’ ἐπαμφοτερίζον ἀεὶ τῇ προαιρέσει τῆσ πολιτείασ ἐπεκλήθη Κόθορνοσ. ἐκείνων δὲ πρεσβύτεροσ μὲν ὁ Θονκυδίδησ ἦν, καὶ πολλὰ καὶ Περικλεῖ δημαγωγοῦντι τῶν καλῶν καὶ ἀγαθῶν προϊστάμενοσ ἀντεπολιτεύσατο, νεώτεροσ δὲ Νικίασ γενόμενοσ ἦν μὲν ἔν τινι λόγῳ καὶ Περικλέουσ ζῶντοσ, ὥστε κἀκείνῳ συστρατηγῆσαι καὶ καθ’ αὑτὸν ἄρξαι πολλάκισ, Περικλέουσ δ’ ἀποθανόντοσ εὐθὺσ εἰσ τὸ πρωτεύειν προήχθη, μάλιστα μὲν ὑπὸ τῶν πλουσίων καὶ γνωρίμων, ἀντίταγμα ποιουμένων αὐτὸν πρὸσ τὴν Κλέωνοσ βδελυρίαν καὶ τόλμαν, οὐ μὴν ἀλλὰ καὶ τὸν δῆμον εἶχεν εὔνουν καὶ συμφιλοτιμούμενον.

ὅμωσ δὲ καὶ τὴν πλεονεξίαν αὐτοῦ καὶ τὴν ἰταμότητα καὶ τὸ θράσοσ ὁρῶντεσ αὐτοὶ οἷσ πρὸσ χάριν ἔπραττεν, οἱ πολλοὶ τὸν Νικίαν ἐπήγοντο.

καὶ γὰρ οὐκ ἦν αὐστηρὸν οὐδ’ ἐπαχθὲσ ἄγαν αὐτοῦ τὸ σεμνόν, ἀλλ’ εὐλαβείᾳ τινὶ μεμιγμένον αὐτῷ τῷ δεδιέναι δοκοῦντι τοὺσ πολλοὺσ δημαγωγοῦν. τῇ φύσει γὰρ ὢν ἀθαρσὴσ καὶ δύσελπισ, ἐν μὲν τοῖσ πολεμικοῖσ ἀπέκρυπτεν εὐτυχίᾳ τὴν δειλίαν·

κατώρθου γὰρ ὁμαλῶσ στρατηγῶν· τὸ δ’ ἐν τῇ πολιτείᾳ ψοφοδεὲσ καὶ πρὸσ τοὺσ συκοφάντασ εὐθορύβητον αὐτοῦ καὶ δημοτικὸν ἐδόκει, καὶ δύναμιν οὐ μικρὰν ἀπ’ εὐνοίασ τοῦ δήμου παρεῖχε τῷ δεδιέναι τοὺσ ὑπερορῶντασ, αὔξειν δὲ τοὺσ δεδιότασ. τοῖσ γὰρ πολλοῖσ τιμὴ μεγίστη παρὰ τῶν μειζόνων τὸ μὴ καταφρονεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 2

(플루타르코스, Νικίας, chapter 2)

상위

목록

SEARCH

MENU NAVIGATION