헬라어 문장 검색 - Πλυταρ́Νιξιασ́01́

(플루타르코스, Νικίας, chapter 1)

ὃσ ἐλπίσασ τὸν μὲν Θουκυδίδην ὑπερβαλεῖσθαι δεινότητι, τὸν δὲ Φίλιστον ἀποδείξειν παντάπασι φορτικὸν καὶ ἰδιώτην, διὰ μέσων ὠθεῖται τῇ ἱστορίᾳ τῶν μάλιστα κατωρθωμένων ἐκείνοισ ἀγώνων καὶ ναυμαχιῶν καὶ δημηγοριῶν, οὐ μὰ Δία παρὰ Λύδιον ἁρ́μα πεζὸσ οἰχνεύων ὥσ φησι Πίνδαροσ, ἀλλ’ ὅλωσ τισ ὀψιμαθὴσ καὶ μειρακιώδησ φαινόμενοσ ἐν τούτοισ, καὶ κατὰ τὸν Δίφιλον παχύσ, ὠνθυλευμένοσ στέατι Σικελικῷ, πολλαχοῦ δ’ ὑπορρέων εἰσ τὸν Ξέναρχον, ὥσπερ ὅταν λέγῃ τοῖσ Ἀθηναίοισ οἰωνὸν ἡγήσασθαι γεγονέναι τὸν ἀπὸ τῆσ νίκησ ἔχοντα τοὔνομα στρατηγὸν ἀντειπόντα πρὸσ τὴν στρατηγίαν, καὶ τῇ περικοπῇ τῶν Ἑρμῶν προσημαίνειν αὐτοῖσ τὸ δαιμόνιον, ὡσ ὑπὸ Ἑρμοκράτουσ τοῦ Ἕρμωνοσ πλεῖστα πείσονται παρὰ τὸν πόλεμον· ἔτι δ’ εἰκὸσ εἶναι τὸν Ἡρακλέα τοῖσ μὲν Συρακουσίοισ βοηθεῖν διὰ τὴν Κόρην, παρ’ ἧσ ἔλαβε τὸν Κέρβερον, ὀργίζεσθαι δὲ τοῖσ Ἀθηναίοισ, ὅτι τοὺσ Αἰγεστέασ, ἀπογόνουσ ὄντασ Τρώων, ἔσωζον, αὐτὸσ δ’ ὑπὸ Λαομέδοντοσ ἀδικηθεὶσ ἀνάστατον ἐποίησε τὴν πόλιν.

ἀλλὰ τούτῳ μὲν ἴσωσ ἀπὸ τῆσ αὐτῆσ ἐμμελείασ ταῦτά τε γράφειν ἐπῄει καὶ τὴν Φιλίστου διάλεκτον εὐθύνειν, καὶ τοῖσ περὶ Πλάτωνα καὶ Ἀριστοτέλην λοιδορεῖσθαι·

ἐμοὶ δ’ ὅλωσ μὲν ἡ περὶ λέξιν ἅμιλλα καὶ ζηλοτυπία πρὸσ ἑτέρουσ μικροπρεπὲσ φαίνεται καὶ σοφιστικόν, ἂν δὲ πρὸσ τὰ ἀμίμητα γίγνηται, καὶ τελέωσ ἀναίσθητον. ἃσ γοῦν Θουκυδίδησ ἐξήνεγκε πράξεισ καὶ Φίλιστοσ, ἐπεὶ παρελθεῖν οὐκ ἔστι, μάλιστά γε δὴ τὸν τρόπον καὶ τὴν διάθεσιν τοῦ ἀνδρὸσ ὑπὸ πολλῶν καὶ μεγάλων παθῶν καλυπτομένην περιεχούσασ, ἐπιδραμὼν βραχέωσ καὶ διὰ τῶν ἀναγκαίων, ἵνα μὴ παντάπασιν ἀμελὴσ δοκῶ καὶ ἀργὸσ εἶναι, τὰ διαφεύγοντα τοὺσ πολλούσ, ὑφ’ ἑτέρων δ’ εἰρημένα σποράδην ἢ πρὸσ ἀναθήμασιν ἢ ψηφίσμασιν εὑρημένα παλαιοῖσ πεπείραμαι συναγαγεῖν, οὐ τὴν ἄχρηστον ἀθροίζων ἱστορίαν, ἀλλὰ τὴν πρὸσ κατανόησιν ἤθουσ καὶ τρόπου παραδιδούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Νικίας, chapter 1

(플루타르코스, Νικίας, chapter 1)

상위

목록

SEARCH

MENU NAVIGATION