헬라어 문장 검색 - Πλυταρ́Λυξυλλύ34́

(플루타르코스, Lucullus, chapter 34)

τούτοισ δὲ τηλικούτοισ οὖσι προσγίνεται τὸ μάλιστα Λουκούλλῳ διειργασμένον τὰσ πράξεισ, Πόπλιοσ Κλώδιοσ, ἀνὴρ ὑβριστὴσ καὶ μεστὸσ ὀλιγωρίασ ἁπάσησ καὶ θρασύτητοσ. ἦν δὲ τῆσ Λουκούλλου γυναικὸσ ἀδελφόσ, ἣν καὶ διαφθείρειν ἔσχεν αἰτίαν ἀκολαστοτάτην οὖσαν. τότε δὲ τῷ Λουκούλλῳ συστρατεύων οὐχ ὅσησ αὑτὸν ἠξίου τιμῆσ ἐτύγχανεν ἠξίου δὲ πρῶτοσ εἶναι, καὶ πολλῶν ἀπολειπόμενοσ διὰ τὸν τρόπον ὑποικούρει τὴν Φιμβριανὴν στρατιὰν καὶ παρώξυνε κατὰ τοῦ Λουκούλλου, λόγουσ χρηστοὺσ εἰσ οὐκ ἄκοντασ οὐδ’ ἀήθεισ τοῦ δημαγωγεῖσθαι διαδιδούσ.

οὗτοι γὰρ ἦσαν, οὓσ καὶ πρότερον ἀνέπεισε Φιμβρίασ ἀποκτείναντασ τὸν ὕπατον Φλάκκον αὑτὸν ἑλέσθαι στρατηγόν. διὸ καὶ τὸν Κλώδιον ἡδέωσ ἐδέχοντο καὶ φιλοστρατιώτην προσηγόρευον, ἀγανακτεῖν προσποιούμενον ὑπὲρ αὐτῶν, εἰ πέρασ οὐδὲν ἔσται πολέμων τοσούτων καὶ πόνων, ἀλλὰ παντὶ μὲν ἔθνει μαχόμενοι, πᾶσαν δὲ γῆν πλανώμενοι κατατρίψουσι τὸν βίον οὐδὲν ἄξιον ἐκ τηλικαύτησ φερόμενοι στρατείασ, ἀλλὰ τὰσ Λουκούλλου παραπέμποντεσ ἁμάξασ καὶ καμήλουσ ἐκπωμάτων χρυσῶν καὶ διαλίθων γεμούσασ, οἱ δὲ Πομπηίου στρατιῶται δῆμοσ ὄντεσ ἤδη που μετὰ γυναικῶν καὶ τέκνων κάθηνται γῆν εὐδαίμονα καὶ πόλεισ ἔχοντεσ, οὐ Μιθριδάτην καὶ Τιγράνην εἰσ τὰσ ἀοικήτουσ ἐμβαλόντεσ ἐρημίασ, οὐδὲ τῆσ Ἀσίασ τὰ βασίλεια καταρρίψαντεσ, ἀλλὰ φυγάσιν ἀνθρώποισ ἐν Ἰβηρίᾳ καὶ δραπέταισ ἐν Ἰταλίᾳ πολεμήσαντεσ.

"τί οὖν, εἰ δεῖ μηδέποτε παύσασθαι στρατευομένουσ, οὐχὶ τοιούτῳ στρατηγῷ καὶ σώματα τὰ λοιπὰ καὶ ψυχὰσ φυλάσσομεν, ᾧ κάλλιστοσ εἶναι δοκεῖ κόσμοσ ὁ τῶν στρατευομένων πλοῦτοσ ;

τοιαύταισ αἰτίαισ τὸ Λουκούλλου στράτευμα διαφθαρέν οὔτ’ ἐπὶ Τιγράνην ἠκολούθησεν οὔτ’ ἐπὶ Μιθριδάτην αὖθισ ἐξ Ἀρμενίασ εἰσ Πόντον ἐμβαλόντα καὶ τὴν ἀρχὴν ἀναλαμβάνοντα, πρόφασιν δὲ τὸν χειμῶνα ποιούμενοι περὶ τὴν Γορδυηνὴν διέτριβον, ὅσον οὔπω Πομπήϊον ἤ τιν’ ἄλλον τῶν ἡγεμόνων Λουκούλλῳ διάδοχον ἀφίξεσθαι προσδοκῶντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 34

(플루타르코스, Lucullus, chapter 34)

상위

목록

SEARCH

MENU NAVIGATION