헬라어 문장 검색 - Πλυταρ́Λυξυλλύ29́

(플루타르코스, Lucullus, chapter 29)

διὸ καὶ Μιθριδάτησ οὐ συνέτεινεν ἐπὶ τὴν μάχην, τῇ συνήθει τὸν Λούκουλλον εὐλαβείᾳ καὶ παραγωγῇ πολεμήσειν οἰόμενοσ, ἀλλὰ καθ’ ἡσυχίαν ἐπορεύετο πρὸσ τὸν Τιγράνην. καὶ πρῶτον μὲν ὀλίγοισ τῶν Ἀρμενίων ἐντυχὼν καθ’ ὁδὸν ἐπτοιημένοισ καὶ περιφόβοισ ἀπιοῦσιν εἴκασε τὸ πάθοσ, εἶτ’ ἤδη πλειόνων γυμνῶν καὶ τετρωμένων ἀπαντώντων πυθόμενοσ τὴν ἧτταν ἐζήτει τὸν Τιγράνην. εὑρὼν δὲ πάντων ἔρημον καὶ ταπεινόν οὐκ ἀνθύβρισεν, ἀλλὰ καταβὰσ καὶ συνδακρύσασ τὰ κοινὰ πάθη θεραπείαν τε τὴν ἑπομένην αὐτῷ βασιλικὴν ἔδωκε καὶ κατεθάρρυνε πρὸσ τὸ μέλλον, οὗτοι μὲν οὖν αὖθισ ἑτέρασ δυνάμεισ συνῆγον.

ἐν δὲ τῇ πόλει τοῖσ Τιγρανοκέρτοισ τῶν Ἑλλήνων πρὸσ τοὺσ βαρβάρουσ στασιασάντων καὶ τῷ Λουκούλλῳ τὴν πόλιν ἐνδιδόντων προσβαλὼν εἷλε· καὶ τοὺσ μὲν ἐν τῇ πόλει θησαυροὺσ παρελάμβανε, τὴν δὲ πόλιν διαρπάσαι παρέδωκε τοῖσ στρατιώταισ, μετὰ τῶν ἄλλων χρημάτων ὀκτακισχίλια τάλαντα νομίσματοσ ἔχουσαν.

χωρὶσ δὲ τούτων ὀκτακοσίασ δραχμὰσ κατ’ ἄνδρα διένειμεν ἀπὸ τῶν λαφύρων. πυνθανόμενοσ δὲ πολλοὺσ ἐν τῇ πόλει κατειλῆφθαι τῶν περὶ τὸν Διόνυσον τεχνιτῶν, οὓσ ὁ Τιγράνησ πανταχόθεν ἠθροίκει μέλλων ἀποδεικνύναι τὸ κατεσκευασμένον ὑπ’ αὑτοῦ θέατρον, ἐχρήσατο τούτοισ πρὸσ τοὺσ ἀγῶνασ καὶ τὰσ θέασ τῶν ἐπινικίων.

τοὺσ δ’ Ἕλληνασ εἰσ τὰσ αὑτῶν πατρίδασ ἔπεμψε προσθεὶσ ἐφόδια, καὶ τῶν βαρβάρων ὁμοίωσ τοὺσ ἠναγκασμένουσ κατοικεῖν, ὥστε συνέβη μιᾶσ πόλεωσ διαλυθείσησ πολλὰσ ἀνοικίζεσθαι πάλιν κομιζομένασ τοὺσ αὑτῶν οἰκήτορασ, ὑφ’ ὧν ὡσ εὐεργέτησ ὁ Λούκουλλοσ καὶ κτίστησ ἠγαπᾶτο. προὐχώρει δὲ καὶ τἆλλα κατ’ ἀξίαν τἀνδρί τῶν ἀπὸ δικαιοσύνησ καὶ φιλανθρωπίασ ἐπαίνων ὀρεγομένῳ μᾶλλον ἢ τῶν ἐπὶ τοῖσ πολεμικοῖσ κατορθώμασιν.

ἐκείνων μὲν γὰρ οὐκ ὀλίγον ἡ στρατιὰ καὶ πλεῖστον ἡ τύχη μετεῖχε, ταῦτα δ’ ἦν ἡμέρου ψυχῆσ καὶ πεπαιδευμένησ ἐπίδειξισ, οἷσ ὁ Λούκουλλοσ τότε χωρὶσ ὅπλων ἐχειροῦτο τοὺσ βαρβάρουσ, καὶ γὰρ Ἀράβων βασιλεῖσ ἧκον πρὸσ αὐτὸν ἐγχειρίζοντεσ τὰ σφέτερα, καὶ τὸ Σωφηνῶν ἔθνοσ προσεχώρει· τὸ δὲ Γορδυηνῶν οὕτω διέθηκεν, ὥστε βούλεσθαι τὰσ πόλεισ ἐκλιπόντασ ἀκολουθεῖν ἐκείνῳ μετὰ παίδων καὶ γυναικῶν ἐθελοντὰσ ἐξ αἰτίασ τοιᾶσδε.

Ζαρβιηνὸσ γὰρ ὁ τῶν Γορδυηνῶν βασιλεὺσ, ὥσπερ εἴρηται, δι’ Ἀππίου κρύφα Λουκούλλῳ διείλεκτο περὶ συμμαχίασ τὴν Τιγράνου τυραννίδα βαρυνόμενοσ· μηνυθεὶσ δ’ ἀπεσφάγη, καὶ παῖδεσ αὑτοῦ καὶ γυνὴ συναπώλοντο πρὶν ἢ Ῥωμαίουσ εἰσ Ἀρμενίαν ἐμβαλεῖν. τούτων οὐκ ἠμνημόνησεν ὁ Λούκουλλοσ, ἀλλὰ παρελθὼν εἰσ τὴν Γορδυηνῶν ταφὰσ προὔθετο τοῦ Ζαρβιηνοῦ, καὶ πυρὰν ἐσθῆτι καὶ χρυσῷ βασιλικῷ καὶ τοῖσ ἀπὸ Τιγράνου κοσμήσασ λαφύροισ αὐτὸσ παρὼν ὑφῆψε, καὶ χοὰσ ἐπήνεγκε μετὰ φίλων καὶ οἰκείων τοῦ ἀνδρόσ, ἑταῖρον ἑαυτοῦ καὶ Ῥωμαίων σύμμαχον ἀνακαλούμενοσ.

ἐκέλευσε δὲ καὶ μνημεῖον ἀπὸ χρημάτων συχνῶν αὐτῷ γενέσθαι·

πάμπολλα γὰρ εὑρέθη, καὶ χρυσὸσ καὶ ἄργυροσ ἐν τοῖσ τοῦ Ζαρβιηνοῦ βασιλείοισ, σίτου δ’ ἀπέκειντο μυριάδεσ τριακόσιαι μεδίμνων, ὥστε καὶ τοὺσ στρατιώτασ ὠφελεῖσθαι καὶ τὸν Λούκουλλον θαυμάζεσθαι, ὅτι δραχμὴν μίαν ἐκ τοῦ δημοσίου ταμιείου μὴ λαβὼν αὐτὸν ἐξ αὑτοῦ διῴκει τὸν πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Lucullus, chapter 29

(플루타르코스, Lucullus, chapter 29)

상위

목록

SEARCH

MENU NAVIGATION