헬라어 문장 검색 - Πλυταρ́Αλξιβιά39́

(플루타르코스, Ἀλκιβιάδης, chapter 39)

ὡσ οὖν ὁ Λύσανδροσ ἔπεμψε πρὸσ τὸν Φαρνάβαζον ταῦτα πράττειν κελεύων, ὁ δὲ Μαγαίῳ τε τῷ ἀδελφῷ καὶ Σουσαμίθρῃ τῷ θείῳ προσέταξε τὸ ἔργον, ἔτυχε μὲν ἐν κώμῃ τινὶ τῆσ Φρυγίασ ὁ Ἀλκιβιάδησ τότε διαιτώμενοσ, ἔχων Τιμάνδραν μεθ’ αὑτοῦ τὴν ἑταίραν, ὄψιν δὲ κατὰ τοὺσ ὕπνουσ εἶδε τοιαύτην· ἐδόκει περικεῖσθαι μὲν αὐτὸσ τὴν ἐσθῆτα τῆσ ἑταίρασ, ἐκείνην δὲ τὴν κεφαλὴν ἐν ταῖσ ἀγκάλαισ ἔχουσαν αὐτοῦ κοσμεῖν τὸ πρόσωπον ὥσπερ γυναικὸσ ὑπογράφουσαν καὶ ψιμυθιοῦσαν.

ἕτεροι δέ φασιν ἰδεῖν τὴν κεφαλὴν ἀποτέμνοντασ αὐτοῦ τοὺσ περὶ τὸν Μαγαῖον ἐν τοῖσ ὕπνοισ καὶ τὸ σῶμα καιόμενον. ἀλλὰ τὴν μὲν ὄψιν οὐ πολὺ γενέσθαι λέγουσι πρὸ τῆσ τελευτῆσ. οἱ δὲ πεμφθέντεσ πρὸσ αὐτὸν οὐκ ἐτόλμησαν εἰσελθεῖν, ἀλλὰ κύκλῳ τὴν οἰκίαν περιστάντεσ ἐνεπίμπρασαν. αἰσθόμενοσ δ’ ὁ Ἀλκιβιάδησ τῶν μὲν ἱματίων τὰ πλεῖστα καὶ τῶν στρωμάτων συναγαγὼν ἐπέρριψε τῷ πυρί, τῇ δ’ ἀριστερᾷ χειρὶ τὴν ἑαυτοῦ χλαμύδα περιελίξασ, τῇ δεξιᾷ σπασάμενοσ τὸ ἐγχειρίδιον ἐξέπεσεν ἀπαθὴσ ὑπὸ τοῦ πυρὸσ πρὶν ἢ διαφλέγεσθαι τὰ ἱμάτια, καὶ τοὺσ βαρβάρουσ ὀφθεὶσ διεσκέδασεν.

οὐδεὶσ γὰρ ὑπέμεινεν αὐτὸν οὐδ’ εἰσ χεῖρασ συνῆλθεν, ἀλλ’ ἀποστάντεσ ἔβαλλον ἀκοντίοισ καὶ τοξεύμασιν. οὕτω δ’ αὐτοῦ πεσόντοσ καὶ τῶν βαρβάρων ἀπελθόντων, ἡ Τιμάνδρα τὸν νεκρὸν ἀνείλετο, καὶ τοῖσ αὑτῆσ περιβαλοῦσα καὶ περικαλύψασα χιτωνίσκοισ, ἐκ τῶν παρόντων ἐκήδευσε λαμπρῶσ καὶ φιλοτίμωσ.

ταύτησ λέγουσι θυγατέρα γενέσθαι Λαί̈δα τὴν Κορινθίαν μὲν προσαγορευθεῖσαν, ἐκ δὲ Ὑκκάρων, Σικελικοῦ πολίσματοσ, αἰχμάλωτον γενομένην. ἔνιοι δὲ τὰ μὲν ἄλλα περὶ τῆσ Ἀλκιβιάδου τελευτῆσ ὁμολογοῦσι τούτοισ, αἰτίαν δέ φασιν οὐ Φαρνάβαζον οὐδὲ Λύσανδρον οὐδὲ Λακεδαιμονίουσ παρασχεῖν, αὐτὸν δὲ τὸν Ἀλκιβιάδην γνωρίμων τινῶν διεφθαρκότα γύναιον ἔχειν σὺν αὑτῷ, τοὺσ δ’ ἀδελφοὺσ τοῦ γυναίου τὴν ὕβριν οὐ μετρίωσ φέροντασ ἐμπρῆσαί τε τὴν οἰκίαν νύκτωρ, ἐν ᾗ διαιτώμενοσ ἐτύγχανεν ὁ Ἀλκιβιάδησ, καὶ καταβαλεῖν αὐτόν, ὥσπερ εἴρηται, διὰ τοῦ πυρὸσ ἐξαλλόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 39

(플루타르코스, Ἀλκιβιάδης, chapter 39)

상위

목록

SEARCH

MENU NAVIGATION