헬라어 문장 검색 - Πλυταρ́Αλξιβιά37́

(플루타르코스, Ἀλκιβιάδης, chapter 37)

ταῦτα δὲ λέγοντοσ τοῦ Ἀλκιβιάδου, καὶ παραινοῦντοσ εἰσ Σηστὸν μεθορμίσαι τὸν στόλον, οὐ προσεῖχον οἱ στρατηγοί· Τυδεὺσ δὲ καὶ πρὸσ ὕβριν ἐκέλευσεν ἀποχωρεῖν, οὐ γὰρ ἐκεῖνον, ἀλλ’ ἑτέρουσ στρατηγεῖν. ὁ δ’ Ἀλκιβιάδησ ὑπονοήσασ τι καὶ προδοσίασ ἐν αὐτοῖσ ἀπῄει, καὶ τοῖσ προπέμπουσι τῶν ἀπὸ τοῦ στρατοπέδου γνωρίμων ἔλεγεν ὅτι μὴ προπηλακισθεὶσ οὕτωσ ὑπὸ τῶν στρατηγῶν ὀλίγαισ ἂν ἡμέραισ ἠνάγκασε Λακεδαιμονίουσ διαναυμαχεῖν αὐτοῖσ ἄκοντασ ἢ τὰσ ναῦσ ἀπολιπεῖν. ἐδόκει δὲ τοῖσ μὲν ἀλαζονεύεσθαι, τοῖσ δ’ εἰκότα λέγειν, εἰ Θρᾷκασ ἐκ γῆσ ἐπαγαγὼν πολλοὺσ ἀκοντιστὰσ καὶ ἱππεῖσ προσμάχοιτο καὶ διαταράττοι τὸ στρατόπεδον αὐτῶν.

ὅτι μέντοι τὰσ ἁμαρτίασ τῶν Ἀθηναίων ὀρθῶσ συνεῖδε, ταχὺ τὸ ἔργον ἐμαρτύρησεν. ἄφνω γὰρ αὐτοῖσ καὶ ἀπροσδοκήτωσ τοῦ Λυσάνδρου προσπεσόντοσ, ὀκτὼ μόναι τριήρεισ ἐξέφυγον μετὰ Κόνωνοσ, αἱ δ’ ἄλλαι μικρὸν ἀπολείπουσαι διακοσίων ἀπήχθησαν αἰχμάλωτοι. τῶν δ’ ἀνθρώπων τρισχιλίουσ ἑλὼν ζῶντασ ἀπέσφαξεν ὁ Λύσανδροσ.

ἔλαβε δὲ καὶ τὰσ Ἀθήνασ ὀλίγῳ χρόνῳ καὶ τὰσ ναῦσ ἐνέπρησε καὶ τὰ μακρὰ τείχη καθεῖλεν. ἐκ δὲ τούτου φοβηθεὶσ ὁ Ἀλκιβιάδησ ἄρχοντασ ἤδη καὶ γῆσ καὶ θαλάττησ τοὺσ Λακεδαιμονίουσ εἰσ Βιθυνίαν μετέστη, πολλὰ μὲν ἄγων χρήματα, πολλὰ δὲ κομίζων, ἔτι δὲ πλείω καταλιπὼν ἐν οἷσ ᾤκει τείχεσιν. ἐν δὲ Βιθυνίᾳ πάλιν οὐκ ὀλίγα τῶν ἰδίων ἀπολέσασ καὶ περικοπεὶσ ὑπὸ τῶν ἐκεῖ Θρᾳκῶν, ἔγνω μὲν ἀναβαίνειν πρὸσ Ἀρταξέρξην, ἑαυτόν τε μὴ χείρονα Θεμιστοκλέουσ πειρωμένῳ βασιλεῖ φανεῖσθαι νομίζων, καὶ κρείττονα τὴν πρόφασιν·

οὐ γὰρ ἐπὶ τοὺσ πολίτασ, ὡσ ἐκεῖνον, ἀλλ’ ὑπὲρ τῆσ πατρίδοσ ἐπὶ τοὺσ πολεμίουσ ὑπουργήσειν καὶ δεήσεσθαι τῆσ βασιλέωσ δυνάμεωσ· εὐπορίαν δὲ τῆσ ἀνόδου μετὰ ἀσφαλείασ μάλιστα Φαρνάβαζον οἰόμενοσ παρέξειν, ᾤχετο πρὸσ αὐτὸν εἰσ Φρυγίαν, καὶ συνδιῆγε θεραπεύων ἅμα καὶ τιμώμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 37

(플루타르코스, Ἀλκιβιάδης, chapter 37)

상위

목록

SEARCH

MENU NAVIGATION