헬라어 문장 검색 - Πλυταρ́Αλξιβιά23́

(플루타르코스, Ἀλκιβιάδης, chapter 23)

τοσούτων δὲ κατεψηφισμένων Ἀλκιβιάδου καὶ κατεγνωσμένων, ἐτύγχανε μὲν ἐν Ἄργει διατρίβων, ὡσ τὸ πρῶτον ἐκ Θουρίων ἀποδρὰσ εἰσ Πελοπόννησον διεκομίσθη, φοβούμενοσ δὲ τοὺσ ἐχθροὺσ καὶ παντάπασι τῆσ πατρίδοσ ἀπεγνωκὼσ ἔπεμψεν εἰσ Σπάρτην, ἀξιῶν ἄδειαν αὐτῷ γενέσθαι καὶ πίστιν ἐπὶ μείζοσι χρείαισ καὶ ὠφελείαισ ὧν πρότερον αὐτοὺσ ἀμυνόμενοσ ἔβλαψε. δόντων δὲ τῶν Σπαρτιατῶν καὶ δεξαμένων, παραγενόμενοσ προθύμωσ ἓν μὲν εὐθὺσ ἐξειργάσατο, μέλλοντασ καὶ ἀναβαλλομένουσ βοηθεῖν Συρακουσίοισ ἐγείρασ καὶ παροξύνασ πέμψαι Γύλιππον ἄρχοντα καὶ θραῦσαι τὴν ἐκεῖ τῶν Ἀθηναίων δύναμιν·

ἕτερον δέ, κινεῖν τὸν αὐτόθεν πόλεμον ἐπὶ τοὺσ Ἀθηναίουσ· τὸ δὲ τρίτον καὶ μέγιστον, ἐπιτειχίσαι Δεκέλειαν, οὗ μᾶλλον οὐδὲν διειργάσατο καὶ κατοικοφθόρησε τὴν πόλιν. εὐδοκιμῶν δὲ δημοσίᾳ καὶ θαυμαζόμενοσ οὐχ ἧττον ἰδίᾳ τοὺσ πολλοὺσ κατεδημαγώγει καὶ κατεγοήτευε τῇ διαίτῃ λακωνίζων, ὥσθ’ ὁρῶντασ ἐν χρῷ κουριῶντα καὶ ψυχρολουτοῦντα καὶ μάζῃ συνόντα καὶ ζωμῷ μέλανι χρώμενον ἀπιστεῖν καὶ διαπορεῖν, εἴ ποτε μάγειρον ἐπὶ τῆσ οἰκίασ οὗτοσ ἀνὴρ ἔσχεν ἢ προσέβλεψε μυρεψὸν ἢ Μιλησίασ ἠνέσχετο θιγεῖν χλανίδοσ.

ἦν γάρ, ὥσ φασι, μία δεινότησ αὕτη τῶν πολλῶν ἐν αὐτῷ καὶ μηχανὴ θήρασ ἀνθρώπων, συνεξομοιοῦσθαι καὶ συνομοπαθεῖν τοῖσ ἐπιτηδεύμασι καὶ ταῖσ διαίταισ, ὀξυτέρασ τρεπομένῳ τροπὰσ τοῦ χαμαιλέοντοσ.

πλὴν ἐκεῖνοσ μέν, ὡσ λέγεται, πρὸσ ἓν ἐξαδυνατεῖ χρῶμα τὸ λευκὸν ἀφομοιοῦν ἑαυτόν· ἀλλ’ ἐν Σπάρτῃ γυμναστικόσ, εὐτελήσ, σκυθρωπόσ, ἐν Ιὠνίᾳ χλιδανόσ, ἐπιτερπήσ, ῥᾴθυμοσ, ἐν Θράκῃ μεθυστικόσ, ἐν Θετταλοῖσ ἱππαστικόσ, Τισαφέρνῃ δὲ τῷ σατράπῃ συνὼν ὑπερέβαλεν ὄγκῳ καὶ πολυτελείᾳ τὴν Περσικὴν μεγαλοπρέπειαν, οὐχ αὑτὸν ἐξιστὰσ οὕτω ῥᾳδίωσ εἰσ ἕτερον ἐξ ἑτέρου τρόπον, οὐδὲ πᾶσαν δεχόμενοσ τῷ ἤθει μεταβολήν, ἀλλ’ ὅτι τῇ φύσει χρώμενοσ ἔμελλε λυπεῖν τοὺσ ἐντυγχάνοντασ, εἰσ πᾶν ἀεὶ τὸ πρόσφορον ἐκείνοισ σχῆμα καὶ πλάσμα κατεδύετο καὶ κατέφευγεν.

ἐν γοῦν τῇ Λακεδαίμονι πρὸσ τὰ ἔξωθεν ἦν εἰπεῖν·

"οὐ παῖσ Ἀχιλλέωσ, ἀλλ’ ἐκεῖνοσ εἰή ἂν αὐτόσ, οἱο͂ν Λυκοῦργοσ ἐπαίδευσε· τοῖσ δ’ ἀληθινοῖσ ἄν τισ ἐπεφώνησεν αὐτοῦ πάθεσι καὶ πράγμασιν· "ἔστιν ἡ πάλαι γυνή. Τιμαίαν γὰρ τὴν Ἄγιδοσ γυναῖκα τοῦ βασιλέωσ στρατευομένου καὶ ἀποδημοῦντοσ οὕτω διέφθειρεν ὥστε καὶ κύειν ἐξ Ἀλκιβιάδου καὶ μὴ ἀρνεῖσθαι, καὶ τεκούσησ παιδάριον ἄρρεν ἔξω μὲν Λεωτυχίδην καλεῖσθαι, τὸ δ’ ἐντὸσ αὐτοῦ ψιθυριζόμενον ὄνομα πρὸσ τὰσ φίλασ καὶ τὰσ ὀπαδοὺσ ὑπὸ τῆσ μητρὸσ Ἀλκιβιάδην εἶναι·

τοσοῦτοσ ἔρωσ κατεῖχε τὴν ἄνθρωπον. ὁ δ’ ἐντρυφῶν ἔλεγεν οὐχ ὕβρει τοῦτο πράττειν οὐδὲ κρατούμενοσ ὑφ’ ἡδονῆσ, ἀλλ’ ὅπωσ Λακεδαιμονίων βασιλεύσωσιν οἱ ἐξ αὐτοῦ γεγονότεσ. οὕτω πραττόμενα ταῦτα πολλοὶ κατηγόρουν πρὸσ τὸν Ἆγιν.

ἐπίστευσε δὲ τῷ χρόνῳ μάλιστα, ὅτι σεισμοῦ γενομένου φοβηθεὶσ ἐξέδραμε τοῦ θαλάμου παρὰ τῆσ γυναικόσ, εἶτα δέκα μηνῶν οὐκέτι συνῆλθεν αὐτῇ, μεθ’ οὓσ γενόμενον τὸν Λεωτυχίδην ἀπέφησεν ἐξ αὐτοῦ μὴ γεγονέναι. καὶ διὰ τοῦτο τῆσ βασιλείασ ἐξέπεσεν ὕστερον ὁ Λεωτυχίδησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 23

(플루타르코스, Ἀλκιβιάδης, chapter 23)

상위

목록

SEARCH

MENU NAVIGATION